Намазов Суннат Зокировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Юқори кулланган Ангрен кони қўнғир кўмирини бойитиш технологиясини ишлаб чиқиш», 04.00.14 – Фойдали қазилмаларни бойитиш (техника фанлари).
Диссертация мавзуси рўйхатга олинган рақам: B2021.4.PhD/Т2473.
Илмий раҳбар: Донияров Нодиржон Абдихакимович, техника фанлари доктори, профессор.
Диссертация бажарилган муассаса номи: Навоий давлат кончилик ва технологиялар университети.
ИК фаолият кўрсатаётган муассаса номи, ИК рақами: Навоий давлат кончилик ва технологиялар университети, DSc.17/04.06.2021.Т.06.01.
Расмий оппонентлар: Мухиддинов Баходир Фахриддинович, кимё фанлари доктори, профессор; Худояров Сулейман Рашидович, техника фанлари номзоди, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ангрен кони юқори кулланган қўнғир кўмирини бойитишнинг комбинациялашган (флотация-гравитация) усулидан фойдаланиб кўмирни ёнувчи қисмини ошириш учун бойитишнинг самарали технологиясини ишлаб чиқишдан иборат.
III. Тадқиқотнинг илмий янгилиги:
гравитация усулида бойитишнинг энг мақбули чўктириш машинасида ко'мирни енгил маҳсулотга ажратиш эканлиги асосланган;
биринчи марта Ангрен кони юқори кулланган қўнғир кўмирини флотация усулида бойитиш учун янги реагент қўлланилган ва бунда ёнмайдиган қўшимчалар чиқиндига ажралиши аниқланган;
юқори кулланган Ангрен қўнғир кўмирини гравитация-флотация усулларида бойитишнинг технологик кўрсаткичларига йириклик синфи, реагент сарфи ва жараён давомийлигининг таъсири аниқланган;
биринчи марта кўмирни 88-90% бойитмага ажратиб олиш ва кул миқдори 10-12% ташкил этадиган маҳсулот олиш имконини берадиган бойитишнинг гравитация-флотация технологик схемаси ишлаб чиқилган.
IV. Тадқиқот натижаларининг жорий қилиниши.
Ангрен кони юқори кулланган қўнғир кўмирни бойитиш технологиясини ишлаб чиқиш бо'йича олинган илмий натижалар асосида:
Ангрен кони юқори кулланган қўнғир кўмирини комбинациялашган (флотация-гравитация) усулда бойитишнинг янги технологияси “Навоий кон-металлургия комбинати” акциядорлик жамиятида амалиётга жорий этилган («Навоий кон-металлургия комбинати» АЖнинг 2023 йил 29 ноябрдаги 23/01-01-07/638-сонли маълумотномаси). Натижада, ишлаб чиқилган технологияни қўллаш кул миқдорини 50-53% дан 10-12% гача камайтириш имконини берган;
Юқори кулланган қўнғир кўмирни асосий флотация, назорат флотацияси ва И-тозалаш флотацияси, чўктириш машинасида бойитишдан иборат бўлган технологик схемаси “Навоий кон-металлургия комбинати” акциядорлик жамиятида амалиётга жорий этилган («Навоий кон-металлургия комбинати» АЖнинг 2023 йил 29 ноябрдаги 23/01-01-07/638-сонли маълумотномаси). Натижада, қўнғир кўмирни ёнганда иссиқлик ажралишини 3 мартага ошириш ва кўмирни бойитмага ажралишини 88-90 % га ошириш имконини берган.