Абдуллаев Улуғбек Махмудович
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): 05.09.01–Қурилиш конструксиялари, бино ва иншоотлар ҳамда 05.09.05– Қурилиш материаллари ва буюмлари ихтисосликлари (техника фанлари).
Диссертация мавзуси рўйхатга олинган рақам: B2023.3.PhD/Т4025.
Илмий раҳбарнинг Ф.И.Ш., илмий даражаси ва унвони: Абдуллаев Иброхим Нуманович техника фанлари номзоди, профессор.
Диссертация бажарилган муассаса номи: Фарғона политехника институти.
Илмий кенгаш фаолият кўрсатаётган муассаса номи, Илмий кенгаш рақами: Наманган муҳандислик-қурилиш институти, PhD.03/01.04.2023.Т.90.02.
Расмий оппонентларнинг Ф.И.Ш., илмий даражаси ва унвони:
Касимов Иброхим Иркинович, техника фанлари доктори, профессор;
Алиназаров Алишер Хайдаралиевич, техника фанлари номзоди, профессор;
Етакчи ташкилот номи: Қорақалпоқ давлат университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади. Маҳаллий ва иккиламчи хомашёлар асосида олинган суперпластификаторлар билан модификацияланган кимёвий ўгитлар ишлаб чиқаришдаги оҳак чиқиндисидан тўлдирувчи сифатида фойдаланилган кўпикбетоннинг хоссаларини ўрганиш ва ресурс тежамкор технологиясини ишлаб чиқишдан иборат.
III. Диссертация тадқиқотининг илмий янгилиги қуйидагилардан иборат:
кимёвий ўғитлар ишлаб чиқаришдаги оҳак чиқиндисини тўлдирувчи сифатида модификацияланган кўпикбетон қотишидаги гетероген жараёнларда оҳак чиқиндисининг кимёвий реакциялари натижасида янги фазалар ҳосил бўлиши асосланган;  
кимёвий ўгитлар ишлаб чиқаришдаги оҳак чиқиндиси қўшилган модификацияланган кўпикбетоннинг физик-кимёвий таркиби, структураси ва физик-механик хоссаларига СДж-3 суперпластификатор ҳамда кўпик ҳосил қилувчи қўшимчаларнинг  таъсир қилиш механизми, инфрақизил-спектроскопик, электрон микроскопик ва дифференциал-термик таҳлил усуллари ёрдамида ишлаб чиқилган;
кимёвий ўгитлар ишлаб чиқаришдаги оҳак чиқиндиси қўшилган кўпикбетоннинг мустаҳкамлиги ва ўртача зичлиги билан цемент, оҳак чиқиндиси ва кўпиклаштирувчи восита миқдорлари орасидаги боғлиқликларни ифодаловчи математик моделлаштириш усули ёрдамида ишлаб чиқилган;
    кимёвий ўгитлар ишлаб чиқаришдаги оҳак чиқиндиси ва суперпластификаторлар билан модификацияланган кўпикбетоннинг энергия ва ресурс тежамкор, автоклавсиз усулга – тадқиқот ишлари натижасида асослаб берилган ва технологияси такомиллаштирилган.
IV. Тадқиқот натижаларининг жорий қилиниши. Тажрибада оҳак чиқиндиси ва суперпластификаторлар билан модификацияланган оҳак чиқиндили кўпикбетон ишлаб чиқариш технологиясини такомиллаштириш бўйича олинган илмий натижалар асосида:
таркибида оҳак чиқиндиси ва суперпластификаторлар билан модификацияланган оҳак чиқиндили кўпикбетон ишлаб чиқариш бўйича ўтказилган тадқиқотлар натижалари асосида Фарғона шаҳридаги енгил бетон ишлаб чиқарувчи “ЭХПОФАР ва ТЕЧНИКО МАЧИНЕ” МЧЖ хусусий корхоналарда ариқча-тароқли деворбоп кўпикбетон блоклар ишлаб чиқаришга жорий қилинган.
Таркибида кимёвий ўгитлар ишлаб чиқаришдаги оҳак чиқиндилари ва суперпластификатор асосида ишлаб чиқарилган модификацияланган кўпикбетон таркибини ва технологиясини амалиётга жорий қилиш натижасида олинган янги маҳсулот таннархини 12-13% га арзонлаштиришга, ҳамда 10 м3 деворбоп блоклар ишлаб чиқаришда 216000 минг сўм иқтисодий самарага эришилган. Синовлар тегишли стандартлар талабларига мувофиқ ўтказилган. Доимий массагача қуритилган намуналарнинг ўртача зичлиги 603-620 кг/м3 оралиғида ўзгарган. Д 600 зичликлардаги намуналарнинг сиқилишга бўлган мустаҳкамлиги 3,5 МПа ташкил этганлиги, кўпикбетон қоришмасининг сувга талабчанлигини 15-25% га ва цемент сарфини 15-20% га камайтиришга эришилганлиги асосланди; Шу билан бирга, қўшимчаларсиз кўпикбетон ишлаб чиқариш билан солиштирилганда цемент сарфининг камайишига эришилди ва иқтисодий самарадорлик  аниқланган. Натижада “ЭХПОФАР” МЧЖда кимёвий ўгитлар ишлаб чиқаришдаги оҳак чиқиндиси қўшилган, кимёвий қўшимча билан модификацияланган таклиф этилган оптимал таркибли ариқча-тароқли деворбоп кўпикбетон блоклар ишлаб чиқаришни йўлга қўйилган (“Ўзсаноатқурилишматериаллари” уюшмасининг 2023 йил 18 декабрдаги №05/15-2639 - сонли маълумотномаси). Натижада фойдаланилмаётган хомашё ва техноген чиқиндиларидан кўпикбетон блоклар ишлаб чиқариш имконини беради.