Камола Бойматова Абдурахмон қизининг
фалсафа доктори (PhD) диссертацияси ҳимояси ҳақида эълон

I.  Умумий маълумотлар.
Диссертация мавзуси, ихтисослик шифри: “Устки кийимларни тикиш жараёнида чок мустаҳкамлигини ошириш тадқиқи” 05.06.04-“Тикувчилик буюмлари технологияси ва костюм дизайни” ихтисослиги.
Диссертация мавзуси рўйхатга олинган рақам: B2023.2.PhD/Т640
Илмий раҳбар: Мақсудов Набижон Баходирович, техника фанлари бўйича фалсафа доктори, доцент.
Диссертация бажарилган муассаса номи: Наманган тўқимачилик саноати институти
ИК фаолият кўрсатаётган муассаса номи, ИК рақами: Наманган тўқимачилик саноати институти, PHD.03/04.10.2023.Т.174.01 Расмий оппонентлар: Набиджанова Наргиза Насимжанов, техника фанлари доктори, профессор; Чориева Мухаббат Мухамматовна, техника фанлари номзоди, доцент.
Етакчи ташкилот: Фарғона политехника институти.
Диссертация йўналиши: амалий аҳамиятга молик.
II. Тадқиқотнинг мақсади: Замонавий лойиҳалаш дастурларидан фойдаланиб эркаклар устки кийимини тикиш жараёнида чок мустаҳкамлигига таъсир этувчи омилларни аниқлаш ва уларни бартараф этишдан иборат.
III. Тадқиқотнинг илмий янгилиги:
устки кийимларни ишлаб чиқариш жараёнида мавжуд чок турларини таҳлили асосида, чок мустаҳкамлигини ошириш, буюмларни сифат кўрсаткичларини яхшилаш мақсадида чок турларининг янги классификацияси ишлаб чиқилган;
илк бор тикувчилик ишлаб чиқариш корхоналаридаги мавжуд тикув машинасининг игна ҳароратни назорат қилиш ва уни тикув ипи хоссасига таъсири асосида тикиш жараёнида игна ҳароратини ўлчаш ва қайд қилиш қурилмаси яратилган;
тикиш жараёнида чок қадами, тикиш вақти, тўқиманинг хосса кўрсаткичлари, игна ва ипнинг диаметрига мос чок мустаҳкамлигини ҳисоблаш математик модели ишлаб чиқилган ҳамда статистик таҳлил ва оптималлаштириш ечимлари натижасида устки кийимларни чок мустаҳкамлигини оптимал қиймати регрессиян тенгламалари орқали аниқланган;
устки кийим ишлаб чиқариш жараёнида юзага келадиган игнанинг иссиқ ҳароратини совутиш учун ҳамда тикув ипини мустаҳкамлигини ошируб берувчи кичик идишидан иборат бўлган мойлаш механизми ишлаб чиқилган.  
IV. Тадқиқот натижаларининг жорий қилиниши. Устки кийимларнинг эксплуатацион ишончлилигини ошириш усулларини ишлаб чиқиш бўйича олиб борилган илмий-тадқиқотлар натижаларига асосида:
эркаклар устки кийимни cок мустаҳкамлигини ошириш учун тавсия қилинган мойлаш механизми “Ваккони” МЧЖ,  “Ҳоме техтиле НТ” МЧЖ, “Наманган Пахта текс” тикувчилик корхоналарида ишлаб чиқаришга жорий этилган («Ўзтўқимачиликсаноат» уюшмасининг 2024 йил 5 апрелдаги №03/25-762 рақамли маълумотномаси) Натижада маҳсулотларнинг хизмат қилиш муддатини 25% га яхшиланган, чок мустаҳкамлиги 230 сН га ошган ва тикув ипининг эластиклиги 4% га оширишга эришилди.