Хамдамов Амриддин Хамдам ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Туризм соҳасида рақамли интеграция ресурсларидан самарали фойдаланишнинг ташкилий-иқтисодий механизмини такомиллаштириш”, 08.00.17 – Туризм ва меҳмонхона фаолияти (иқтисодиёт фанлари).
Диссертация мавзуси рўйхатга олинган рақам: В2022.2.PhD/Iqt2386
Илмий раҳбар: Эштаев Алишер Абдуғаниевич, иқтисодиёт фанлари доктори, профессор.
Диссертация бажарилган муассаса номи: “Ипак йўли” туризм ва маданий мерос халқаро университети
ИК фаолият кўрсатаётган муассаса номи, ИК рақами: “Ипак йўли” туризм ва маданий мерос халқаро университети, DSc.33/01.02.2022.I.145.01
Расмий оппонентлар: Мирзаев Абдуллажон Топилович, иқтисодиёт фанлари доктори, профессор; Кувандиков Шухрат Облокулович, иқтисодиёт фанлари доктори, доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: туризм соҳасини ривожлантиришда рақамли интеграция ресурсларидан самарали фойдаланишнинг ташкилий-иқтисодий механизмини такомиллаштириш бўйича илмий таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
мамлакатимизда хорижий ва маҳаллий туристлар оқимини янада ошириш ҳамда зарур шарт-шароитларни яратиш асосида кириш туризмни ривожлантириш ҳамда туристларнинг мазмунли саёҳатларини ташкил этиш мақсадида камида 10 та йирик туристик ва маркетинг платформаларида республиканинг туризм салоҳиятини тарғиб қилишда “Марказий Осиё туристик ҳалқаси” маршрутлари ва ягона туристик маҳсулот консепсиясини яратиш бўйича таклифлар асосланган;
мамлакатимизнинг туризм салоҳиятини янада ошириш мақсадида туризм соҳаси субъектлари (туроператорлар ва меҳмонхона хизматларини кўрсатувчи тадбиркорлик субъектлари)нинг миллий туризм маҳсулотлари ва хизматларини халқаро нуфузли туристик ва маркетинг платформаларида реклама қилиш харажатларини қоплаб бериш тартибини такомиллаштирилган усулини жорий қилиш бўйича таклиф далилланган;
замонавий ахборот технологияларини жорий қилиш ва туризм соҳани рақамлаштириш асосида туристик хизматларни сертификатлаштириш ва туристик индустрия объектларини таснифлаш жараёни ҳамда жойлаштириш воситаларининг ягона электрон реестрини ташкил этган ҳолда уларни туристлар томонидан “ҚР-код баҳолаш” моделининг тўлиқ рақамлаштирилган тизимини ишлаб чиқиш бўйича таклиф асосланган;
мамлакатимизда рақамли технологиялар орқали сотиладиган йўлланмалар сонининг барқарор ўсишининг 2028-йилга қадар мўлжалланган ўрта муддатли прогноз параметрларини қўллаш бўйича таклифлар ишлаб чиқилган.
IV. Тадқиқот натижаларининг жорий қилиниши. “Туризм соҳасида рақамли интеграция ресурсларидан самарали фойдаланиш ташкилий-иқтисодий механизмини такомиллаштириш” мавзусидаги фалсафа доктори (PhD) илмий даражасини олиш учун ёзилган диссертацияси бўйича қўлга киритилган илмий натижалар асосида:
мамлакатимизда хорижий ва маҳаллий туристлар оқимини янада ошириш ҳамда зарур шарт-шароитларни яратиш асосида кириш туризмни ривожлантириш ҳамда туристларнинг мазмунли саёҳатларини ташкил этиш мақсадида камида 10 та йирик туристик ва маркетинг платформаларида республиканинг туризм салоҳиятини тарғиб қилишда “Марказий Осиё туристик ҳалқаси” маршрутлари ва ягона туристик маҳсулот консепсиясини яратиш бўйича асосланган таклифлар 2024-йил 12-январдаги 9-сон “Самарқанд вилоятида хорижий ва маҳаллий туристлар оқимини янада ошириш ҳамда зарур шарт-шароитларни яратиш бўйича”ги йўл харитасига киритилган (Туризм қўмитасининг 2024-йил 26-июлдаги 02-11-17-421-сонли далолатномаси). Мазкур таклифнинг амалга оширилиши натижасида туризм соҳасида зарур инфратузилмани ривожлантириш ва дунё бозорида республиканинг туризм салоҳиятини тарғиб қилиш орқали мамлакатнинг ялпи ички маҳсулотида туризм улушини 5 фоизгача етказиш ҳамда тарғиботни ташкил этиш натижасида ҳудудларда туристлар ташрифи 20 фоизга, кўрсатиладиган хизматлар ҳажмини 30 фоизга ошириш имкониятлари далилланган;
мамлакатимизнинг туризм салоҳиятини янада ошириш мақсадида туризм соҳаси субъектлари (туроператорлар ва меҳмонхона хизматларини кўрсатувчи тадбиркорлик субъектлари)нинг миллий туризм маҳсулотлари ва хизматларини халқаро нуфузли туристик ва маркетинг платформаларида реклама қилиш харажатларини қоплаб бериш тартибини такомиллаштирилган усулини жорий қилиш бўйича таклиф 2023-йил 26-апрелдаги 135-сон “Самарқанд вилоятида 2023-йилда туризм соҳасидаги ресурслар ва имкониятлардан ҳар томонлама фойдаланиш ҳамда мавжуд муаммоларни тезкор ҳал этиш бўйича” йўл харитасига киритилган (Туризм қўмитасининг 2024-йил 26-июлдаги 02-11-17-421-сонли далолатномаси). Таклифларнинг амалга оширилиши натижасида ҳудудларда туризм маҳсулотлари ва хизматларини халқаро нуфузли туристик ва маркетинг платформаларида реклама қилиш харажатлари баробар камайтирилган ва ҳар бир рекламанинг самарадорлиги 1,5 баробар ошишига эришилган;
замонавий ахборот технологияларини жорий қилиш ва туризм соҳани рақамлаштириш асосида туристик хизматларни сертификатлаштириш ва туристик индустрия объектларини таснифлаш жараёни ҳамда жойлаштириш воситаларининг ягона электрон реестрини ташкил этган ҳолда уларни туристлар томонидан “ҚР-код баҳолаш” моделининг тўлиқ рақамлаштирилган тизимини ишлаб чиқиш бўйича асосланган таклиф 2023-йил 26-апрелдаги 135-сон “Самарқанд вилоятида 2023-йилда туризм соҳасидаги ресурслар ва имкониятлардан ҳар томонлама фойдаланиш ҳамда мавжуд муаммоларни тезкор ҳал этиш бўйича” йўл харитасига киритилган (Туризм қўмитасининг 2024-йил 26-июлдаги 02-11-17-421-сонли далолатномаси). Натижада мазкур хизмат кўрсатиш жараёнларини соддалаштириш, соҳадаги коррупсион омилларни бартараф этиш, шаффофликни таъминлаш, туристик хизматлар сифатини жойида баҳолаш ва хизмат кўрсатувчилар ўртасида соғлом рақобатнинг шаклланишига ва ривожланишига имкон яратиб берган;
мамлакатимизда рақамли технологиялар орқали сотиладиган йўлланмалар сонининг барқарор ўсишининг 2028-йилга қадар мўлжалланган ўрта муддатли прогноз параметрларини қўллаш бўйича таклифлар Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси томонидан ишлаб чиқилган «2024-2026-йилларда ҳудудларнинг туризм салоҳиятини изчил ўрганиш натижасида амалга оширилиши режалаштирилган чора-тадбирлар» дастури ва «Йўл хариталари»га киритилган (Туризм қўмитасининг 2024-йил 26-июлдаги 02-11-17-421-сонли далолатномаси). Ушбу прогноз кўрсаткичларидан фойдаланиш натижасида 2027-йилга бориб Ўзбекистон Республикасида сотиладиган туристик йўлланмалар сони 2023-йилга нисбатан 84 % га ўсади, бунга эса туризм инфратузилмасининг ривожланиши, кирувчи туристлар оқими ҳамда маҳаллий аҳолининг республика бўйлаб саёҳатга чиқишлар сони кўпайиши, рақамли интеграция ресурслари инфратузилмасининг яхшиланиши каби омиллар таъсир кўрсатиши илмий асосланган.