Рахимов Нодиржон Нажмиддин ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Бухоро воҳасидаги ер ости сувларининг ҳозирги ҳолатини баҳолаш ва улардан истиқболда оқилона фойдаланиш», 04.00.04 - Гидрогеология ва муҳандислик геологияси (геология-минералогия фанлари).
Диссертация мавзуси рўйхатга олинган рақам: В2022.2.PhD/GM130.
Илмий раҳбар: Мавлонов Аслон Акрамович, геология-минералогия фанлари доктори, катта илмий ходим.
Диссертация бажарилган муассаса номи: Гидрогеология ва инженерлик геологияси институти.
ИК фаолият кўрсатаётган муассаса номи, ИК рақами: Гидрогеология ва инженерлик геологияси институти, DSc.24/30.12.2019.GM.96.01.
Расмий оппонентлар: Ибрагимов Азиз Сабирович, геология-минералогия фанлари доктори; Джаксымуратов Караматдин Мустапаевич, геология-минералогия фанлари доктори.
Етакчи ташкилот: “Ўзбекгидрогеология” ДМ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Бухоро воҳасидаги ер ости сувларининг замонавий ҳолатини баҳолашдан иборат.
III. Тадқиқотнинг илмий янгилиги:
Бухоро воҳасидаги ер ости сувлари шаклланишида фаол иштирок этувчи асосий омиллар аниқланган ҳамда ер ости сув конларининг гидрогеологик шароити ва ўрни баҳоланган;
илғор технологиялар ёрдамида Бухоро воҳаси ер ости сувлари режимини баҳоловчи гидрогеодинамик ва гидрогеокимёвий кўрсаткичларнинг ўзгариш тенденциялари аниқланган;
Бухоро воҳасидаги ер ости сувларининг замонавий ҳолати баҳоланган ва интерактив рақамли гидрогеологик харитаси яратилган;
Бухоро воҳасидаги тўртламчи ва неоген даври ётқизиқларидаги ер ости сувларидан истиқболда оқилона фойдаланиш учун илмий асосланган тавсиялар ишлаб чиқилган.
IV. Тадқиқот натижаларининг жорий қилиниши:
Ер ости сувларининг замонавий ҳолатини баҳолаш ва улардан оқилона фойдаланиш бўйича олинган илмий натижалар асосида:
Бухоро воҳасидаги ер ости сувларини шакллантирувчи асосий омиллар, ер ости сув конларини замонавий гидрогеологик шароитлари ва уларнинг ўрни баҳоланганлиги Бухоро гидрогеология станциясининг амалий тадқиқотларига жорий қилинган (Ўзбекистон Республикаси Тоғ-кон саноати ва геология вазирлигининг 2024 йил 23 апрелдаги 08-1465-сон маълумотномаси). Натижада, тадқиқот доирасида кўп йиллик гидрогеологик ва гидрологик маълумотларни самарали таҳлил қилиш ҳамда тегишли хулосалар чиқариш имконини берган;
илғор технологиялар ёрдамида илмий асосланган Бухоро воҳасидаги ер ости сувларининг кўп йиллик гидрогеодинамик ва гидрогеокимёвий кўрсаткичларининг ўзгариш тенденциялари Бухоро гидрогеология станциясининг амалий тадқиқотларига жорий қилинган (Ўзбекистон Республикаси Тоғ-кон саноати ва геология вазирлигининг 2024 йил 23 апрелдаги 08-1465-сон маълумотномаси). Натижада, ер ости сувлари мониторингини самарали юритиш ва гидрогеологик кўрсаткичлар ўзгаришининг асосий сабабларини аниқлашга имкон яратилган;
Бухоро воҳасидаги тўртламчи ва неоген даври ётқизиқларидаги ер ости сувларидан келгусида оқилона фойдаланиш бўйича ишлаб чиқилган илмий асослар Бухоро гидрогеология станциясининг амалий тадқиқотларига жорий қилинган (Ўзбекистон Республикаси Тоғ-кон саноати ва геология вазирлигининг 2024 йил 23 апрелдаги 08-1465-сон маълумотномаси). Натижада, ер ости сувларидан оқилона фойдаланиш ва уларни назорат қилиш бўйича чора-тадбирлар мажмуасини ишлаб чиқиш имконини берган.