Турғунов Илхомжон Иброхимжон ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Автомобил бензинларининг эксплуатацион хоссаларини ростловчи экологик хавфсиз органик қўшимчаларни олиш технологиясини ишлаб чиқиш», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2023.3.PhD/Т3443.
Илмий раҳбар: Нурқулов Файзулла Нурмуминович, техника фанлари доктори, профессор.
Диссертация бажарилган муассаса номи: Тошкент кимё-технология илмий тадқиқот институти.
ИК фаолият кўрсатаётган муассаса номи, ИК рақами: Тошкент кимё-технология илмий тадқиқот институти, DSc.16/30.12.2019.К/Т.87.01.
Расмий оппонентлар: Ёдгоров Нормухаммад, кимё фанлари доктори; Вафаев Ойбек Шукурлаевич, техника фанлари бўйича фалсафа доктори (PhD). 
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: автомобил бензинларининг эксплуатацион хоссаларини ростловчи, янги таркибли, экологик тоза органик қўшимчалар олишнинг самарали технологиясини ишлаб чиқишдан иборат.
III. Тадқиқотнинг илмий янгилиги:
метанол, анилин, цирка кислота, глицерин, сивуш мойи, фтал ангидрид, уротропин асосида янги таркибли, бензиннинг октан сонини оширувчи, экологик тоза органик қўшимчалар олинган;
азот ва кислород сақлаган, октан сонини оширувчи кўп функсияли органик қўшимчалар олишнинг оптимал шароитлари ҳамда олиш технологияси ишлаб чиқилган;
таклиф қилинаётган экологик хавфсиз органик қўшимчаларнинг самарадорлиги ОСТУ усулида АИ-80 намунадаги бензиннинг октан сонини 11 бирликка яъни АИ-93 гача оширганлиги аниқланган; 
октан сонини оширувчи қўшимчалар қўшилган бензин намуналарининг двигателда ёниши натижасида ҳавога чиқадиган углерод(ИИ) оксиди (CО) 1,32% дан 0,67% гача ва чала ёнган углеводородлар (Ч) 225 ппм дан 135 ппм гача камайганлиги аниқланган;
синтез қилинган қўшимчалар  бензинни хираланиш ҳароратини -30°C дан -46°C гача,  смола миқдорини эса 3,2 мг дан 2,304 мг пасайганлиги аниқланган;
органик қўшимчаларнинг ингибирлаш хоссаси мис пластинкада 50°C, 3 соат давомида 1-синф талабларига тўлиқ мос келиши исботланган.
IV. Тадқиқот натижаларининг жорий қилиниши. 
Автомобил бензинларининг эксплуатацион хоссаларини ростловчи экологик хавфсиз органик қўшимчаларни олиш технологиясини ишлаб чиқиш бўйича олинган илмий натижалар асосида:
ММА маркали автомобил бензинлари учун органик қўшимчалар “Ўзбекнефтгаз” АЖ тизимидаги Шўртан нефт ва газ қазиб чиқариш бошқармасида амалиётга жорий қилинган (Шўртан нефт ва газ қазиб чиқариш бошқармасининг 2024 йил 15 февралдаги ОП24/АН-659-сонли маълумотномаси). Натижада, газоконденсат муҳитидаги металл конструксияларини коррозиядан ҳимоялаш даражасини 93,32 % гача ошириш имконини берган;
таркибида азот ва кислород сақлаган автомобил бензинларининг октан сонини оширувчи органик қўшимчалар “Ўзнефтгазинспексия” Тошкент назорат-кимё лабораториясида ва “Бухоро нефтни қайта ишлаш заводи” МЧЖ да амалиётга жорий қилинган (Шўртан нефт ва газ қазиб чиқариш бошқармасининг 2024 йил 15 февралдаги ОП24/АН-659-сонли маълумотномаси). Натижада, автомобил бензинларининг октан сонини оширувчи органик қўшимчаларни олиш технологияси ва ташкилот стандарти ишлаб чиқилган ҳамда иқтисодий самарадорликни ўртача 30% га ошириш имконини берган.