Norboev Allayor Ismoilovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Hududlarda yoshlar turizmini samarali rivojlantirishning tashkiliy-iqtisodiy mexanizmini takomillashtirish”, 08.00.17 – Turizm va mehmonxona faoliyati (iqtisodiyot fanlari).
Dissertatsiya mavzusi ro‘yxatga olingan raqam: B2023.3.PhD/Iqt3214
Ilmiy rahbar: Safarov Bahodirhon Shaxriyorich, iqtisodiyot fanlari doktori,  professor.
Dissertatsiya bajarilgan muassasa nomi: Sharof  Rashidov nomidagi Samarqand davlat universiteti
IK faoliyat ko‘rsatayotgan muassasa nomi, IK raqami: “Ipak yo‘li” turizm va madaniy meros xalqaro universiteti, DSc.33/01.02.2022.I.145.01
Rasmiy opponentlar: Alieva Maxbuba Tuychievna, iqtisodiyot fanlari doktori, professor; Xalilov Siroj Sherali o‘g‘li, iqtisodiyot fanlari doktori, dotsent.
Yetakchi tashkilot: Urganch davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: hududlarda yoshlar turizmini samarali rivojlantirishning tashkiliy-iqtisodiy mexanizmini takomillashtirish bo‘yicha taklif va amaliy tavsiyalar ishlab chiqishdan iborat.
III. Tadqiqotning ilmiy yangiligi:
hududlarda ichki turizmni rivojlantirish hamda yoshlarning mazmunli sayohatlarini tashkil etish, ularni yurtimizning turistik manzillari va imkoniyatlari bilan yaqindan tanishtirish asosida 500 ming nafar (7-30 yosh o‘rtasida) o‘quvchi, talaba va yoshlarni ziyoratgoh va qadamjolar, tarixiy va diqqatga sazovor joylarga sayohatini tashkil etish bo‘yicha har yilli yanvar oyining birinchi dekadasi va mart oyining uchinchi dekadasida “Yoshlar turizmi oyligi” va “Yoshlar turizmi haftaligi”ni tashkil etish va o‘tkazish bo‘yicha takliflar asoslangan;
“Yoshlar turizmi oyligi” va “Yoshlar turizmi haftaligi” doirasida respublikaning har bir hududidan 50 nafar iqtidorli yoshlar, respublika, viloyat, tuman va shahar fan olimpiadalarida yuqori natijalarga erishgan o‘quvchilar, ijtimoiy himoyaga muhtoj, shu jumladan nogironligi bo‘lgan hamda “Yoshlar daftari”ga kiritilgan o‘quvchi, talaba va yoshlar jalb qilinganligi asosida ichki turizm sayohat dasturlari hamda ishtirokchilar uchun ta’til vaqtida respublikaning diqqatga sazovor joylariga mavsumiy imtiyozli turistik paketlari ishlab chiqish bo‘yicha takliflar dalillangan;
yoshlarning ijtimoiy faolligini oshirish, yoshlar jamoat tashkilotlari va volontyorlik harakatlarini qo‘llab-quvvatlash yo‘nalishida turistik tadbirlar bilan bog‘liq barcha (transport, mehmonxona, ovqatlanish va b.) joylarida qarovsiz va yolg‘iz keksalarga yordam ko‘rsatish, nogiron va imkoniyati cheklangan fuqarolarga ko‘maklashishga qaratilgan “Ijtimoiy volontyorlik guruh”larini shakllantirish va ularni moddiy rag‘batlantirish tizimini yaratish bo‘yicha takliflar asoslangan;
hududlarda turizm xizmatlar bozorining barqaror rivojlanish dinamikasi asosida yoshlar turizmning ulushini oshirishning 2028-yilga qadar prognoz ko‘rsatkichlari asosida o‘rta muddatli ishlab chiqilgan parametrlardan foydalanish bo‘yicha amaliy tavsiyalar ishlab chiqilgan.
IV. Tadqiqot natijalarining joriy qilinishi. Yoshlar turizmini rivojlantirishning mexanizmini takomillashtirish bo‘yicha olingan ilmiy natijalar asosida:
hududlarda ichki turizmni rivojlantirish hamda yoshlarning mazmunli sayohatlarini tashkil etish, ularni yurtimizning turistik manzillari va imkoniyatlari bilan yaqindan tanishtirish asosida 500 ming nafar (7-30 yosh o‘rtasida) o‘quvchi, talaba va yoshlarni ziyoratgoh va qadamjolar, tarixiy va diqqatga sazovor joylarga sayohatini tashkil etish bo‘yicha har yilli yanvar oyining birinchi dekadasi va mart oyining uchinchi dekadasida “Yoshlar turizmi oyligi” va “Yoshlar turizmi haftaligi”ni tashkil etish va o‘tkazish bo‘yicha asoslangan takliflar 2022-yil 30-apreldagi PQ-232-son “Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida”gi qarori ijrosini ta’minlash maqsadida  “Samarqand viloyatida yoshlar turizmni rivojlantirish bo‘yicha chora-tadbirlar” rejasiga kiritilgan (O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasining 2024-yil 29-maydagi 03-12-17-3342-son dalolatnomasi). Mazkur “Yoshlar turizmi haftaligi”ni tashkil etish natijasida hududlarda turistlarga ko‘rsatiladigan xizmatlar hajmini 30 foizga oshirish imkoniyatlari dalillangan;
“Yoshlar turizmi oyligi” va “Yoshlar turizmi haftaligi” doirasida respublikaning har bir hududidan 50 nafar iqtidorli yoshlar, respublika, viloyat, tuman va shahar fan olimpiadalarida yuqori natijalarga erishgan o‘quvchilar, ijtimoiy himoyaga muhtoj, shu jumladan nogironligi bo‘lgan hamda “Yoshlar daftari”ga kiritilgan o‘quvchi, talaba va yoshlar jalb qilinganligi asosida ichki turizm sayohat dasturlari hamda ishtirokchilar uchun ta’til vaqtida respublikaning diqqatga sazovor joylariga mavsumiy imtiyozli turistik paketlari ishlab chiqish bo‘yicha dalillangan takliflar 2022-yil 30-apreldagi PQ-232-son “Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida”gi qarori ijrosini ta’minlash maqsadida  “Samarqand viloyatida yoshlar turizmni rivojlantirish bo‘yicha chora-tadbirlar” rejasiga kiritilgan (O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasining 2024-yil 29-maydagi 03-12-17-3342-son dalolatnomasi). Mazkur taklifning amaliyotga joriy qilinishi natijasida mamlakatimizga 500 ming nafar mahaliy turistlar tashrifini tashkil etish imkoniyati vujudga keldi;
yoshlarning ijtimoiy faolligini oshirish, yoshlar jamoat tashkilotlari va volontyorlik harakatlarini qo‘llab-quvvatlash yo‘nalishida turistik tadbirlar bilan bog‘liq barcha (transport, mehmonxona, ovqatlanish va b.) joylarida qarovsiz va yolg‘iz keksalarga yordam ko‘rsatish, nogiron va imkoniyati cheklangan fuqarolarga ko‘maklashishga qaratilgan “Ijtimoiy volontyorlik guruh”larini shakllantirish va ularni moddiy rag‘batlantirish tizimini yaratish bo‘yicha asoslangan takliflar Vazirlar Mahkamasining 2021-yil 18-yanvardagi 23-son “O‘zbekistonda yoshlarga oid davlat siyosatini 2025-yilgacha rivojlantirish konsepsiyasini tasdiqlash to‘g‘risida”gi qarori ijrosini ta’minlash maqsadida  “Samarqand viloyatida yoshlar turizmni rivojlantirish bo‘yicha chora-tadbirlar” rejasiga kiritilgan (O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasining 2024-yil 29-maydagi 03-12-17-3342-son dalolatnomasi). Natijada, mamlakatimizga 1 mln. nafar xorijiy turistlar tashrifini samarali tashkil etish imkoniyati vujudga keldi;
hududlarda turizm xizmatlar bozorining barqaror rivojlanish dinamikasi asosida yoshlar turizmning ulushini oshirishning 2028-yilga qadar prognoz ko‘rsatkichlari asosida o‘rta muddatli ishlab chiqilgan parametrlardan foydalanish bo‘yicha amaliy tavsiyalar Turizm qo‘mitasi tomonidan ishlab chiqilgan «2024-2026-yillarda hududlarning turizm salohiyatini izchil o‘rganish natijasida amalga oshirilishi rejalashtirilgan chora-tadbirlar» dasturi va «Yo‘l xaritalari»ga kiritilgan (O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasining 2024-yil 29-maydagi 03-12-17-3342-son dalolatnomasi). Ushbu prognoz ko‘rsatkichlaridan foydalanish hududlarda yoshlar turizmni samarali rivojlanishiga imkon berdi.