Ўлмасов Ахаджон Акромжон ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Машинасозлик учун композицион термопластик полимер материалларининг самарали таркиблари ва улардан қопламалар олиш технологиясини ишлаб чиқиш», 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2024.1.PhD/T3806.
Илмий раҳбар: Негматов Сайибжан Садикович, техника фанлари доктори, профессор, академик.
Диссертация бажарилган муассасалар номи: Тошкент давлат техника университети «Фан ва тараққиёт» ДУК, Фарғона политехника институти.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Туляганова Васила Суннатиллаевна, техника фанлари доктори, катта илмий ходим; Қаршиев Мамараим Санаевич, техника фанлари номзоди, доцент.
Етакчи ташкилот: Тошкент кимё-технология институти.
Диссертация йўналиши: амалий аҳамиятга молик.
II. Тадқиқотнинг мақсади: машинасозлик учун композицион термопластик полимер материалларининг самарали таркиблари ва улардан қопламалар олиш технологиясини ишлаб чиқишдан иборат.
III. Тадқиқотнинг илмий янгилиги:
термопластик полимер ва органоминерал тўлдирувчиларнинг тури, миқдори ва нисбатига ҳамда электромагнит ишлов бериш режимларининг физик модификацияланган композицион термопластик полимер материаллари ва улар асосидаги қопламаларнинг физик-механик хусусиятларининг ўзгаришига таъсири асосланган;
органоминерал тўлдирувчиларнинг тури, миқдори ва нисбати, электромагнит ишлов бериш режимлари ва технологик параметрларнинг композициянинг иссиқликка чидамли, антифрикцион хусусиятларига таъсирини ўрганиш орқали модификацияланган композицион термопластик полимер материаллари ва улар асосидаги қопламаларнинг оптимал таркиблари ишлаб чиқилган;
кукунсимон термопластик қопламаларга магнит майдонининг таъсир этиш вақтининг ошиши билан унинг мустахкамлик хоссалари 1,28-1,6 мартага ошиши, адгезион мустаҳкамлиги эса тўлдирилмаган ва ишлов берилмаган қопламаларга қараганда 2-3 марта юқори эканлиги аниқланган;
физик модификацияланган иссиқликка чидамли, антифрикцион композицион термопластик полимер материаллари ва улар асосидаги қопламаларнинг хусусиятларини аниқлашда ишқаланиш коэффициенти ва таннархининг ўртача 25 % га пасайиши ҳамда машина ва механизмларнинг ишчи органларининг ишлаш қобилияти ва умрбоқийлигини 2,0-2,5 марта ортиши аниқланган;
машина ва механизмларни ишчи органларининг ишқаланиш агрегатларида қўллаш учун органоминерал тўлдирувчилар билан физик модификацияланган композицион термопластик полимер материаллар ва улардан қопламаларни олиш учун электромагнит ишлов бериш бўйича самарали технология ишлаб чиқилган.
IV. Тадқиқот натижаларининг жорий қилиниши:
Машинасозлик учун композицион термопластик полимер материалларининг самарали таркиблари ва улардан қопламалар олиш технологиясини ишлаб чиқиш бўйича олинган илмий натижалар асосида:
ишлаб чиқилган модификацияланган композицион термопластик полимер материаллари ва улардан магнит майдонида ишлов бериш орқали тайёрланган полимер қопламалари Пискент пахта тозалаш заводи машина ва механизмларнинг ишчи органларида амалиётга жорий этилган (“O`zbekiston Respublikasi Prezidenti huzuridagi paxtachilik kengashining ilmiy tadqiqot organi”нинг 2024 йил 20 мартдаги 02-11/123а-сонли маълумотномаси). Натижада, композицион полимер қопламаларининг атмосфера шароитида хизмат қилиш муддатини 2-4 баробар, пахта тозалаш машиналари ва механизмларининг самарадорлиги ошириш имконини берган;
юқори физик-механик ва эксплуатацион хусусиятларни таъминловчи, физик модификацияланган композицион термопластик полимер қопламаларни олишнинг ишлаб чиқилган самарали технологияси Пискент пахта тозалаш заводида амалиётга жорий этилган (“O`zbekiston Respublikasi Prezidenti huzuridagi paxtachilik kengashining ilmiy tadqiqot organi”нинг 2024 йил 20 мартдаги 02-11/123а-сонли маълумотномаси). Натижада, пахта машиналари ва механизмларининг маҳсулдорлиги 7,0-14,0%га ошириш имконини берган.