Кувандиқов Ёкуб Турсунбаевичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Култиватор панжасининг ейилиш динамикасини тадқиқ қилиш ва юқори ресурсли конструксиясини яратиш” 05.07.02 – Қишлоқ хўжалиги ва мелиорация техникаларини ишлатиш, тиклаш ва таъмирлаш (техника фанлари).
Диссертация мавзуси рўйхатга олинган рақам: B2022.2.PhD/Т2937.
Илмий раҳбар: Нуриев Карим Катибович, техника фанлари доктори, профессор.
Диссертация бажарилган муассаса (муассасалар) номи: Жиззах политехника институти.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.Т.126.02
Расмий оппонентлар: Қосимов Каримжон, техника фанлари доктори, профессор ва Мадазимов Музаффар Тохиржон ўғли техника фанлари фалсафа доктори (PhD) тайинланган.
Етакчи ташкилот: «Қишлоқ хўжалиги техникаси ва технологияларини сертификатлаш ва синаш маркази».
Диссертация йўналиши: назарий ва амалий аҳамиятга молик.
II. Тадқиқотнинг мақсади: култиватор панжасининг янги конструктив схемасини ишлаб чиқиш ҳисобига унинг узоқ муддат ишлашини таъминлаш ва иш унуми  ҳамда ресурсларини оширишдан иборат.
III. Тадқиқотнинг илмий янгилиги:
уч исканали бир-бирига нисбатан 120 градус бурчак остида жойлашган, яхлит металдан иборат, айлантирилувчи, бир исканаси тумшуқ, қолган иккаласи қанотлари вазифасини бажарувчи ишчи орган ишлаб чиқилган;
ўқёйсимон панжанинг тупроқда ейилиши билан шакилининг ўзгариш динамикасини башоратловчи “Изу-изн” рақамли электрон математик ҳисоблаш методикаси ишлаб чиқилган;
тупроқнинг ҳолати (физик-маханик хоссалари), ўқёйсимон панжанинг иш ҳажми ва чизиқли ейилиши орасидаги боғлиқликларнинг эмперик математик моделларини шакллантирувчи, cтатистика қонунлари асосида ишловчи рақамли электрон дастурдан фойдаланиш методикаси яратилган;
уч исканали айлантирилувчи панжанинг тумшуқ узунлиги, қамраш кенглиги, исканалар симметрия ўқлари орасидаги бурчак, искана хавли кесимининг эни ва қалинлиги, очилиш бурчаги, қамраш кенгликларининг тупроқ ва панжа материалининг физик-маханик хоссаларига боглиқлигини ифодаловчи янги математик моделлар олинган.
IV. Тадқиқот натижаларининг жорий қилиниши. Култиватор панжаси ишчи юзаларини алмаштириб ишлаш қобилиятини қайта тиклаш усулини асослаш бўйича олинган натижалар асосида:
айлантириб ишлатиладиган ишчи органга Интеллектуал мулк марказининг фойдали моделга патенти олинган («Култиватор учун айланма ишчи орган», ФАП 01895 – 14.06.2022й.). Натижада иш сифати юқори ҳамда энергия-ресурстежамкор култиваторнинг конструктив схемасини ишлаб чиқиш имкони яратилган;
айлантириб ишлатиладиган ишчи органлар билан жиҳозланган култиватор Жиззах вилояти Зафаробод тумани “Ёрқин Саид Хожакбар” фермер хўжалигида амалиётга жорий этилган (Қишлоқ хўжалиги вазирлигининг 2024 йил 10 январдаги №07/27-05/114-сонли маълумотномаси). Натижада ёнилғи сарфи 6-7 % га, иш сифати ва унуми эса 2,5 % га ошган.
айлантириб ишлатиладиган ишчи органларнинг лойиҳа-конструкторлик ҳужжатлари (дастлабки талаблар, техник топшириқ, ҳисоблаш усуллари ва чизмалар) «БМКБ-Агромаш» АЖ да лойиҳалаш жараёнига жорий этилган (Қишлоқ хўжалиги вазирлигининг 2024 йил 10 январдаги №07/27-05/114-сонли маълумотномаси). Натижада асосланган параметрларга эга бўлган айлантириб ишлатиладиган ишчи органни саноат усулида ишлаб чиқариш имкони яратилган.