Мамарасулов Баҳодир Долихоновичнинг
фалсафа доктори (PhD) диссертация ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ajuga turkestanica (Rgl.) Brig (Lamiaceae) доривор ўсимлигидан эндофит бактерияларни ажратиб олиш, тозалаш ва уларнинг биотехнологик потенциалини баҳолаш», 03.00.12 – Биотехнология (биология фанлари).
Диссертация мавзуси рўйхатга олинган рақам: В2022.3.PhD/В790.
Илмий раҳбар: Давранов Қахрамон Давранович, биология фанлари доктори, профессор, академик.
Диссертация бажарилган муассаса номи: Микробиология институти.
ИК фаолият кўрсатаётган муассаса номи, ИК рақами: Микробиология институти, DSc.02/30.12.2019.В.38.01.
Расмий оппонентлар: Насметова Саодат Мамажановна, биология фанлари доктори, Зиявитдинов Жамолитдин Фазлитдинович, кимё фанлари доктори, профессор.
Етакчи ташкилот: Тошкент фармацевтика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ajuga turkestanica доривор ўсимлигининг эндофит бактерияларини ва уларнинг биотехнологик қимматли иккиламчи метаболитлар манбаи сифатидаги имкониятларини аниқлашдан иборат.
III. Тадқиқотнинг илмий янгилиги:
илк бор Ajuga turkestanica доривор ўсимлигидан Bacillus, Pseudomonas, Siccibacter авлодига мансуб эндофит бактерия штаммлари ажратилган;
илк бор B. velezensis IMB-Uz_M2 эндофит бактерия штамми Ajuga turkestanica биолфаол бирикмалари каби қимматли метаболитлар ишлаб чиқариши аниқланган;
B. velezensis IMB-Uz_M2 экстрактидан тузилиши бўйича стигмастерол ва β-цитостеролга мос келадиган иккита тритерпен бирикма ажратиб олинган;
B. velezensis IMB-Uz_M2 тритерпенлари цитотоксик ва патоген микробларга қарши хусусиятга эга эканлиги аниқланган.
IV. Тадқиқот натижаларининг жорий қилиниши:
Ajuga turkestanica (Rgl.) Brig (Lamiaceae) доривор ўсимлигидан эндофит бактерияларни ажратиб олиш ва уларнинг биотехнологик потенциалини аниқлаш бўйича олиб борилган тадқиқотлар натижасида:
A.turkestanica доривор ўсимлигидан ажратиб олинган B. velezensis эндофит бактерия штамми 16S рРНК нуклеотидлар кетма-кетлиги National Center for Biotechnology Information (NCBI) маълумотлар базасига Bacillus velezensis strain IMB-Uz_M2 сифатида OQ054580.1 рақам билан рўйхатдан ўтказилган (Ўзбекистон Республикаси Фанлар академиясининг 2024 йил 12 мартдаги 4/1255-563 - сон маълумотномаси). Натижада, ушбу штамм эндофит бактериялар коллекциясини бойитиши ва электрон базасининг ахборот-таҳлил тизимини шакллантириш имконини беради;
A.turkestanica (Rgl.) Brig (Lamiaceae) доривор ўсимлиги бактерия штаммларини тавсифлаш, ферментатив ва биокимёвий хусусиятлари бўйича олинган натижалар 4 та, импакт-фактори (Web of Science) юқори илмий журналларда чоп қилинган (Microorganisms, 2022, Vol. 11, №1. pp. 1-17, Web of Science, IF 4.926; Foods, 2023, Vol. 12, №16. pp. 1-17, Web of Science, IF 5.561; Plant Stress, 2024, Vol. 12, № 100467 pp. 1-9, Web of Science, IF 5.0; BMC Plant Biology, 2024 Vol. 24, №36. pp. 1-18, Web of Science, IF 5.26) мақолаларда ҳаволалар берилган. Натижада, A.turkestanica доривор ўсимлигидан ажратиб олинган Bacillus, Pseudomonas, Siccibacter оилаларига мансуб бўлган эндофит бактериялар ферментатив фаолликлари ва биокимёвий хусусиятлари тўғрисида маълумотлар олиш имконини берган.
