Убайдова Вазира Эркиновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Бўлажак муҳандисларнинг касбий компетенсияларини такомиллаштиришда Нақшбандия таълимотини қўллаш методикаси”, 13.00.02 – Таълим ва тарбия назарияси ва методикаси (техника) педагогика фанлари).
Диссертация мавзуси рўйхатга олинган рақам: В2023.3.PhD/Ped2645.
Илмий раҳбар: Тўхтаева Зебо Шарифовна, педагогика фанлари доктори, профессор.
Илмий тадқиқот иши бажарилган муассаса номи: Бухоро муҳандислик – технология институти.
ИК фаолият кўрсатаётган муассаса номи, ИК рақами: Бухоро муҳандислик-технология институти PhD.03/29.10.2021.Т.101.03 рақамли илмий даражалар берувчи Илмий Кенгаш асосидаги бир марталик Илмий Кенгаш.
Расмий оппонентлар: Ҳамроев Алижон Рўзиқулович, педагогика фанлари доктори, профессор; Жўраев Акмал Раззоқович, педагогика фанлари бўйича фалсафа докори (PhD), профессор.
Етакчи ташкилот: Гулистон давлат университети
Диссертация йўналиши:  амалий аҳамиятга молик.
II. Тадқиқотнинг мақсади бўлажак муҳандисларнинг касбий компетенсияларини такомиллаштиришда Нақшбандия таълимотини қўллаш методикасини ишлаб чиқишдан иборат.
III. Тадқиқотнинг илмий янгилиги:
бўлажак муҳандисларнинг касбий компетенсиясини такомиллаштиришда Баҳоуддин Нақшбанд таълимотидаги “Вуқуфи қалби”, “Вуқуфи замони” тамойиллари асосида таълим жараёнидаги ўқув фанларини ўқитишда “техник ижодкорлик”, “техник тафаккур” кўникмаларини ривожлантиришнинг ижтимоий-педагогик зарурати аниқланган;
талабаларда шахсий қизиқиш, ижодий ёндашув, иқтидорини қўллаб-қувватлашга қаратилган тарбия консепсияси механизмлари Нақшбандия таълимотининг “ҳалол луқма” ва “вақтни қадрлаш” ғоясини ўқув жараёнида функсионал қўллаш асосида такомиллаштирилган;
енгил саноатдаги муҳандис кадрларнинг ижодкорлик, тежамкорлик, режавийлик, ахборотлилик касбий фаолиятларини инновацион таълим шароитларига кўра ривожлантириш методикаси дидактик имкониятларни мантиқий ва коммуникатив компетенсияларни коллобарациялашга кўра моделлаштириш асосида такомиллаштирилган;
бўлажак муҳандисларнинг касбий компетенсиялари ижтимоий, техник ва методик жараённинг вертикал ҳамда горизонтал интеграсияси орқали корреляцион механизмини ишлаб чиқиш асосида такомиллаштирилган.
IV. Тадқиқот натижаларининг жорий қилиниши. Ўзбекистонда экспортбоп енгил саноат маҳсулотларини ишлаб чиқарувчи бўлажак муҳандисларнинг касбий компетенсийаларини такомиллаштиришда Нақшбандийа таълимотини қўллаш методикаси бўйича ўтказилган тадқиқот натижалари асосида:
бўлажак муҳандисларнинг касбий компетенсиясини такомиллаштиришда Баҳоуддин Нақшбанд таълимотидаги “Вуқуфи қалби”, “Вуқуфи замони” тамойиллари асосида таълим жараёнидаги ўқув фанларини ўқитишда “техник ижодкорлик”, “техник тафаккур” кўникмаларини ривожлантиришнинг ижтимоий-педагогик заруратини аниқлаш ҳамда талабаларда шахсий қизиқиш, ижодий ёндашув, иқтидорини қўллаб-қувватлашга қаратилган тарбия консепсияси механизмлари Нақшбандия таълимотининг “ҳалол луқма” ва “вақтни қадрлаш” ғоясини ўқув жараёнида замонавий педагогик ёндашувга мувофиқ функсионал қўллаш асосида такомиллаштириш бўйича ишлаб чиқилган таклифлардан Бухоро муҳандислик-технологийа институти ва Эрасмус+ дастурининг ҳамкорлигида “610170-ЭПП-1-2019-1-ЭС-ЭППКА2-CБҲЕ-ЖП ЭЛБА: Марказий Осиёда катта ҳажмли маълумотларни интеллектуал таҳлили бўйича ўқув ва илмий марказларни ташкил қилиш ва курсларни ишлаб чиқиш” (2020-2022-йй.) номли лойиҳаси доирасида фойдаланилган (Бухоро муҳандислик-технологийа институтининг 2023 йил 2 нойабрдаги 1-1-04/05-12-1746-сон маълумотномаси). Натижада, малакали муҳандис кадрлар томонидан экспортбоп маҳсулотлар тайёрлаш жараёни такомиллаштирилган;
енгил саноатдаги муҳандис кадрларнинг ижодкорлик, тежамкорлик, режавийлик, ахборотлилик касбий фаолиятларини инновацион таълим шароитларига кўра ривожлантириш методикаси дидактик имкониятларни мантиқий ва коммуникатив компетенсияларни коллобарациялаш орқали моделлаштириш асосида такомиллаштириш ҳамда бўлажак муҳандисларнинг касбий компетенсиялари ижтимоий, техник ва методик жараённинг вертикал ҳамда горизонтал интеграсияси орқали корреляцион механизмини ишлаб чиқиш бўйича таклифлар “Тикув буюмлари технологияси фанидан техник луғат” номли ўқув қўлланма мазмунига сингдирилган (Олий таълим, фан ва инновациялар вазирлигининг 2023 йил 29 майдаги 232-сонли  буйруғи асосида тасдиқланган нашр гувоҳномаси). Мазкур ишлаб чиқилган ўқув қўлланма енгил саноат соҳаси 60721400 – Енгил саноат технологийалари ва жиҳозлари (тикув буюмлари) таълим йўналиши талабаларини ишлаб чиқариш фаолийатига тайёрлаш жараёнини такомиллаштиришга хизмат қилган.