Рахимов Фурқат Рашид ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Кўн ярим маҳсулотини йўнувчи валли ишчи органнинг параметрларини тадқиқ қилиш ва асослаш”, 05.02.03 – “Технологик машиналар. Роботлар, мехатроника ва робототехника тизимлари.
Диссертация мавзуси рўйхатга олинган рақам: В2023.1.PhD/Т2096
Илмий раҳбар: Бахадиров Гайрат Атаханович, техника фанлари доктори, профессор.
Диссертация бажарилган муассаса номи: Механика ва иншоотлар сейсмик мустаҳкамлиги институти.
ИК фаолият кўрсатаётган муассаса номи, ИК рақами:
Бухоро муҳандислик-технология институти, PhD.03/29.10.2021.Т.101.03
Расмий оппонентлар: Қурбонов Фазлиддин Аминович, техника фанлари номзоди, доцент, (ихтисослик шифри 05.02.03 – “Технологик машиналар. Роботлар, мехатроника ва робототехника тизимлари) Илмий кенгаш аъзоси; Расулов Рўзимурод Ҳасанович. Тошкент тўқимачилик ва енгил саноат институти, техника фанлари доктори (ДСc), профессор. (ихтисослик шифри 05.02.03 – “Технологик машиналар. Роботлар, мехатроника ва робототехника тизимлари);
Етакчи ташкилот: Наманган тўқимачилик саноати институти.
Диссертация йўналиши: амалий аҳамиятга молик.
II. Тадқиқотнинг мақсади: кўн ярим маҳсулотини йўнувчи валли машина ишчи органини тадқиқ қилиш, замонавий ҳолатини ўрганиш ва таҳлил этиш, кўн ярим маҳсулотини йўнувчи технологик машиналар валли ишчи органининг унумдорлигини ва маҳсулот сифатини оширувчи такомиллаштирилган конструксиясини яратиш, хисоблаш усулларини амалиётга жорий этиш, тажрибавий тадқиқотлар ўтказишдан иборат.
III. Тадқиқотнинг илмий янгилиги:
кўн ярим маҳсулотини бир хил қалинликка келтириш имконини берувчи, юқори бурчак тезликда ҳаракатланувчи, консол, йўнувчи валли ишчи органнинг параметрларини ҳисоблаш усуллари мустаҳкамлик шарти ҳамда кўн ярим маҳсулотининг ишлов бериш чуқурлиги ва узунлигини инобатга олган ҳолда такомиллаштирилган;
йўнувчи ишчи орган диаметрининг рационал қийматини топиш учун зарур бўлган кучланиш ва буровчи моментларни асослаш имконини берувчи кўн ярим маҳсулотини йўнувчи машинанинг таянчларида ҳосил бўладиган статик ва динамик реакция кучлари мувозанат шартлари ёрдамида аниқланган;
консол вал пичоқларининг вал сирти билан ҳосил қилиши лозим бўлган бурчаклари 0,401 рад, ҳамда пичоқли валнинг чизиқли тезлиги 20 м/с бўлиши лозимлиги йўнилган кўн ярим маҳсулотининг сифат кўрсатгичининг рационал қийматини инобатга олган ҳолда аниқланган;
аниқланган параметрларга асосланиб кўн ярим маҳсулотини йўниб, бир хил қалинликка келтириш учун ўткир учли пичоқлар, айланувчи ишчи орган ва тутиб турувчи валдан иборат бўлган йўнувчи валли машина ишчи органининг такомиллаштирилган конструксияси бир учи консол ҳолда ишлаб чиқилган.
IV. Тадқиқот натижаларининг жорий қилиниши. Кўн ярим маҳсулотини йўнувчи валли ишчи органнинг параметрларини тадқиқ қилиш ва асослаш бўйича олинган натижалар асосида:
Кўн ярим маҳсулотини йўнувчи валли ишчи органнинг параметрларини тадқиқ қилиш ва асослашга Ўзбекистон Республикаси Адлия вазирлиги ҳузуридаги Интеллектуал мулк агентлигидан (№ ФАП 01633, 2021 й.) фойдали моделга патент олинган;
Кўн ярим маҳсулотини йўнувчи валли ишчи органга дастлабки талаблар тасдиқланган(«Ўзчармсаноат» уюшмасини 2023 йил 6 декабрдаги ФБ – 7/3770 – сонли маълумотномаси). Натижада кўн ярим маҳсулотини йўниш учун иш сифати 1,2 марта юқори, энергия ва ресурстежамкор кўн ярим маҳсулотини йўнувчи валли ишчи орган ишлаб чиқиш имконияти яратилган;
-    Кўн ярим маҳсулотини йўнувчи валли ишчи орган Наманган вилояти Косонсой туманидаги “ГОЛД ЛЕАТҲЕР ЭХПОРТ ИМПОРТ” МЧЖ ҳамда Фарғона вилояти Қўқон шаҳрида жойлашган “ПРЕМИУМ ЛЕАТҲЕР” МЧЖ корхоналарида жорий этилган («Ўзчармсаноат» уюшмасини 2023 йил 6 декабрдаги ФБ – 7/3770 – сонли маълумотномаси). Натижада валли технологик машинанинг босим берувчи валининг диаметри 250 мм, тезлиги 20 м/с ва йўнувчи валининг диаметри 190 мм, пичоқнинг вал сирти билан ҳосил қилган бурчаги 16,5° бўлган қийматларида ишлов берилаётган кўн ярим маҳсулотнинг сифат кўрсаткичларини оширишга эришилган.