Абдухакимов Талъатжон Тохиржон ўғлининг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Нам сақлаш хусусиятига эга бўлган комплекс таъсир этувчи мураккаб ўғитлар олиш технологиясини ишлаб чиқиш», 02.00.13 – Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2022.3.PhD/Т3020.
Илмий раҳбар: Шерқузиев Дониёр Шермаматович, техника фанлари доктори, профессор.
Диссертация бажарилган муассасалар номи: Наманган муҳандислик-технология институти.
ИК фаолият кўрсатаётган муассаса номи, ИК рақами: Наманган муҳандислик-технология институти, DSc.03/29.08.2023.К/Т.66.02.
Расмий оппонентлар: Султонов Боходир Элбекович, техника фанлари доктори, профессор; Алимов Умарбек Кадирбергенович, техника фанлари доктори, катта илмий ходим..
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ФАР-ПАНС МШ полимер реагенти асосида, қишлоқ хўжалигида сув танқис ерларда сув ва минерал ўғитларни тежовчи комплекс ўғитлар олиш технологиясини ишлаб чиқишдан иборат.
III. Тадқиқотнинг илмий янгилиги:
ФАР-ПАНС МШ полимер реагенти, формалин, лимон кислота, сулфат ва нитрат кислота ҳамда НПК, МКФ ва МАФ минерал компонентлари иштирокида сополимерланишидан янги нам сақловчи комплекс ўғитлар синтез қилинган;
ФАР-ПАНС МШ полимер реагентига чокловчи агентлар, лимон кислота ва ноорганик кислоталарнинг оптимал меъёрлари ҳамда тажрибалар олиб боришнинг мақбул шароитлари аниқланган;
синтез қилинган гелсимон массага НПК, МКФ ва МАФ минерал компонентлари қўшиш орқали олинган нам сақловчи комплекс ўғит намуналари таркибида ўсимликлар томонидан ижобий ўзлашадиган азот, фосфор, калий ва микроелементлар мавжудлиги агрокимёвий синовлар натижасида аниқланган;
гелсимон массага 20% МАФ минерал компоненти қўшиб олинган вариантда таркибида 18,11% фосфор, 12,08% азот тутган нам сақловчи комплекс ўғитнинг бўкувчанлиги 35,5 баробарни ташкил этиши тажрибалар ёрдамида исботланган;
сканерловчи электрон микроскоп, ИҚ-спектроскопик ва физик-кимёвий таҳлил усуллари ёрдамида нам сақловчи комплекс ўғит олишнинг мақбул таркиби аниқланган;
нам сақловчи комплекс ўғит олишнинг моддий баланс ҳисоби тузилган ва технологик жараёнларини оптималлаш орқали маҳсулот олиш технологияси ишлаб чиқилган.
IV. Тадқиқот натижаларининг жорий қилиниши.
Маҳаллий хом ашёлар асосида нам сақловчи комплекс ўғитлар олиш технологиясини ишлаб чиқиш бўйича олинган натижалар асосида:
ФАР-ПАНС МШ полимер реагенти, лимон кислота ва ноорганик кислоталар асосида нам сақловчи ўғит олиш технологияси “Ифода агрокимё ҳимоя” МШЖ қўшма корхонасининг “2024-2025 йилларда жорий этиладиган истиқболли илмий ишланмалари рўйхати”га киритилган (“Ифода агрокимё ҳимоя” МСҲЖ ҚКнинг 2024 йил 21 январдаги 92/Б-сон маълумотномаси). Натижада, қишлоқ хўжалигида ва боғдорчиликда ҳам нам сақлаш, ҳам минерал ўғитларни тежаш имконини беради;
гелсимон массага НПК ва МАФ минерал компонентларини киритиш орқали олинган нам сақловчи комплекс ўғит олиш технологияси “Ифода агрокимё ҳимоя” МСҲЖ қўшма корхонасининг “2024-2025 йилларда жорий этиладиган истиқболли илмий ишланмалари рўйхати”га киритилган (“Ифода агрокимё ҳимоя” МСҲЖ ҚК нинг 2024 йил 21 январдаги 92/Б-сон маълумотномаси). Натижада, таркибида 18,11% фосфор, 12,08% азот ва микроелементлар тутган, сув ресурсларини ва минерал ўғитларни мос равишда 25-30% ва 35-40% га тежовчи комлекс ўғит олиш имконини беради.
