Нурматов Панжи Абдимуротовичнинг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Сув чиқариш иншоотлари бьефлар туташишига энергия сўндиргичлар таъсирини баҳолаш”, 05.09.07-“Гидравлика ва муҳандислик гидрологияси” (техника фанлари).
Диссертация мавзуси рўйхатга олинган рақам: В2023.2.PhD/Т3779.
Илмий раҳбарнинг Ф.И.Ш., илмий даражаси ва унвони:
Базаров Дилшод Райимович, техника фанлари доктори, профессор.
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети
ИК фаолият кўрсатаётган муассаса (муассасалар) номи, ИК рақами: Қарши муҳандислик-иқтисодиёт институти ҳузуридаги илмий даражалар берувчи PhD.04/30.04.2021.Т.111.04 рақамли Илмий кенгаш.
Расмий оппонентлар: техника фанлари доктори, профессор Махмудов Эрназар Жумаевич; техника фанлари доктори, доцент Рахматов Норқобул.
Етакчи ташкилот–Тошкент архитектура қурилиш университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади сув чиқариш иншоотлари бьефлар туташишига энергия сўндиргичларнинг таъсирини баҳолашдан иборат.
III. Тадқиқотнинг илмий янгилиги:
конусли затворлар билан жиҳозланган сув чиқариш иншоотларидаги сув оқими динамикасини затворларнинг очилиш даражаси, сув сарфи коэффициенти қийматларини инобатга олган ҳолда баҳолаш услубияти такомиллаштирилган;
сув чиқариш иншоотларида конусли затворларнинг очилиш даражасини ростлаш асосида оқим энергиясини сўндириш миқдор жиҳатдан қиёсий баҳоланган;
сув чиқариш иншоотларида конусли затворларнинг очилиш бурчагини манёврлаш орқали маҳаллий ювилишларни олдини олиш усули билан такомиллаштирилган;
сув чиқариш иншоотларида оқимнинг гидравлик параметрларини инобатга олиб конструкцияли энергия сўндиргичларнинг олд қаршилик коэффициентини ҳисоблаш усули ишлаб чиқилган.
IV. Тадқиқот натижаларининг жорий қилиниши.
Конусли затворли сув чиқариш иншоотлари бьефлар туташишида энергия сўндиргичларнинг таъсирини баҳолаш бўйича олинган натижалар асосида:
конусли затворлар билан жиҳозланган сув чиқариш иншоотларида энергия сўндиргичларни жойлаштириш схемалари ва конструктив ечимларини инобатга олиб, оқим динамикасини баҳолаш усули “Ўзбекгидроэнерго” аксиядорлик жамиятига қарашли Тўполанг сув омборида жорий этилган (Сув хўжалиги вазирлигининг 2023 йил 8 майдаги 03/37-1377-сонли маълумотномаси). Натижада Тўполанг сув омбори пастки бьефи мустаҳкамлаш соҳасини аниқлаш имконияти яратилган;
конусли затворлар билан жиҳозланган сув чиқариш иншоотларида оптимал энергия сўндиргичларни жойлаштириш “Ўзбекгидроэнерго” аксиядорлик жамиятига қарашли Тўполанг сув омборида жорий этилган (Сув хўжалиги вазирлигининг 2023 йил 8 майдаги 03/37-1377-сонли маълумотномаси). Натижада Тўполанг сув омбори маҳаллий ювилишларни башорат қилиш имконияти яратилган;
сув чиқариш иншоотларида оқимнинг гидравлик режимини инобатга олиб, турли конструкцияли энергия сўндиргичларнинг олд қаршилик коэффициентини ҳисоблаш усули “Ўзбекгидроэнерго” аксиядорлик жамиятига қарашли Тўполанг сув омборида жорий қилинган (Сув хўжалиги вазирлигининг 2023 йил 8 майдаги 03/37-1377-сонли маълумотномаси). Натижада сўндириш камерасида ва пастки бьефда ювилишларни олдини олиш имконияти яратилган.