Ўралов Лазизбек Сайибназар ўғлининг
фалсафа доктори (PhD) диссертацияси ҳимояси ҳақида эълон

 I.Умумий маълумотлар.
Диссертация мавзуси, ихтисослик шифри: “Янги тузилишдаги икки қатламли ғовакли нақшли трикотаж тўқималарини ишлаб чиқариш технологиясини такомиллаштириш” 05.06.02- “Тўқимачилик материаллари технологияси ва хомашёсига дастлабки ишлов бериш” ихтисослиги.
Диссертация мавзуси рўйхатга олинган рақам: B2023.2.PhD/Т3719   
Илмий раҳбар: Холиқов Қурбонали Мадаминович, техника фанлари доктори, профессор.
Диссертация бажарилган муассаса номи: Наманган тўқимачилик саноати
Институти.
    ИК фаолият кўрсатаётган муассаса номи, ИК рақами: Наманган тўқимачилик саноати институти, PhD.03/04.10.2023.Т.174.01
    Расмий оппонентлар: Жуманиёзов Қадам Жуманиёзович, техника фанлари доктори, профессор; Ханхаджаева Нилуфар Рахимовна, техника фанлари доктори, профессор.
    Етакчи ташкилот: Фарғона политехника институти.
    Диссертация йўналиши: назарий ва амалий аҳамиятга молик.
II. Тадқиқотнинг мақсади: Икки айлана игнадонли трикотаж тўқув машинасининг имкониятларидан кенг фойдаланиб, икки қатламли ғовакли нақшли трикотаж тўқималарни ишлаб чиқариш технологиясини такомиллаштиришдан иборат.
III.Тадқиқотнинг илмий янгилиги қуйидагилардан иборат:
Икки айлана игнадонли трикотаж тўқув машинасида йигирилган пахта ҳамда полестер ипидан янги ассортиментдаги икки қатламли трикотаж тўқимасини олиш усули  ишлаб чиқилган;
икки айлана игнадонли трикотаж тўқув машинасида олинган икки қатламли ғовакли нақшли трикотаж тўқималарининг ҳаво ўтказувчанлик хоссасини ифодаловчи ҳалқа қадами, ҳалқа қатор баландлиги ва ҳажмий зичликларини ҳисобга олиб математик модели ишлаб чиқилган;
физик-механик хусусиятлари ҳамда технологик кўрсатгичлари юқори бўлган  янги тузилишдаги икки қатламли ғовакли нақшли трикотаж тўқималарини элементларини ўзгартириш ҳисобига тузилиши ва уларни олиш усули ишлаб чиқилган;
ички трикотаж маҳсулотларини ишлаб чиқишда хомашё сарфини камайтириш учун икки қатламли трикотаж тўқималарини олиш раппортларни ўзгартириш ҳисобига янги ассортиментдаги тўқима олиш усули ишлаб чиқилган.
IV. Тадқиқот натижаларининг жорий қилиниши. Икки қатламли ғовакли нақшли трикотаж тўқималарини ишлаб чиқариш бўйича олиб борилган илмий тадқиқотлар натижалари асосида:
Янги тузилишдаги икки қатламли ғовакли нақшли трикотаж тўқималарини олиш технологиясини “Ўзтўқимачиликсаноат” уюшмаси тасарруфидаги “Дегрез текс ЛТД“, “Порлоқ чуст бренди” ва “СЕДАТ ТРИКО ТАШКЕНТ”  МЧЖ корхоналарида ишлаб чиқаришга жорий этилган (“Ўзтўқимачилик саноати” уюшмасининг 03.05.2024 йил №03/25-930 маълумотномаси). Натижада, трикотаж тўқимасининг элементлари таркибини ўзгартириш ҳисобига ҳажмий зичлик кўрсаткичини асос тўқимасига нисбатан 14% дан 39% гача камайтиришга эришилган ҳамда 1 тонна маҳсулот ишлаб чиқариш учун иқтисодий самарадорлик 11 052 505 (Ўн бир миллион эллик икки минг беш юз беш) сўмни ташкил этган.