Қурбанов Ибрагимжон Шарифбаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Нидерландия лолаларини (Tulipa L.) Ўзбекистон шароитида парваришлаш технологиясини ишлаб чиқиш”, 06.03.01 – Ўрмон экинлари. Селекция, уруғчилик ва шаҳарларни кўкаламзорлаштириш. Ўрмонлар агромелиорацияси ва ҳимоя ўрмонларини барпо этиш (Қишлоқ хўжалиги фанлари).
Диссертация мавзуси рўйхатга олинган рақам: В2022.1.PhD/Qx883.
Илмий раҳбар: Кайимов Абдихалил, қишлоқ хўжалиги фанлари доктори, профессор.
Диссертация бажарилган муассаса номи: Наманган мухандислик-технология институти.
ИК фаолият кўрсатаётган муассаса номи, ИК рақами: Тошкент давлат аграр университети, DSc05/29.04.2022.Qx.13.04.
Расмий оппонентлар: Тўхтаев Бобоқул Ёрқулович, биология фанлари доктори, профессор; Тўлаев Дониёр Бахтиёрович, қишлоқ хўжалиги фанлари бўйича фалсафа доктори.
Етакчи ташкилот: Ўрмон хўжалиги илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон шароитида Нидерландия лола навларини ўстириш учун ўғитлаш ва суғориш меъёрлари ҳамда муддатларини ишлаб чиқишдан иборат.
III. Тадқиқотнинг илмий янгилиги:
илк бор лоланинг Нидерландиядан келтирилган 16 та навларини етиштиришда далага кузда пиёзларни экишдан олдин P30K30  меъёрида, баҳорда эса 3 марта N30P30К30 меъёрида ҳамда гуллаш даврида N30P30K30 меъёрида ўғитлаш орқали гулларнинг ўсиш, сақланиб қолиш ва ривожланиш кўрсаткичларини 10-25 % га ошириш мумкинлиги исботланган;
лола навларини баҳор мавсумида вегетация жараёни якунигача бўлган муддатда 3 марта суғориш ва ЧДНС ни 60-70% миқдорида ушлаб туриш лола кўчатларининг сақланиб қолишини 91,3% бўлиши аниқланган;
Нидерландиядан келтирилган навларни ўғитлаш ва суғориш орқали уларнинг гуллаш давомийлигини 7-10 кунга узайтириш мумкинлиги аниқланган;
Нидерландиядан келтирилган лола навларини етиштириш орқали гул ҳосилдорлигини гектарига 5,71-29,93 минг донага ошириш ҳамда 122,8-765,4 млн. сўм/га қўшимча фойда олиш мумкинлиги аниқланган.
IV. Тадқиқот натижаларининг жорий қилиниши.
Лола навларини кўпайтириш ва стандарт кўчатларини етиштириш технологиясини ишлаб чиқиш бўйича олиб борилган тадқиқот натижалари асосида:
Нидерландиядан интродукция қилинган навларни ўстиришда ўғит қўллаш ишланмаси Наманган вилоятининг “Гулчиликни ривожлантириш маркази” ДУК ва “Наманган гуллари савдо сервис” МЧЖ ҳудудининг 2 гектар ер майдонида жорий этилган (Ўзбекистон Республикаси Қишлоқ ҳўжалиги вазирлигининг 2024 йил 27 мартдаги 05/05-04-103-сон маълумотномаси). Натижада лола гулларини етиштириш орқали олинган қўшимча иқтисодий самарадорлик 40000,0 минг сўмни ташкил этган;
лоланинг Нидерландиядан келтирилган 16 та навини етиштириш технологияси “Ligtharttulips-Namangan” МЧЖ нинг 5 гектар майдонида жорий этилган (Ўзбекистон Республикаси Қишлоқ ҳўжалиги вазирлигининг 2024 йил 27 мартдаги 05/05-04-103-сон маълумотномаси). Натижада гулларнинг ўсиш, сақланиб қолиш ва ривожланиш кўрсаткичларини 10-25 % га ошириш орқали гектарига иқтисодий самарадорлик ўртача 50000,0 минг сўмни ташкил этган;
Нидерландиядан интродукция қилинган навларни ўстиришда суғориш муддатларини аниқлаш ишланмаси “Зухро Шахноза гуллари” корхонаси, “Абубакр гуллари” МЧЖ нинг 1 гектар майдонига жорий этилган (Ўзбекистон Республикаси Қишлоқ ҳўжалиги вазирлигининг 2024 йил 27мартдаги 05/05-04-103-сон маълумотномаси). Натижада лола гулларини етиштириш орқали олинган қўшимча иқтисодий самарадорлик 30000,0 минг сўмни ташкил этган.