Мухиддинова Малика Батировнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): “Корейс ижтимоий реклама матнларида кишилик-кўрсатиш олмошларининг прагматикаси”, 10.00.05 – Осиё ва Африка халқлари тили ва адабиёти (филология фанлари).
Диссертация мавзуси рўйхатга олинган рақам: В2023.2.PhD/Fil3428.
Илмий раҳбар: Ким Наталя Дек-Хеновна, филология фанлари доктори, профессор.
Диссертация бажарилган муассаса номи: Тошкент давлат педагогика университети.
ИК фаолият кўрсатаётган муассаса (муассасалар) номи, ИК рақами: Тошкент давлат шарқшунослик университети, DSc.03/30.12.2019.Fil.21.01.
Расмий оппонентлар: Насирова Саодат Абдуллаевна, филология фанлари доктори, профессор; Хан Нелли Чанировна, филология фанлари бўйича фалсафа доктори (PhD), доцент.
Етакчи ташкилот: Жаҳон иқтисодиёти ва дипломатия университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади корейс тилидаги ижтимоий реклама матнларида кишилик-кўрсатиш олмошларининг прагматик хусусиятларини аниқлашдан иборат.
III. Тадқиқотнинг илмий янгилиги:
корейс тилидаги кишилик-кўрсатиш олмошларининг прагматик ва морфологик хусусиятлари, ҳамда корейс ижтимоий реклама матнларида намоён бўлиши очиб берилиб, уларнинг жамиятга таъсири аниқланган;
ижтимоий рекламанинг социум (жамият)га таъсир даражаси ташвиқот, тарғибот ва хабар беришдек реклама мазмунини ўзида мужассам этган матнлардаги кишилик ва кўрсатиш олмошларидан фойдаланиш частотасига кўра аниқланган;
ижтимоий реклама матнларида шахс кўрсатувчи олмошлар ёш хусусиятлари ва олувчи жамият учун мақсадли маълумотларни ҳисобга олган ҳолда мақсадли аудиторияга йўналтирилган мақомга йўналтирилган ва субъект-обект муносабатларини ўрнатиши аниқланган;
кишилик-кўрсатиш олмошли реклама матнларининг йўналтирилган ижтимоий қатламга таъсири даражаси аниқланган.
IV.Тадқиқот натижаларининг жорий қилиниши. Корейс тилидаги ижтимоий реклама матнларидаги олмошларнинг функсионал хусусиятларининг тадқиқи бўйича олинган илмий натижалар асосида:
корейс тили олмошларига хос бўлган бошқа гап бўлаклари билан бирикиши масалалари Республика маданият марказлари уюшмасидаги ёш кореяшунос олимларнинг илмий-тадқиқот ишларини олиб боришлари ҳамда уюшма қошидаги уюштилиб бориладиган корейс тили ўқув курсларининг дастурини ишлаб чиқишда фойдаланилган (Ўзбекистон Республикаси Корейс маданий марказлари уюшмасининг 2023-йил 20-августдаги 47-сон маълумотнома). Жумладан, 한국어 대명사 및 의사 소통 корейс тилини ўрганишнинг муҳим бўлими бўлиб, тадқиқот материалларидан бир қатор корейс тили дарсларининг услубий ва амалий ишланмаларида кенг фойдаланилган;
кишилик-коʼрсатиш олмошларини фақатгина улар алоҳида ўрганишни талаб этадиган грамматик-семантик хусусиятларга эга эканига асосланган ҳолда олмошларнинг алоҳида тури сифатида ажратиш мумкинлиги ҳақидаги маълумотлар Корея Республикасининг Ўзбекистон Республикасидаги элчихонаси ҳузуридаги Корея Республикаси таʼлим марказида таҳсил олувчи ўқувчилар учун корейс тили олмошлари ҳақида янада чуқурроқ тасаввур уйғонишига туртки бўлган (Корея Республикасининг Ўзбекистон Республикасидаги элчихонаси ҳузуридаги Корея Республикаси та'лим марказининг 2023-йил 15-сентябрдаги 60-сон маълумотномаси). Бундай хулоса хорижий тилларни, шу жумладан корейс тилини ўқитиш дастурларида муваффақиятли амалга оширилган;
корейс тилидаги 1-шахс кишиклик олмошлари 우리 - 저희, 나 - 저, 너희들 – 여러분ларнинг аниқланган муомала чоғидаги прагматик хусусиятлари Кинг Сежонг Институте, Ташкент 1 тил ўргатиш мактабида корейс тилидаги сўзлашув нутқини ўқитишда ёрдам берган (Кинг Сежонг Институте, Ташкент 1, 2023-йил 5-октябрдаги 32-сон маълумотнома). Натижада тадқиқот давомида тўпланган 1-шахс кишиклик олмошлари 우리 - 저희, 나 - 저, 너희들 – 여러분 қатнашган реклама намуналардаги матнлар корейс тилидаги сўзлашув нутқини ўқитиш китобига мисоллар тариқасида киритилган;
корейс тилида тўғри танланган ва ишлатилган олмошлар реклама хабарини янада кучайтириши ҳамда унинг мақсадли аудиторияга етиб боришини ва керакли таъсир кўрсатишини таъминлаши Кореа Республикаси савдо саноати ва энергетика вазирлиги ҳузуридаги Корея-Ўзбекистон бизнес уюшмасининг “Бизнес-мулоқотда корейс тили” ўқув курси материалларини янада бойитишга хизмат қилган (Кореа Республикаси савдо саноати ва энергетика вазирлиги ҳузуридаги Корея-Ўзбекистон бизнес уюшмасининг 2024-йил 5-июндаги КУБА-0605-1-сон маълумотномаси). Хусусан, корейс тилидаги реклама намуналарини таҳлил қилиш натижалари нафақат реклама соҳаси мутахассисларини тайёрлашда, балки корейс тилини ўқитишда ҳам қўлланилган.