Кулматов Хайрулло Хабибуллаевичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қуёш фотоелектрик тизимлари ишончлилигини баҳолаш услублари ва уларнинг чиқиш параметрларини диагностикалаш”, 05.05.06 – «Қайта тикланадиган энергия турлари асосидаги энергия қурилмалари» ихтисослиги бўйича.  
Диссертация мавзуси рўйхатга олинган рақам: В2023.4.PhD/Т2897.
Илмий раҳбар: Мухитдинов Мухсин Мўминович, техника фанлари доктори, профессор.
Диссертация бажарилган муассаса номи: Фарғона Политехника институти.
ИК фаолият кўрсатаётган муассаса номи, ИК рақами: Фарғона политехника институти, PhD.03/27.02.2020.Т.106.02.
Расмий оппонентлар: Авезова Нилуфар Раббанакуловна, техника фанлари доктори, катта илмий ходим;
Мамасодиқов Юсуфжон, техника фанлари номзоди, доцент.
Етакчи ташкилот: “Тошкент ирригация ва қишлоқ хўжалигини механизациялаш муҳандислари институти” миллий тадқиқот университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Интернет буюмлари ва булутли технологиялар асосида фотоелектрик тизимларнинг асосий чиқиш параметрларини ишончли баҳолаш учун такомиллаштирилган диагностика усулини ишлаб чиқиш ва дастурий-аппарат комплекси асосидаги мониторинг тизимини яратишдан иборат.
III. Тадқиқотнинг илмий янгилиги:
қуёш фотоелектрик тизимларининг асосий чиқиш параметрларини баҳолаш ва диагностика қилиш учун, интеллектуал датчикларни қўллаш орқали, мазкур тизимларнинг ишончлилигини 9 та кўрсаткич бўйича таҳлил қилиш ҳамда тизимда юз бериши мумкин бўлган носозликларнинг олдини олиш имконини берувчи янги ёндашувлар ва усуллар таклиф этилган;
кўп омилли регрессион таҳлил усулидан фойдаланган ҳолда, фотоелектрик тизимларнинг 9 та асосий параметрларини реал вақт режимида юқори аниқликда мониторинг қилиш, жараёнларни оптималлаштириш ва тизимдаги мумкин бўлган носозликларни олдини олиш имконини берувчи, мазкур тизимларнинг асосий параметрларини ҳисобга олиш ва диагностика қилиш бўйича математик модел такомиллаштирилган;
интернет буюмлари ва булутли технологияларни қўллаш орқали, фотоелектрик тизимларнинг чиқиш кўрсаткичларини автоматик режимда юқори аниқликда ўлчаш, шунингдек, мазкур тизимларнинг турли электр ва энергетик кўрсаткичларини рўйхатга олиш ва уларни график ҳамда рақамли режимда акс эттириш имконини берувчи мониторинг тизими яратилган ва такомиллаштирилган;
интернет буюмлари ва булутли технологиялар асосида фотоелектрик тизимларнинг асосий параметрларини виртуализация қилиш имконини берувчи ахборот-ўлчов аппарат-дастурий мажмуаси ишлаб чиқилган ва таклиф этилган.
IV. Тадқиқот натижалариниг жорий қилиниши.
Интернет буюмлари ва булутли технологиялар асосида фотоелектрик тизимларнинг асосий чиқиш параметрларини аниқлаш учун диагностика усулларини ишлаб чиқиш ва уларнинг мониторинг тизимини яратиш бўйича олинган натижалар асосида:
кўп омилли регрессион таҳлил усулидан фойдаланган ҳолда фотоелектрик тизимларнинг 9 та асосий параметрларини реал вақт режимида юқори аниқликда мониторинг ва диагностика қилиш усули “ОЛТИАРИҚ СВЕТОФОРЛАРИ” МЧЖ да  №4-И-2022 “220 В кучланишда 24/7 режимида ишлайдиган фотоелектрик тизимларга асосланган светофорлар учун қурилмалар ишлаб чиқариш” лойиҳасини бажаришда фойдаланилган (Олий таълим, фан ва инновациялар вазирлигининг 2023 йил 9 ноябрдаги №04/04-3223-сонли маълумотномаси) Натижада, масофадан узлюксиз мониторинг қилиш орқали йиллик электр энергияси истеъмолини 2146 кВт·соатга қисқартириш имконини берган.  
интернет буюмлари ва булутли технологиялар асосида қуёш фотоелектрик тизимларининг асосий чиқиш параметрларини баҳолаш ва диагностика қилиш  аппарат-дастурий мажмуаси “ОЛТИАРИҚ СВЕТОФОРЛАРИ” МЧЖ да  №4-И-2022 “220 В кучланишда 24/7 режимида ишлайдиган фотоелектрик тизимларга асосланган светофорлар учун қурилмалар ишлаб чиқариш” лойиҳасини бажаришда фойдаланилган (Олий таълим, фан ва инновациялар вазирлигининг 2023 йил 9 ноябрдаги №04/04-3223-сонли маълумотномаси). Натижада, турли қувватдаги станцияларнинг умумий энергия самарадорлигини 5-8% га ошириш имконини берган.