Оллаберганова Азиза Матёкубовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ёғларни гидрогенлашда ишлатилган катализаторни самарали қайта ишлаш технологиясини ишлаб чиқиш», 02.00.17 – Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: В2024.2.PhD/Т4612.
Илмий раҳбар: Юнусов Обиджон Қодирович, техника фанлари номзоди, доцент.
Диссертация бажарилган муассаса номи: Урганч давлат университети.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Серкаев Қамар Пардаевич, техника фанлари доктори, доцент; Суванова Фаёза Усмоновна, техника фанлари номзоди, профессор.
Етакчи ташкилот: Ўзбекитон кимё-фармацевтика илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ёғларни гидрогенлашда ишлатилган никелли катализаторларни ёғсизлантириш ва регенерациялаш технологияларини такомиллаштириш ҳамда қайта тикланган катализатор иштирокида пахта мойини гидрогенлаш жараёнини жадаллаштиришдан иборат.
III. Тадқиқотнинг илмий янгилиги:
ёғларни гидрогенлашда ишлатилган катализаторнинг таркиби гидрогенлаш технологияси ва қўлланилган фильтрловчи қўшимчаларга боғлиқлиги асосланган;
ультратовуш ёрдамида ишлатилган катализаторларни ёғсизлантирилганда жараён давомийлигининг 1,5-1,8 мартагача қичқариши исботланган;
ишлатилган катализаторни ёғсизлантириш ва металларни ажратиб олишда қўлланиладиган калцинирланган сода ва сульфат кислотанинг оптимал миқдорлари аниқланган;
регенерацияланган катализаторларнинг активлик ва барқарорлик каби хусусиятларига мойнинг сифати ва жараён ҳарорати асосий таъсир этувчи омиллар эканлиги исботланган;
ёғларни гидрогенлашда ишлатилган никелли катализаторларни ёғсизлантириш ва регенерациялаш технологияси такомиллаштирилиб, хоссалари қайта тикланган катализатор иштирокида пахта мойини гидрогенлаш жараёнини жадаллаштирилган.
IV. Тадқиқот натижаларининг жорий қилиниши:
Ёғ-мой корхоналарида ишлатилган никелли катализаторлардан ёғ ва металларни ажратиб олиш, ҳамда регенерацияланган катализатор иштирокида саломас олиш бўйича олинган илмий натижалар асосида:
ёғларни гидрогенлашда ишлатилган катализаторни ёғсизлантириш ва регенерациялаш технологияси “Урганч ёғ-мой” АЖда ишлаб чиқариш амалиётга жорий қилинган («Ўзёғмойсаноати» уюшмасининг 2024 йил 27 майдаги КС/3-168-сон маълумотномаси). Натижада, ёғларни гидрогенлашда ишлатилган дисперс катализаторни ёғсизлантириш жараёнида ультратовуш таъсиридан фойдаланиш жараён давомийлигини 2 баробарга қисқартириб, энергия ва ресурслар сарфини сезиларли даражада камайтириш имконини берган;
регенерацияланган дисперс катализатор иштирокида ўсимлик мойларини гидрогенлаш технологияси “Урганч ёғ-мой” АЖда амалиётга жорий қилинган («Ўзёғмойсаноати» уюшмасининг 2024 йил 27 майдаги КС/3-168-сон маълумотномаси). Натижада, регенерацияланган никелли катализаторда пахта мойини гидрогенлашда адсорбентдан фойдаланиш жараён давомийлигини мой сифатига қараб 1,04-1,22 баробарга қисқариш имконини берган