Юдашев Элмурод Умаралиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ресурс тежовчи техник ечимларни ишлаб чиқиш асосида поршенли компрессор ускуналарининг самарадорлигини ошириш», 04.00.16 – Кончилик машиналари (техника фанлари).
Диссертация мавзуси рўйхатга олинган рақам: B2023.4.PhD/Т4159.
Илмий раҳбар: Хатамова Дилшода Нармуратовна, техника фанлари бўйича фалсафа доктори (PhD), доцент.
Диссертация бажарилган муассаса номи: Тошкент давлат техника университети Олмалиқ филиали.
ИК фаолият кўрсатаётган муассаса номи, ИК рақами: Навоий давлат кончилик ва технологиялар университети, DSc.17/04.06.2021.Т.06.02.
Расмий оппонентлар: Эгамбердиев Илҳом Пулатович, техника фанлари доктори, профессор; Баратов Бахтиёр Нусратович, техника фанлари бўйича фалсафа доктори (PhD).
Етакчи ташкилот: «Олмалиқ кон-металлургия комбинати» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: компрессорнинг ҳаво сўриш тизимини такомиллаштириш ва иккиламчи энергия ресурсларидан оқилона фойдаланиш асосида унинг самарадорлигини оширишдан иборат.
III. Тадқиқотнинг илмий янгилиги:
поршенли компрессорда ҳаво сиқишга сарфланаётган энергия сарфининг  компрессорга сўрилувчи ҳаво ҳароратининг катталигига эмперик боғлиқлиги ўрнатилган, компрессорга сўрилувчи ҳаво ҳароратини пасайтириш, унумдорликни ва ҳаво босимини ошириш, шунингдек, ҳаво сиқишга сарфланаётган энергия сарфини камайтириш имконини бериши аниқланган;
компрессордан чиқувчи қизиган сувни градирняга узатиш қувурига иссиқлик алмаштиргич кўринишидаги совуткични ўрнатиш градирняда совутиладиган сувнинг ҳароратини пасайтириш орқали градирняда айланма сувнинг совутилишига сарфланадиган энергия сарфини камайтириш имконини бериши аниқланган, бунда градирняда совутиладиган сувнинг совуш даражаси, иссиқлик алмаштиргич совитувчи сувнинг ҳароратига эмперик боғлиқлиги асосланган;
компрессор ва сўнгги совуткич орасидаги ҳаво қувурига иссиқлик алмаштиргич ўрнатиш, ҳарорати компрессорнинг босимига боғлиқ ҳолда ўзгарадиган, технологик эҳтиёжлар учун фойдали қўллаш мумкин бўлган қизиган сув олиш ҳамда компрессордан сўнгги совуткичга узатилаётган ҳавони ҳароратини совутиш имконини бериши аниқланган;
компрессордан ажраладиган иссиқликни фойдали утилизация қилиш қурилмасида қўлланилган термоелектргенератордан чиқаётган электр энергиясининг қуввати компрессорда сиқилган ҳавонинг ҳарорати ва градирняда совутилаётган сувнинг ҳароратига эмперик боғлиқлиги аниқланган.
IV. Тадқиқот натижаларининг жорий қилиниши.
Ресурс тежовчи техник ечимларни ишлаб чиқиш асосида кон компрессор ускуналарининг самарадорлигини ошириш бўйича олинган илмий натижалар асосида:
компрессорга сўрилувчи ҳавони совутиш қурилмаси «Олмалиқ кон-металлургия комбинати» АЖ «Ангрен» кон бошқармаси «Қизил олма» конининг компрессор станциясида амалиётга жорий этилган («Олмалиқ кон-металлургия комбинати» АЖ нинг 2023 йил 29 сентябрдаги 09-23/61-2259-сон маълумотномаси). Натижада, компрессорга сўрилувчи ҳавони ҳароратини пасайтириш орқали унинг фойдали иш коеффициентини 2,5% гача ошириш имконини берган;
компрессордан чиқувчи сиқилган ҳавонинг иссиқлигини фойдали қайта тиклаш қурилмаси «Олмалиқ кон-металлургия комбинати» АЖ «Ангрен» кон бошқармаси «Қизил олма» конининг компрессор станциясида амалиётга жорий этилган («Олмалиқ кон-металлургия комбинати» АЖ нинг 2023 йил 29 сентябрдаги 09-23/61-2259-сон маълумотномаси). Натижада, қуввати 3,5 кВт/соат электр энергиясини, ҳамда ҳарорати 55-60°C га тенг бўлган 45 л/соат иссиқ сув олиш имконини берган;
компрессорнинг совутиш тизимидан ажраладиган иссиқликни фойдали қўллаш қурилмаси «Олмалиқ кон-металлургия комбинати» АЖ «Ангрен» кон бошқармаси «Қизил олма» конининг компрессор станциясида амалиётга жорий этилган («Олмалиқ кон-металлургия комбинати» АЖ нинг 2023 йил 29 сентябрдаги 09-23/61-2259-сон маълумотномаси). Натижада, совутиш тизими айланма сувини ҳароратини пасайтириш эвазига, совутиш тизимининг энергия сарфини 3 кВт/соатгача камайтириш имконини берган.