Омонов Шермуҳаммад Бекмурод ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):
«Хизмат кўрсатиш соҳасида давлат-хусусий шерикчиликни ривожлантиришнинг ташкилий-иқтисодий механизмлари», 08.00.05 - Хизмат кўрсатиш тармоқлари иқтисодиёти.           
   Диссертация мавзуси рўйхатга олинган рақам: В2022.3.PhD/Iqt2418
Илмий раҳбар: Кувандиков Шухрат Облоқулович, иқтисодиёт фанлари доктори, доцент.
Диссертация бажарилган муассаса номи: Самарқанд иқтисодиёт ва сервис институти.
ИК фаолият кўрсатаётган муассаса номи, ИК рақами: Самарқанд иқтисодиёт ва сервис институти, PhD.03/28.02.2022.I.18.01
Расмий оппонентлар: Пардаев Мамаюнус Қаршибоевич, иқтисодиёт фанлари доктори, профессор; Утемуратова Гулнарахан Хожаниязовна, иқтисодиёт фанлари доктори, досент.
Етакчи ташкилот: Қарши муҳандислик - иқтисодиёт институти.
Диссертация йўналиши: илмий ва амалий аҳамиятга молик.
II. Тадқиқотнинг мақсади
иқтисодиётнинг инновасион ривожланиши шароитида хизмат кўрсатиш соҳасида давлат-хусусий шериклиги ривожланишининг ташкилий-иқтисодий механизмларини такомиллаштириш бўйича илмий асосланган таклифлар ва амалий тавсиялар ишлаб чиқишдан иборат.
III. Тадқиқотнинг илмий янгилиги:
давлат - хусусий шериклиги лойиҳаларида давлат ва хусусий сектор мажбуриятларининг аниқ чегараларини белгилаш ҳамда шериклик иштирокчилари саъйи-ҳаракатларини бирлаштириш ва уларнинг изчиллигини таъминлашга кўра давлат - хусусий шериклиги моделларини жорий этиш тизими такомиллаштирилган;
хизмат кўрсатиш соҳасида ДХШ лойиҳаларида риск қийматини баҳолаш усули рисклар эҳтимоллигини    оралиғида паст ( ), мақбул ( ), критик
( ) ва ҳалокатли ( ) риск зоналарига табақалаштириш орқали давлат ва хусусий сектор иштирокчилари ўртасида рискларни тақсимлаш мезонлари асосида такомиллаштирилган;
инвестисион лойиҳага мавжуд эҳтиёжларни шакллантириш, танлаш, лойиҳани эксперт баҳолаш, лойиҳани реализасия қилиш бўйича тендер ўтказиш ҳамда тегишли консессия шартномасини келишиш босқичларидан иборат алгоритм асосида давлат - хусусий шериклигида консессия лойиҳасини бошқариш модели ишлаб чиқилган;
Самарқанд вилоятида хизматлар соҳасининг самарали ривожланиш динамикаси асосида жами хизматлар ҳажмини оширишнинг 2027-йилга бўлган даврга прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Хизмат кўрсатиш соҳасида давлат-хусусий шерикликни ривожлантиришнинг ташкилий-иқтисодий механизмларини такомиллаштириш бўйича олинган илмий натижалар асосида:
давлат-хусусий шериклиги лойиҳаларида давлат ва хусусий сектор мажбуриятларининг аниқ чегараларини белгилаш ҳамда шериклик иштирокчилари саъйи-ҳаракатларини бирлаштириш ва уларнинг изчиллигини таъминлашга кўра давлат-хусусий шериклиги моделларини жорий этиш бўйича таклифи Ўзбекистон Республикаси Савдо-саноат палатасининг амалиётида фойдаланиш учун қабул қилинган.  (Ўзбекистон Республикаси Савдо-саноат палатасининг 2023-йил 23-ноябрдаги 11/03-30-15063-сон маълумотномаси). Илмий натижалардан фойдаланиш давлат - хусусий шериклик лойиҳаларида давлат ва хусусий сектор ўртасида масъулият ва рискларни тақсимлаш имконини берган;
хизмат кўрсатиш соҳасида ДХШ лойиҳаларида риск қийматини баҳолаш усули рисклар эҳтимоллигини    оралиғида паст ( ), мақбул ( ), критик
( ) ва ҳалокатли ( ) риск зоналарига табақалаштириш орқали давлат ва хусусий сектор иштирокчилари ўртасида рискларни тақсимлаш мезонлари бўйича таклифи Ўзбекистон Республикаси Савдо-саноат палатасининг амалиётида фойдаланиш учун қабул қилинган  (Ўзбекистон Республикаси Савдо-саноат палатасининг 2023-йил 23-ноябрдаги 11/03-30-15063-сон маълумотномаси). Илмий натижалардан фойдаланиш давлат - хусусий шериклик лойиҳасидаги рисклар қийматини баҳолаш орқали муайян вақт оралиғида юзага келиши мумкин бўлган максимал йўқотишларни аниқлаш имконини берган;
инвестисион лойиҳаларга эҳтиёжларни таҳлил этиш, лойиҳани танлаш, лойиҳани эксперт баҳолаш, манфаатдор томонлар билан келишувга эришиш, шартнома ҳужжатларини тайёрлаш ҳамда тендер ўтказиш босқичларини шакллантириш асосида давлат-хусусий шериклигида консессия лойиҳасини бошқариш модели бўйича таклифи Ўзбекистон Республикаси Савдо-саноат палатасининг амалиётида фойдаланиш учун қабул қилинган (Ўзбекистон Республикаси Савдо-саноат палатасининг 2023-йил 23-ноябрдаги 11/03-30-15063-сон маълумотномаси). Илмий натижалардан фойдаланиш давлат - хусусий шериклигининг муҳим шакли ҳисобланган консессия моделидан фойдаланиш асосида хизмат кўрсатиш соҳасида давлат - хусусий шериклигини ривожлантиришнинг устувор йўналишларини аниқлаш имконини берган.
Самарқанд вилоятида хизматлар соҳасининг самарали ривожланиш динамикаси асосида жами хизматлар ҳажмини оширишнинг 2027 йилга бўлган даврга прогноз кўрсаткичлари Ўзбекистон Республикаси Савдо-саноат палатаси томонидан ҳудудларда хизмат кўрсатиш соҳасини ривожлантириш дастурлари ва “Йўл харита”ларини ишлаб чиқишда фойдаланилган (Ўзбекистон Республикаси Савдо-саноат палатасининг 2023-йил 23-ноябрдаги 11/03-30-15063-сон маълумотномаси). Ушбу прогноз кўрсаткичларидан фойдаланиш 2027 йилга келиб, вилоятда жами ишлаб чиқарилган хизматлар ҳажми 41,3 %га ва хизмат кўрсатиш соҳасида меҳнат унумдорлиги 36,0 %га ошиши имконини беради.