Ташева Хадича Туйбоевнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Рудани майдалашнинг энергия самарадорлигини ошириш (“Олмалиқ кон-металлургия комбинати” АЖ мисолида)”, 05.05.01 – “Энергетика тизимлари ва мажмуалари”.
Диссертация мавзуси рўйхатга олинган рақам: В2021.4.PhD/Т2507
Илмий раҳбар: Ишназаров Ойбек Хайрилаевич, техника фанлари доктори, профессор.
Диссертация бажарилган муассаса номи: Ўзбекистон Республикаси Фанлар академияси Энергетика муаммолари институти.
ИК фаолият кўрсатаётган муассаса номи, ИК рақами: ЎзР ФА Энергетика муаммолари институти, DSc.02/30.12.2021.Т.143.01.
Расмий оппонентлар:
Арипов Назиржан Мукарамович – техника фанлари доктори, профессор.
Халиков Солихджан Субханович – техника фанлари номзоди, доцент.
Етакчи ташкилот: Навоий давлат кончилик ва технологиялари унивeрситeти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тегирмон қурилмалари томонидан рудани майдалаш жараёнида электр энергиясидан фойдаланиш самарадорлигини оширишдан иборат.
III. Тадқиқотнинг илмий янгилиги:
айланиш тезлигининг ўзгариши, руданинг қаттиқлиги ва суюқликнинг қаттиқ фазага нисбатини ҳисобга олган ҳолда ҳўл ўзи майдалаш тегирмонидаги электр энергия истеъмолининг математик модели ишлаб чиқилган;
руданинг қаттиқлиги ва зичлигини, шунингдек унинг тўлдирилишини  ҳисобга олган ҳолда, Bond тегирмони моделига асосида ҳўл ўзи майдалаш тегирмонининг частотали бошқариладиган электр юритмасининг математик модели ва структура схемаси ишлаб чиқилган;
шаршара режимини таъминлаш ва айланиш тезлигини ростлаш асосида ҳўл ўзи майдалаш тегирмонининг энергия тежамкор иш режими аниқланган;
оптимал жаддаллаштириш ва асинхрон ишга туширилиши асосида ҳўл ўзи майдалаш тегирмонини частотавий ишга тушириш усули такомиллаштирилган;
ҳўл ўзи майдалаш тегирмонининг қаршилик моментини ҳисоблаш услубияти ва оптимал айланиш тезлиги руданинг қаттиқлиги ҳамда градиент тушиш усули асосида такомиллаштирилган.
IV. Тадқиқот натижаларининг жорий қилиниши: Ҳўл ўзи майдалаш тегирмонининг айланиш тезлигини ростлаш ва равон ишга тушириш, иш режимларини оптималлаштириш ҳамда энергия сарфини камайтириш бўйича илмий натижалари асосида:
ҳўл ўзи майдалаш тегирмонининг энергия тежамкор иш режими ва рудани майдалаш технологик жараёнининг математик модели “Олмалиқ КМК” нинг Мисни бойитиш фабрикасида жорий этилди (Олмалиқ КМК АЖ 2022 йил 12 октябрдаги жорий этиш тўғрисидаги 61- СГЭ-ChX-22-10-0159-сон маълумотномаси). Натижада электр энергияси сарфини йилига 277,820 кВт*соатга камайтириш имконини берган;
ҳўл ўзи майдалаш тегирмонининг юқори кучланишли синхрон машинани равон ишга тушириш тизими “Олмалиқ КМК” нинг Мисни бойитиш фабрикасида жорий этилди (Олмалиқ КМК АЖ 2022 йил 12 октябрдаги жорий этиш тўғрисидаги 61-СГЭ-ChX-22-10-0159-сон маълумотномаси). Натижада иқтисодий самарадорлик йилига 125 019 000 сўмни ташкил этган.