Шнекеева Гулназ Жумабаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “Маҳаллий хом ашё ва материаллар асосидаги қуруқ қурилиш аралашмалари”, 05.09.05 – “Қурилиш материаллари ва буюмлари” (техника фанлари).
Диссертация мавзуси рўйхатга олинган рақам: B2024.2.PhD/Т3775.
Илмий раҳбар: Махаматалиев Иркин Муминович, техника фанлари доктори, профессор.
Диссертация бажарилган муассаса номи: Бердақ номидаги Қорақалпоқ давлат университети.
ИК фаолият кўрсатаётган муассаса (муассасалар) номи, ИК рақами: Тошкент давлат транспорт университети ҳузуридаги DSc.15/31.08.2022.Т.73.04 рақамли Илмий кенгаш.
Расмий оппонентлар: Ҳасанов Бахридин Баратович, техника фанлари доктори, профессор; Тургунбоев Уринбек Жамалович, техника фанлари бўйича фалсафа доктори (PhD), доцент.
Етакчи ташкилот: Фарғона политехника институти
Диссертация йўналиши. Техника йўналиши. Назарий ва амалий аҳамиятга молик.
II. Тадқиқотнинг мақсади: Сувоқчилик ва ғишт териш ишлари учун мўлжалланган таркибига Белтау конининг сеолитли тоғжинси ва Олмалиқ кимё комбинатининг капролактам ишлаб чиқариш чиқиндиси оқава сувининг қуруқ қолдиғи (КОС) қўшилган эксплуатацион хоссалари яхшиланган қуруқ қурилиш аралашмаларининг самарали таркиби ва технологиясини ишлаб чиқиш.
III. Тадқиқотнинг илмий янгилиги:
 илк бор сувоқчилик ва ғишт териш ишлари учун мўлжалланган Белтау конининг сеолитли тоғжинси ва Олмалиқ кимё комбинатининг капролактам ишлаб чиқариш чиқиндиси оқава сувининг қуруқ қолдиғи (КОС) қўшилган композицион боғловчи асосидаги қуруқ қурилиш аралашмаларининг самарали таркиби ва технологияси ишлаб чиқилган;
композицион боғловчи асосидаги ҚҚАлари экплуатацион ва технологик хоссаларининг уларнинг таркибий компонентлари миқдори ва физик-кимёвий жараёнларнинг кечиш механизми тўғрисидаги назарий тушунчалар исботланган;
майдаланган СТЖни цементли боғловчи таркибига киритиш клинкерга оид минералларнинг гидратацияси жараёнида ажралиб чиқувчи сулфат-ионлар ва калсий ионларини аморф гилтупроқ билан калсийнинг гидросулфоалюминатларига боғланиши туфайли цемент тошининг янада мустаҳкам бўлган структурасининг шаклланишига олиб келиши органик-минерал қўшимчанинг йўналтирилган таъсири орқали асосланган;
ҚҚАлари таркибига майдаланган СТЖ ва КОС қўшимчасининг киритилиши қоришма билан асос ўртасидаги контакт қатламининг мустаҳкамлигини сезиларли даражада ортишига таъсири қонуниятлари аниқланган.
IV. Тадқиқот натижаларининг жорий қилиниши.
Маҳаллий хом ашё ва материаллардан фойдаланиб ишлаб чиқилган ҚҚАларининг таркиби ва технологияси асосида:
ҚҚАларининг маҳаллийлаштирилган янги таркиби ва технологияси МЧЖ "НУКУС ЭВРО МАСТЕР" корхонасида тажрибавий ишлаб чиқаришга жорий қилинган (Қорақалпоғистон Республикаси "Қурилиш ва  уй-жой коммунал хўжалиги" вазирлигининг 2023-йил "01" декабрдаги № 01-07/01-3365-сон маълумотномаси). Натижада, таркибига маҳаллий  минерал ва кимёвий қўшимчалар қўшилган  сувоқчилик ишлари учун мўлжалланган 2 т ҚҚА синов партиялари (80 та қоғоз қопда) тайёрланган. Олинган ҚҚАларнинг синов партиялари физик-техник ва эксплуатацион хоссаларига кўра ГОСТ 31189-2015 ва ГОСТ 28013-98 талабларига тўлиқ жавоб берган. Бунда ҚҚАлар асосида олинган қоришмаларининг қўлланилиши натижасида олинадиган иқтисодий самара М100 маркали қоришманинг 1 м3 ҳажми учун 53 896 сўмни ташкил қилган.
-Нукус шаҳри Қорақалпоғистон кўчаси Эски шаҳар МФЙда қурилаётган 20 квартирали 7 қаватли уй – жой биноси ташқи деворларини барпо этишда "НУКУС ЭВРО МАСТЕР" МЧЖда ишлаб чиқаришга жорий қилинган (Қорақалпоғистон Республикаси "Қурилиш ва  уй-жой коммунал хўжалиги" вазирлигининг 2023-йил "01" декабрдаги № 01-07/01-3365-сон маълумотномаси). Натижада, таркибига маҳаллий  минерал ва кимёвий қўшимчалар қўшилган ғишт териш ишлари учун мўлжалланган 2 т ҚҚА ларнинг синов партиялари (80 та қоғоз қопда) тайёрланган. Бунда ҚҚАлар асосида олинган қоришмаларининг қўлланилиши натижасида  1 м2 ҳажмдаги сувоқчилик ишларининг таннархи 16,5 % га арзонлашган.