Жалелова Малика Моятдин қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Рентгенографик тасвирларга дастлабки ишлов бериш алгоритмлари”, 05.01.03 – “Информатиканинг назарий асослари” (техника фанлари).
Диссертация мавзуси рўйхатга олинган рақам: Б.2024.1.PhD/Т 3647
Илмий раҳбарнинг Ф.И.Ш., илмий даражаси ва унвони: Маматов Нарзилло Солиджонович, техника фанлари доктори, профессор
Диссертация бажарилган муассаса номи: “Бердақ номидаги Қорақалпоқ давлат университети” ҳамда «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети.
ИК фаолият кўрсатаётган муассаса номи, ИК рақами: «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети, DSc.03/26.05.2022.Т.10.05.
Расмий оппонентлар: Примова Ҳолида Анорбоевна, техника фанлари доктори, доцент; Жумаев Турдали Саминжонович, техника фанлари бўйича фалсафа доктори (PhD), доцент.
Етакчи ташкилот номи: Ислом Каримов номидаги Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ташхислаш ва даволаш жараёни самарадорлигини ошириш учун тиббий рентгенографик тасвирларга дастлабки ишлов бериш алгоритмлари ва дастурий мажмуасини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
тасвир сифатини баҳолаш мезонларини инобатга олган ҳолда тасвир контрастини ошириш учун оптимал алгоритмлар кетма-кетлиги шакллантирилган;
шовқин тури ва баҳолаш мезонини инобатга олган ҳолда самарали филтрни танлаш ёндашуви таклиф этилган;
тасвир сифатини баҳолаш мезонлари қийматларини инобатга олган ҳолда тасвирдаги шовқинларни бартараф этиш қоидаси ишлаб чиқилган;
тасвир сифатини баҳолаш мезон қийматларини инобатга олган ҳолда тасвир контурларини ажратиш қоидаси ишлаб чиқилган;
контур чизиқлари хусусиятларини инобатга олган ҳолда контур ингичкалаштиришнинг ярим атрофли учбурчак алгоритми таклиф этилган.
IV. Тадқиқот натижаларининг жорий қилиниши: Рентгенографик тасвирларга дастлабки ишлов беришнинг мавжуд ҳамда таклиф этилган ёндашув, модел, усул ва алгоритмлари асосида яратилган дастурий мажмуа асосида:
тасвир сифатини баҳолаш мезонларини инобатга олган ҳолда тасвир контрастини ошириш учун шакллантирилган оптимал алгоритмлар кетма-кетлиги асосида ишлаб чиқилган дастурий мажмуа Қорақалпоғистон Республикаси Чимбой тумани тиббиёт бирлашмасида рентгенографик тасвирлар сифатини ошириш учун жорий қилинган (Қорақалпоғистон Республикаси Соғлиқни сақлаш вазирлигининг 2024-йил 29-февралдаги 01-1174 сон маълумотномаси). Натижада рентген қурилмаси орқали олинган тасвирга ишлов бериш вақтини ўртача 10% га қисқартириш имконини берган;
тасвир сифатини баҳолаш мезонлари қийматларини инобатга олган ҳолда тасвирдаги шовқинларни бартараф этиш ҳамда самарали филтрни танлаш қоидаси асосида ишлаб чиқилган дастурий мажмуа Қорақалпоғистон Республикаси Нукус тумани тиббиёт бирлашмасида рентгенографик тасвирлар сифатини ошириш учун жорий қилинган (Қорақалпоғистон Республикаси Соғлиқни сақлаш вазирлигининг 2024-йил 29-февралдаги 01-1174 сон маълумотномаси). Натижада рентгенографик тасвирлар сифатини ошириш ҳамда уларни обектив баҳолаш имконини берган;
тасвир сифатини баҳолаш мезон қийматларини инобатга олган ҳолда тасвир контурларини ажратиш қоидаси асосида ишлаб чиқилган дастурий мажмуа Қорақалпоғистон Республикаси Нукус шаҳри “Медиcал Cентре” хусусий клиникасида обектларни ажратиш учун жорий қилинган (Қорақалпоғистон Республикаси Соғлиқни сақлаш вазирлигининг 2024-йил 29-февралдаги 01-1174 сон маълумотномаси). Натижада тасвирларга ишлов бериш тезлигини оширган.
контур чизиқлари хусусиятларини инобатга олган ҳолда контур ингичкалаштиришнинг ярим атрофли учбурчак алгоритми асосида ишлаб чиқилган дастурий мажмуа Қорақалпоғистон Республикаси Тахтакупир тумани тиббиёт бирлашмасида обект чегараларини яхшилаш учун жорий қилинган (Қорақалпоғистон Республикаси Соғлиқни сақлаш вазирлигининг 2024-йил 29-февралдаги 01-1174 сон маълумотномаси). Натижада тасвирларга ишлов бериш тезлигини оширган.