Bugun erta tongdan mamlakatimizning barcha mahallalari, tashkilot va korxonalari, ta’lim muassasalarida umumxalq xayriya hashari tadbirlari boshlanib ketdi.
Oliy attestatsiya komissiyasi mehnat jamoasi ham “Bir bo‘lsak – yagona xalqmiz, birlashsak – Vatanmiz!” shiori ostida o‘tkaziladigan O‘zbekiston Respublikasi mustaqilligining 33 yilligi bayrami tadbirlari oldidan  tashkil etilayotgan umumxalq xayriya hasharlarida faol ishtirok etdi.

Hashar davomida Oliy attestatsiya komissiyasining jamoasi tomonidan hududda obodonlashtirish, ko‘kalamzorlashtirish, daraxt va gul ko‘chatlarini parvarishlash, shakl berish hamda xona va yo‘laklarni tozalash va sarishtalash ishlari amalga oshirildi.
Xalqimizga xos bo‘lgan birdamlik, mehr-muruvvat, ozoda-sarishtalik kabi ezgu fazilatlar hashar kunlarida ayniqsa yorqin namoyon bo‘ladi. Mazkur umumxalq xayriya hasharining eng ulug‘ va eng aziz ayyom – ona Vatanimiz mustaqilligining 33 yilligi bayrami arafasida tashkil etilgani jamoadoshlarda yanada hamjihatlik, birdamlik va ko‘tarinkilik kayfiyatini uyg‘otdi.

           OAK Axborot xizmati