Тугузбаева Робия Бердимуратовнанинг
фалсафа доктори (Phd) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Жунни ювиш машинасининг ишчи қисмларини такомиллаштириш” 05.02.03-“Технологик машиналар. Роботлар, мехатроника ва робототехника тизимлари” (техника фанлари)
Диссертация мавзуси рўйхатга олинган рақам: № В2023.2.PhD/T3679
Илмий раҳбар: Хакимов Шерқул Шергозиевич, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Бахадиров Ғайрат Атаханович, техника фанлари доктори, профессор; Маматова Дилрабо Алишеровна техника фанлари доктори, доцент.
Етакчи ташкилот: Наманган муҳандислик-технология институти
Диссертация йўналиши: амалий аҳамиятга молик.
II. Тадқиқотнинг мақсади: ресурстежамкор жун ювиш машинаси ва сиқиш мосламасининг такомиллашган конструкциясини яратиш, уларнинг кўрсаткичларини назарий ҳамда амалий асослашдан ибoрaт.
III. Тадқиқотнинг илмий янгилиги:
маҳаллий жун хомашёсини дастлабки ишлашда ювиш машинасининг конструкцияси ҳаракатлантирувчи механизми ва сиғимини кичрайтириш асосида такомиллаштирилган ҳамда сиқиш мосламасини рационал кўрсаткичлари жун оқимининг ҳаракат қонуниятлари асосида аниқланган;
технологик жараён ва машинанинг геометрик, кинематик, динамик параметрларини ҳисобга олган ҳолда ювиш қозонида ҳаракатланувчи паншахалар таъсирида, сиқувчи барабан ва тўрли юза орасида сиқиш вақтида жун оқимининг ҳаракат тенгламалари олинган;
ҳаракатланувчи паншахаларнинг турли узунликлари ва чизиқли тезлигида, жун оқими ҳаракатини ўзгариш қонуниятлари, шунингдек, сиқиш жараёнини тирқишга, сиқувчи барабаннинг бурчак тезлиги ва диаметрига боғлиқлиги аниқланган;
такомиллаштирилган машинани конструктив ва технологик кўрсаткичларининг рационал қийматлари кичик квадратлар усули ёрдамида регрессион моделларни қуриш ҳамда таҳлил қилиш асосида ишлаб чиқилган.
IV. Тадқиқот натижаларининг жорий қилиниши: Диссертацияда жунни ювиш машинаси ва сиқиш мосламасини такомиллаштириш бўйича олинган илмий ва амалий натижалар асосида:
жунни ювиш машинаси сиқиш мосламасига интеллектуал мулк агентлигининг фойдали моделига патент олинган (Жун ювиш қозонида жунни сиқиш мосламаси. UZ № FAP 02351. 2023-й.), натижада жунни ювиш машинаси сиқиш мосламасининг самарали конструкцияси яратилган;
ресурстежамкор жунни ювиш машинаси ва сиқиш мосламаси “Ипакчилик ва жун саноатини ривожлантириш” қўмитаси тизимидаги “Оқбўтаева Зулҳумор” ХК корхонасида жорий этилган. (“Ипакчилик ва жун саноатини ривожлантириш” қўмитасининг 2024 йил 9 апрелдаги 1-1/287-сон маълумотномаси). Илмий тадқиқот натижаларининг ишлаб чиқаришга жорий этилиши натижасида сиқилган жуннинг қолдиқ намлиги 55-60% гача тушиб, бу орқали электроэнергия ҳамда сув сарфини камайишига эришилди.