Маҳмудов Камолиддин Аҳмаджон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Маккажоъхори донини қайта ишлашда физик-механик жараёнлардан самарали фойдаланиш орқали патока ишлаб чиқариш технологиясини такомиллаштириш», 02.00.17 - Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: В2023.2.PhD/Т3609.
Илмий раҳбар: Турабджанов Садритдин Маҳаматдинович, техника фанлари доктори, профессор, академик.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Баракаев Нусратилла Ражабович, техника фанлари доктори, профессор; Балтабаев Улуғбек Нарбаевич, техника фанлари бўйича фалсафа доктори (PhD), доцент.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маккажўхорининг маҳаллий навларига физик, механик, биологик ишлов беришнинг замонавий усулларини қўллаб, озиқавий қиймати, функционал хусусиятлари ва хавфсизлик кўрсаткичлари юқори бўлган қандолатбоп патока ишлаб чиқариш технологиясини такомиллаштиришдан иборат.
III. Тадқиқотнинг илмий янгилиги:
экструдерланган маккажўхори крахмали асосида озиқабоп ширин патока олиш қонуниятлари асосланган;
силлиқловчи қурилма ёрдамида кулдорлиги 1,05 % гача туширилган маккажўхори дони патока ишлаб чиқаришда қўлланилган билан юқори босимли филтрлаш босқичи самадорлигини 92 % гача ошириши исботланган;
маккажўхори крахмали ўлчамини 0,5 мм га тушириш орқали экструдерлаш самарадорлигини 98 %га ошириши асосланган;
экструдтрланган маккажўхори крахмалининг гидролизлаш ва биокатализнинг якуний маҳсулот декстроза эквивалентига тенг келадиган фермент препаратининг меъёри аниқланган;
ишлаб чиқилган технология асосида олинган патока, унли ва қандли қандолатчилик маҳсулотлари рецептига қанд ўрнини босувчи хомашё сифатида 70 %гача киритилиши аниқланган.
IV. Тадқиқот натижаларининг жорий қилиниши.
Озиқавий қиймати, функционал хусусиятлари ва хавфсизлик кўрсаткичлари юқори бўлган қандолатбоп патока олиш технологиясини ишлаб чиқиш бўйича олинган илмий натижалар асосида:
буғдой ва маккажўхори донларнинг қобиғини тозалаш технологияси Ўздонмаҳсулот ДАКнинг «2023-2025 йилларда амалиётга жорий этиш бўйича истиқболли ишланмалар рўйхати»га киритилган («Ўздонмаҳсулот» Акционерлик Компаниясининг 2023 йил 12 октябрдаги 6-1-2/612-1065-сон маълумотномаси). Натижада, патока ишлаб чиқариш учун ёрма хомашёсини олишда доннинг кул миқдорини 3,5 % дан 1,05 % га тушириш имконини берган;
маккажўхори патокасидан фойдаланиб чорвачилик ва паррандачилик учун гранулланган омухта ем ишлаб чиқариш технологияси Ўздонмаҳсулот ДАКнинг «2023-2025 йилларда амалиётга жорий этиш бўйича истиқболли ишланмалар рўйхати»га киритилган («Ўздонмаҳсулот» Акционерлик Компаниясининг 2023 йил 12 октябрдаги 6-1-2/612-1065-сон маълумотномаси). Натижада, сочилувчан омухта емга 1,0-1,5 % миқдорида қўшилганда  донадор аралаш озуқанинг чангиш кўрсаткичини 95 % га камайтириш, парранда, қуён ва қорамолларнинг метаболик энергия манбаини ошириш имконини берган.