Худойберганов Сардорбек Баходировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Тут ипак қурти пиллаларининг сифат кўрсаткичларини аниқлаш усуллари ва қурилмасини ишлаб чиқиш”, 05.03.01 – Асбоблар. Ўлчаш ва назорат қилиш усуллари (техника фанлари).
Диссертация мавзуси рўйхатга олинган рақам: В2022.2.PhD/Т2878.
Илмий раҳбар: Мирсаатов Равшанбек Муминович, техника фанлари доктори, профессор.
Диссертация бажарилган муассаса номи: Ипакчилик илмий-тадқиқот институти ва Тошкент давлат транспорт университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc. 03/30.12.2019.Т.03.02.
Расмий оппонентлар: Улжаев Эркин, техника фанлари доктори, профессор; Тўраев Шавкат Абдукаюмович, техника фанлари номзоди, доцент.
Етакчи ташкилот: Тошкент тўқимачилик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тут ипак қурти пиллаларининг сифат кўрсаткичларини аниқлаш усулларини ишлаб чиқиш ва қурилмасини такомиллаштиришдан иборат.
III. Тадқиқотнинг илмий янгилиги:
тут ипак қурти пиллаларининг сифат кўрсаткичлари орасидаги статистик боғланишлар асосида пиллаларнинг ипакчанлиги, етилганлиги, қобиғининг қаттиқлиги ва массасини юқори аниқликда аниқлайдиган усуллар ишлаб чиқилган;
тирик пиллаларнинг солиштирма ҳажмини ўлчашга мўлжалланган ФТИ-1 қурилмасининг конструксиясига пиллалар қатлами баландлигини ўлчаш, пиллалар қатламини эластик деформацияловчи ва микропроцессорли электрон бошқариш блокини қўшиш асосида такомиллаштирилган;
такомиллаштирилган ФТИ-1 қурилмасида пиллалар қобиғининг қаттиқлиги бўйича  ипакчанлигини ва етилганлигини аниқлаш имконини берадиган усуллар ишлаб чиқилган;
тадқиқотлар натижасида пиллаларнинг сифат кўрсаткичларини тавсифловчи параметрларнинг ўзаро боғлиқлиги аниқланган ва ўлчаш натижаларининг ноаниқликлари баҳоланган.
IV. Тадқиқот натижаларининг жорий қилиниши. Тут ипак қурти пиллаларининг сифат кўрсаткичларини аниқлашга мўлжалланган усуллар ва қурилмани ишлаб чиқиш асосида:
пиллаларни кесмасдан ипакчанликни аниқлаш бўйича «Способ определения шелконосности коконов тутового шелкопряда»га Ўзбекистон Республикаси Адлия вазирлиги ҳузуридаги Интеллектуал мулк марказидан ихтирога патент олинган (№ ИАП 07547, 22.11.2023 й.). Ишлаб чиқилган усул ва қурилма топширилаётган партиядаги тирик пиллаларнинг ипакчанлигини юқори аниқликда ўлчаш имконини берган;
тут ипак қурти пиллаларининг сифат кўрсаткичларини, жумладан пиллаларнинг ипакчанлиги ва етилганлигини, пиллалар қобиғининг қаттиқлиги ва массасини аниқлаш бўйича ишлаб чиқилган усуллари Қуйичирчиқ тумани «Агро-Пилла» ОАЖ бош пиллахонасида жорий қилинган (Ўзбекистон Республикаси Ипакчилик ва жун саноатини ривожлантириш қўмитасининг 2022 йил 23 декабрдаги №1-2/1012-сон маълумотномаси). Натижада ишлаб чиқилган усуллар тут ипак қурти пиллаларининг сифат кўрсаткичларини юқори аниқликда баҳолаш имконини берган;
тирик пиллаларни кесмасдан ипакчанлиги ва етилганлигини аниқлаш усуллари ва такомиллаштирилган қурилмаси Қуйичирчиқ тумани «Агро-Пилла» ОАЖ бош пиллахонасида жорий қилинган (Ўзбекистон Республикаси Ипакчилик ва жун саноатини ривожлантириш қўмитасининг 2022 йил 23 декабрдаги №1-2/1012-сон маълумотномаси). Натижада пиллаларнинг сифат кўрсаткичларини юқори аниқликда баҳолаш ҳисобига топширилаётган пилла партияларида етилмаган пиллалар оқимини 5 фоизга камайтириш ҳисобига 91,8 млн сўм/йилга иқтисодий самарага эришилган.