Ходжаева Дилфуза Назировнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ёнувчанлиги паст бўлган композицион ёғоч - пластик плитали материалларнинг самарали таркиби ва уларни олиш технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: В2024.2.PhD/Т4569.
Илмий раҳбар: Негматов Сайибжан Садикович, техника фанлари доктори, профессор, академик.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Рахмонбердиев Гаппар, техника фанлари доктори, профессор; Рисқулов Алимжон Ахмаджонович, техника фанлари доктори, профессор.
Етакчи ташкилот: Наманган муҳандислик қурилиш институти.
Диссертация йўналиши: амалий аҳамиятга молик.
II. Тадқиқотнинг мақсади: ёнувчанлиги паст бўлган композицион ёғоч - пластик плитали материалларнинг самарали таркиби ва уларни олиш технологиясини ишлаб чиқиш чиқишдан  иборат.
III. Тадқиқотнинг илмий янгилиги:
ғўза поялари ва олигомер ҳамда минерал ёнғинга чидамли моддалар билан модификацияланган мочевинаформальдегид смоласидан ёғоч толаси асосида ёнувчанлиги паст бўлган композицион ёғоч-пластик плита материалларини ишлаб чиқаришнинг чиқиндисиз технологияси ишлаб чиқилган;
ёнғинга чидамли моддалар билан модификацияланган мочевинаформальдегид смоласининг оптимал таркиби ва ёнғинга чидамлилиги юқори бўлган, физик-механик ва эксплуатацион хусусиятларга эга бўлган қийин ёнувчан композицион ёғоч-пластик плита материалларини ишлаб чиқаришнинг технологик режимлари аниқланган;
полимер боғловчининг тузилиши ва хоссаларини физик-кимёвий модификация қилиш йўли билан ўзгартириш орқали ёнувчанлиги паст бўлган композицион ёғоч-пластик плита материалларининг физик-механик ва ёнғинга чидамлилик хусусиятларини яхшилаш имконияти назарий жиҳатдан асосланган;
ғўза пояларининг ёғоч-толали массасидан тўлдирувчилар ва ўтга чидамли моддалар билан модификацияланган мочевинаформальдегид полимер боғловчилар асосида ёнувчанлиги паст бўлган композицион ёғоч-пластик плита материалларини ишлаб чиқариш жараёнининг илмий-услубий ва технологик тамойиллари ишлаб чиқилган
IV. Тадқиқот натижаларининг жорий қилиниши:
Ёнувчанлиги паст бўлган композицион ёғоч-пластик плитали материалларнинг самарали таркиби ва уларни олиш технологиясини ишлаб чиқиш бўйича олинган илмий натижалар асосида:
ёнувчанлиги паст бўлган композицион ёғоч-пластик плитали материалларни олиш технологияси «PROGRESS STANDART» МЧЖда модернизация қилинган технологик тизимда жорий этилган (“O`ZBEKISTON QURILISH MATERIALLARI SANOATI KORXONALARI UYUSHMASI”нинг 2024 йил 28 июндаги 02/15-1628 - сон маълумотномаси). Натижада, олинган композицион ёғоч пластик плитали материалларнинг физик-механик ва эксплуатацион хусуссиятлари яхшиланиб, плитали материалларнинг максимал эгилиш чегараси 13,8-14,0 МПа, перпендикуляр узилишдаги мустахкамлигини 0,5- 0,8 МПа гача ошириш ва бўкиши даражасини 10-10,5% гача камайтириш имконини берган;
қурилиш ва техник хусусиятлари яхшиланган махаллий ва иккиламчи хом ашё асосида ёнувчанлиги паст бўлган янги олинган композицион ёғоч-пластик плитали материаллар «DINEX» МЧЖ ихтисослаштирилган корхонасида амалиётда жорий этилган (“O`ZBEKISTON QURILISH MATERIALLARI SANOATI KORXONALARI UYUSHMASI”нинг 2024 йил 28 июндаги 02/15-1628 - сон маълумотномаси). Натижада, қурилиш соҳасида ишлатиладиган ёғоч материалларини 2-3 бараварга тежаш имконини берган.