Отажонов Сардорбекнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Поливинилимидазол асосидаги ток ўтказувчан материалларнинг физик-кимёвий хоссалари», 02.00.04 - Физик кимё (кимё фанлари).
Диссертация мавзуси рўйхатга олинган рақам: B2022.2PhD/K485.
Илмий раҳбар: Акбаров Хамдам Икрамович, кимё фанлари доктори, профессор.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса номи, ИК рақами: Ўзбекистон миллий университети, DSc.03/30.12.2019.K.01.03.
Расмий оппонентлар: Бекчанов Даврон Жумазарович, кимё фанлари доктори, профессор; Сидиков Абдужалол Сидикович, кимё фанлари доктори, профессор.
Етакчи ташкилот: Умумий ва ноорганик кимё институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: роливинилимидазол асосидаги модификацияланган ток ўтказувчан материаллар олиш ва уларнинг физик-кимёвий хоссаларини тадқиқ қилишдан иборат.
III. Тадқиқотнинг илмий янгилиги:
ПВИм ни 2-амино-5-бром-1,3,4-тиадиазол билан модификациялаш жараёнининг оптимал шароитлари танланган ва инерт муҳитда реакция оддий шароитларга қараганда тезроқ содир бўлиши аниқланган;
турли физик-кимёвий усуллар ёрдамида ПВИм ни 2-брометиламин гидробромид, 3-бромпропиламин гидробромид, 2-амино-5-бром-1,3,4-тиадиазоллар билан модификацияланганлиги исботланган;  
НҚЕС ёрдамида модификацияларнинг таъқиқланган соҳа кенглиги (1,12 эВ) ПВИмнинг тақиқланган соҳа кенглиги (1,93 эВ)дан кам бўлиши асосланган;
сув ва бензол буғлари адсорбсияси ёрдамида ПВИм полимерининг гидрофоблиги, модификациялаш натижасида полимерларнинг гидрофиллик хоссаси ортиши, БЕТ назарияси орқали модификацияланган полимерлар микро ва мезо ғовакли тузилишга эга эканлиги аниқланган;
модификацияланган полимерларда ички фотоеффект ҳодисасининг кузатилиши ва ток ўтказиш жаражони активланиш энергиясининг камайиши аниқланган.
IV. Тадқиқот натижаларининг жорий қилиниши.
ПВИм асосида ток ўтказувчи материаллар олиш, уларнинг физик ва физик-кимёвий хоссаларини ўрганиш бўйича олинган илмий натижалар асосида:
ПВИм асосида олинган ток ўтказувчи полимер материалларни “Фотон” АЖ да электрофизик параметрлари ўрганилган (“Фотон” АЖ корхонасининг 2023-йилдаги 4-сон маълумотномаси). Натижада қайта зарядланувчи батареялар ва суперконденсаторлар электрод материалларининг таркибиий компонентлари, турли антистатик композициялар тайёрлашда қўшимчалар сифатида фойдаланиш имконини берган;
ПВИм асосида модификацияланган материаллардан МРБ-2021-520 “Металл оксидлари асосида сувни органик ифлослантирувчи моддалардан тозалаш учун фотокаталитик қопламаларни яратиш” мавзусидаги фундаментал лойиҳада фойдаланилган (Ўзбекистон Республикаси Олий таълим, фан ва инновациялар вазирлигининг 2023 йил 23 августдаги 03/10-2034-сон маълумотномаси). Натижада сувни органик ифлослантирувчи моддалардан тозалаш учун фотокаталитик қопламаларни яратишда қўлланиш имкониятлари асослаб берилган;
поливинилимидазол асосида олинган ток ўтказувчи полимер материалларни “Муборак газни қайта ишлаш заводи” ОАЖнинг лабораториясида (“Ўзбекнефтгаз” АЖ “ Муборак газни қайта ишлаш заводи” нинг 2024-йил 8-июлдаги № 652/ГʻК-07-сонли маʻлумотномаси) турли хил газларни (Ч4, CО, Ҳ2, НҲ3, CО2) аниқлаш бўйича лаборатория синовларидан муваффақиятли ўтди ва амалиётга жорий қилинди. Натижада ишлаб чиқариш жараёнида  ҳосил бўлувчи ҳаёт учун хавфли бўлган метан ва ис газини аниқлаш имконияти яратилди. Бу ишлаб чиқариш ва маъмурий бинолар каби ёпиқ системалар атмосферасида метан ва ис гази миқдорини назорат қилиш имконини беради.