Рахимова Гулмира Хамидуллаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Маҳаллий соя дуккагидан олинган сутни қўллаб сутли маргарин рецептурасини ишлаб чиқиш», 02.00.17 – Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: B2022.2.PhD/Т2796.
Илмий раҳбар: Рўзибоев Акбарали Турсунбаевич, техника фанлари номзоди, профессор.
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/31.03.2023.Т.66.05.
Расмий оппонентлар: Сагдуллаева Дилафруз Саидакбаровна, техника фанлари доктори, профессор; Абдураҳимов Ахрор Анварович, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий соя дуккагидан сут олиш технологиясини такомиллаштириш ва олинган соя сути асосида сутли маргаринлар рецептини ишлаб чиқишдан иборат.
III. Тадқиқотнинг илмий янгилиги:
биринчи маротаба маҳаллий соя дуккагидан сут олишда ноанаънавий усул – ултратовуш таъсиридан фойдаланиш самарали эканлиги аниқланган;
соя дуккагидан сут олишда ултратовуш таъсиридан фойдаланиш орқали соя дуккагини ивитиш жараёнинининг интенсивлигини 5 маротаба ошириши исботланган;
илк марта маҳаллий соя сути ва переетерификацияланган ёғлар асосида веганлар учун мўлжалланган сутли маргарин рецептураси ишлаб чиқилган;
соя сутининг маргарин эмулсиясининг турғунлиги ва физик-кимёвий хусусиятларига барқарор таъсири асосланган;
маргарин рецептига сигир сути ўрнига соя сутини киритиш орқали иқтисодий самарадорлиги юқори бўлган маргаринлар олиш технологияси ишлаб чиқилган.
IV. Тадқиқот натижаларининг жорий қилиниши.
Соя дуккагини самарали қайта ишлаб олинган юқори сифатли соя сутини ёғли эмулсия маҳсулотларида қўллаш бўйича олинган илмий натижалар асосида:
соя дуккагидан интенсив усулда соя сути олиш технологияси “МИЛКО-С” МЧЖ корхонасида ишлаб чиқаришга жорий қилинган (Ўзбекистон Республикаси Ёғ-мой саноати корхоналари уюшмасининг 2024 йил 24 январдаги КС/З-20-сонли маълумотномаси). Натижада, сут олишдаги соя донини ивитиш жараёнининг давомийлиги 7 соатдан 80 минутгача яъни 5 баробарга камайтириш, ултратовушли усулда юқори сифатли соя сути олиш имконини берган;
интенсив усулда олинган соя сути асосида ишлаб чиқилган маргарин рецепти «Чирчиқ Гранд Савдо» МЧЖ корхонасида амалиётга жорий қилинган (Ўзбекистон Республикаси Ёғ-мой саноати корхоналари уюшмасининг 2024 йил 24 январдаги КС/З-20-сон маълумотномаси). Натижада физик-кимёвий ва органолептик кўрсаткичлари ҳамда сақлаш муддати яхшиланган сутли маргарин олиш олиш имконини берган.