Абдуллаев Аъзамжон Камолхановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Виртуал моделлаштириш асосида ўқувчиларни лойиҳалаш компетентлигини ривожлантириш методикасини такомиллаштириш (Архитектуравий лойиҳалаш фани мисолида)”, 13.00.05 – Касб-ҳунар таълими назарияси ва методикаси (педагогика фанлари).
Диссертация мавзуси рўйхатга олинган рақам: B2022.3.PhD/Ped3926.
Илмий раҳбар: Эргашев Бобиржон Боходирович, педагогика фанлари доктори, доцент.  
Диссертация бажарилган муассаса номи: Профессионал таълимни ривожлантириш институти.
ИК фаолият кўрсатаётган муассаса (муассасалар) номи: Профессионал таълимни ривожлантириш институти, DSc.05/29.12.2023.Ped.48.01
Расмий оппонентлар: Ҳамидов Жалил Абдурасулович, педагогика фанлари доктори, профессор; Раҳимов Зокир Тоштемирович, педагогика фанлари доктори, профессор.
Етакчи ташкилот: Бухоро муҳандислик-технология институти,
Диссертация йўналиши: амалий ва назарий аҳамиятга молик.
II.Тадқиқотнинг мақсади виртуал моделлаштириш асосида профессионал таълим муассасалари ўқувчиларининг лойиҳалаш компетентлигини ривожлантириш методикасини такомиллаштиришдан иборат.
III. Тадқиқотнинг илмий янгилиги:
профессионал таълим муассасалари ўқувчиларининг лойиҳалаш компетентлигини ривожлантиришнинг ташкилий-тузилмавий модели архитектуравий-лойиҳалаш тасаввури ва график тафаккурни, креатив фикрлаш қобилиятини ривожлантиришнинг мултимедиали технологияларини, виртуал моделлаштириш усулларини лойиҳалаш фаолиятига тайёрлашнинг технологик жараёнига тизимли жорий қилиш асосида такомиллаштирилган;
“Архитектуравий лойиҳалаш” ўқув фанини ўқитишда ўқувчиларининг лойиҳалаш компетентлигини ривожлантириш методикаси ўқувчиларнинг график тасаввури, архитектуравий график топшириқ-лойиҳалар, бино-иншоотларининг лойиҳалаш чизмалари билан ишлаш компетентлилигини ривожлантиришнинг мултимедиали, виртуал таълим билан боғлиқ педагогик имкониятларни оширишга қаратилган “Арчитеcц” муаллифлик методини киритиш натижасида такомиллаштирилган;
виртуал моделлаштиришга асосланган таълим жараёнида ўқувчиларнинг лойиҳалаш компетентлигини ривожланганлик даражалари ҳамда критериал-диагностик методлари муаммоли видео топшириқлар, амалий топшириқлар, виртуал лаборатория топшириқлар мажмуасини ишлаб чиқиш ва автоматик баҳолаш усулларини киритиш асосида аниқлаштирилган;
виртуал таълим муҳитида профессионал таълим муассасалари ўқувчиларини иммерсивлиги ҳамда интерфаоллигини тизимли таъминлаш асосида лойиҳалаш компетентлигини ривожлантиришнинг маълумотларни қидириш, баҳолаш, билимларни касбий фаолиятда ижодкорона қўллай олиш каби педагогик шарт-шароитлари аниқланган.
IV. Тадқиқот натижаларининг жорий қилиниши. “Архитектуравий лойиҳалаш” фанини виртуал моделлаштириш асосида ўқувчиларда лойиҳалаш компетентлигини ривожлантириш методикасини такомиллаштиришга оид тадқиқот натижалари асосида:
виртуал таълим муҳитида профессионал таълим муассасалари ўқувчиларининг лойиҳалаш компетентлигини ривожлантиришда маълумотларни қидириш, баҳолаш, билимларни касбий фаолиятда ижодкорона қўллай олиш кўникмаларини такомиллаштиришга оид тавсиялар  “Ўқувчиларни виртуал моделлаштириш асосида лойиҳалаш компетентлигини ривожлантириш методикасини такомиллаштириш”, “Архитектуравий лойиҳалаш фонида ўқувчиларни виртуал моделлаштириш асосида лойиҳалаш компетентлигини ривожлантириш” номли электрон дидактик таъминот мазмунига сингдирилган (Олий ва ўрта махсус таълим вазирлигининг 2023 йил 31 январдаги 89-05-13-сон маълумотномаси).  Мазкур таъминот бўлажак архитекторларнинг лойиҳалаш компетенсиясини, фанга оид билимларини ривожлантириш, касбга йўналтирилган таълимнинг самарадорлигини ошириш ҳамда таълим жараёнининг методик таъминотини такомиллаштиришга хизмат қилган;
профессионал таълим муассасалари ўқувчиларининг лойиҳалаш компетентлигини ривожлантиришнинг ташкилий-тузилмавий моделини виртуал моделлаштириш технологияларидан фойдаланиб ўқитиш, архитектуравий-лойиҳалаш тасаввури ва график тафаккурни, креатив фикрлаш қобилиятини ривожлантиришнинг мултимедиали технологияларини, виртуал моделлаштириш усулларини лойиҳалаш фаолиятига тайёрлашнинг технологик жараёнига жорий қилиш орқали такомиллаштиришга оид таклифлардан “Ер ости иншоотлари ва муҳандислик тармоқларини “Зилзилавий ҳудудларда қурилиш” меёрий ҳужжати асосида ҳисоблашнинг рақамлаштирилган миллий дастурий мажмуасини ишлаб чиқиш” (2022-2023 йй.) мавзусидаги амалий лойиҳани бажаришда фойдаланилган (Олий ва ўрта махсус таълим вазирлигининг 2023 йил 31 январдаги 89-05-13-сон маълумотномаси). Мазкур модел ва уни жорий этишнинг илмий-методик таʼминоти бўлажак мутахассисларни тайёрлаш сифати ва самарадорлигини оширишга хизмат қилган;
Архитектуравий лойиҳалаш” ўқув фанини ўқитишда ўқувчиларининг лойиҳалаш компетентлигини ривожлантириш методикасини “Арчитеcц” муаллифлик методини киритиш орқали такомиллаштиришга оид тавсиялардан “Ер ости иншоотлари ва муҳандислик тармоқларини “Зилзилавий ҳудудларда қурилиш” меёрий ҳужжати асосида ҳисоблашнинг рақамлаштирилган миллий дастурий мажмуасини ишлаб чиқиш” (2022-2023 йй.) мавзусидаги амалий лойиҳани бажаришда фойдаланилган (Олий ва ўрта махсус таълим вазирлигининг 2023 йил 31 январдаги 89-05-13-сон маълумотномаси). Мазкур таклифлар бўлажак мутахассисларнинг касбий тайёргарлиги сифати ва самарадорлигини оширишга хизмат қилган.