Худайқулов Дўсмурод Хидировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): “Соҳибқирон Амир Темур ахлоқ фалсафасининг замонавий талқини” 09.00.02- Онг, маданият ва амалиёт шакллари фалсафаси (Этика).
Диссертация мавзуси рўйхатга олинган рақам: В2020.4.PhD/Fal502.
Илмий раҳбар: Хусанов Баҳодир Эргашевич, фалсафа фанлари номзоди, доцент.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.F.01.05.
Расмий оппонентлар: Абдуллаева Насиба Бўроновна, фалсафа фанлари доктори, профессор в.б; Ўроқова Ойсулув Жамолиддиновна, фалсафа фанлари доктори, доцент.
Етакчи ташкилот: Тошкент тўқимачилик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Амир Темур ахлоқ фалсафасининг замонавий фалсафий тафаккур ривожида тутган ўрни ва аҳамиятини илмий фалсафий нуқтаи назардан тадқиқ этишдан иборат.
 III. Тадқиқотнинг илмий янгилиги:
Амир Темур ахлоқ фалсафасининг бош мезони бўлган ватанпарварлик, адолат, ижтимоий ҳимоя каби қарашларнинг ёшларни аждодларга ҳурмат, она Ватанга садоқат руҳида тарбиялашдаги аҳамияти ахлоқий меъёрлар ва тамойилларга асосланган ҳолда фалсафий нуқтаи назардан очиб берилган;
Амир Темурнинг ахлоқ фалсафасида ватанпарварлик, тинчликпарварлик, ҳурфикрлилик каби ахлоқий тамойилларнинг рационал моҳияти, бағрикенглик, кечиримлилик, яратувчанлик сингари ахлоқий сифатларнинг эмпирик имкониятлари ҳамда давлатни идора қилишнинг садоқат, ҳамият, мурувватга асосланган сифатларни замонавий ахлоқий тенденсиялар билан рационал жиҳатдан мос келиши асосланган;
Глобаллашув шароитида “Темур тузуклари”нинг марказий ахлоқий ғояси бўлган адолат ва адолатпарварликни улуғлаш каби тарбияга оид қарашларнинг моҳияти ахлоқ фалсафасининг умумназарий масалаларидан ажратилган ҳолда унинг юрт тинчлиги ва давлат барқарорлигига эришишнинг маънавий таъсири исботланган;
Соҳибқирон Амир Темур ахлоқий қарашларининг фалсафий хусусиятлари орқали ёшларнинг тафаккурини бойитиш, тарбиялаш ҳамда ҳаёт фалсафасини ўзгартиришнинг коммуникатив, интегратив ва методологик асослари герменевтика жиҳатлари асосланган.
IV. Тадқиқот натижаларининг жорий қилиниши. Амир Темур даврида тасаввуфнинг ижтимоий-маънавий ролини тадқиқ этиш бўйича ишлаб чиқилган тавсиялар ва таклифлар асосида:
Амир Темур ахлоқ фалсафасининг бош мезони бўлган ватанпарварлик, адолат, ижтимоий ҳимоя каби қарашларнинг ёшларни аждодларга ҳурмат, она Ватанга садоқат руҳида тарбиялашдаги ахлоқий аҳамияти фалсафий нуқтаи назардан очиб берилганлигига оид таклиф тавсиялардан Ўзбекистон Республикаси Вазирлар Маҳкамаси ҳузуридаги Имом Бухорий халқаро илмий-тадқиқот маркази томонидан нашр этилган “Ўрта аср Шарқ алломалари ва мутафаккирлари тарихий-фалсафий мероси энциклопедияси” мавзусидаги энциклопедияни тайёрлашда фойдаланилган (Ўзбекистон Республикаси Вазирлар Маҳкамаси ҳузуридаги Имом Бухорий халқаро илмий-тадқиқот марказининг 2023-йил 19-декабраги 02/569-сон маълумотномаси). Натижалар Амир Темур ахлоқий меросини ўрганиш та'лим ва тарбия мазмунини такомиллаштиришнинг муҳим омили эканлиги, унинг ёшлар ахлоқий дунёқарашини ривожлантиришга хизмат қилиши билан изоҳланган;
Амир Темурнинг садоқат, багʻрикенглик, жасурлик, мардлик каби рационал қарашлари ҳамда давлат бошқарувидаги толерантлик, адолатпарварлик ва тинчликсеварликни таъминлаш борасидаги муҳим стратегик қадамлари замонавий ахлоқий тенденсиялар билан солиштирилиб қиёсий таҳлил этилганлигига оид таклиф тавсиялардан Ўзбекистон Миллий тикланиш демократик партиясининг Ўзбекистон тараққиётининг янги босқичида илгари сурилган “Миллий тикланишдан – миллий юксалиш сари” номли бош ғоясини ҳаётга тадбиқ этишда фойдалнилган (Ўзбекистон Миллий тикланиш демократик партияси Марказий Кенгашининг 2023-йил 21-декабраги 02/02-71-сонли далолатномаси). Натижалар ёшларда ватанпарварлик туйгʻусини мустаҳкамлаш, уларни Ватанга садоқат руҳида тарбиялашга хизмат қилган;
“Темур тузуклари”да илгари сурилган ахлоқий гʻоялар, халқпарварлик ва устозларни улуғлаш каби ахлоқий тарбияга оид қарашларнинг моҳияти ахлоқ фалсафасининг умумназарий масалалари асосида ўрганилиб, унинг жамият равнақи, юрт тинчлиги ва давлат барқарорлигига таъсири исботланганлигига оид таклиф тавсиялардан Республика маънавият ва маърифат марказининг тарғибот фаолиятида фойдаланилган (Республика маънавият ва маърифат марказининг 2022-йил
26-майдаги 110-сон маълумотномаси). Натижалар ёшларнинг маънавий-ахлоқий дунёқарашини бойитишга ва уларда аждодларимиз маънавий меросига ҳурмат туйгʻусини мустаҳкамлашга хизмат қилган;
Соҳибқирон Амир Темур ахлоқ фалсафасининг замонавий талқинини тарихий манбалар асосида таҳлилий ўрганиш орқали, ахлоқий тарбияга оид таълимотлар консепсиясини яратиш ҳамда замонавий ёшлар тарбиясига сингдиришнинг методологик жиҳатлари кўрсатилганлигига оид таклиф тавсиялардан Ўзбекистон Миллий телерадиокомпанияси “Ўзбекистон тарихи” телеканалининг “Тақдимот” кўрсатувини дастурларини бойитишда фойдаланилган (Ўзбекистон Миллий телерадиокомпанияси “Ўзбекистон тарихи” телеканалининг 2022-йил 13-майдаги 02-3-623-сонли маълумотнамаси). Натижалар Амир Темур ахлоқий ҳаёт фалсафасининг миллий ва умумбашарий аҳамияти янгиланаётган Ўзбекистон ёшларининг тарбиясига методологик асоси бўлиб хизмат қилган.