Қодиров Зиёдулла Абдумухтаровичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: “Пиллаларни чувишга тайёрлаш технологиясини такомиллаштириш” 05.06.02- “Тўқимачилик материаллари технологияси ва хомашёга дастлабки ишлов бериш” ихтисослиги.
Диссертация мавзуси рўйхатга олинган рақам: B2023.3.PhD/Т3975.
Илмий раҳбар: Дадажонов Шарабидин, техника фанлари номзоди, катта илмий ходим.
Диссертация бажарилган муассаса номи: Андижон Машинасозлик институти.
ИК фаолият кўрсатаётган муассаса номи, ИК рақами: Наманган тўқимачилик саноати институти, PhD.03/04.10.2023.Т.174.01
Расмий оппонентлар: Эркинов Зокир Эркинович, техника фанлари доктори, доцент; Ахмедов Жахонгир Адхамович, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: амалий аҳамиятга молик.
II. Тадқиқотнинг мақсади: пиллаларни чувишга тайёрлаш технологиясини такомиллаштириш ва 3А синфига мос хом ипак ишлаб чиқаришни йўлга қўйишдан иборат.
III.Тадқиқотнинг илмий янгилиги қуйидагилардан иборат:
пилла қобиғига ташқи механик кучларнинг салбий таъсирини камайтириш мақсадида тирик пиллани қабул қилиш, ташиш ва сақлаш учун махсус каркас шаклидаги пилла ташиш мосламаларининг янги конструкцияси ишлаб чиқилган;
сифатли хом ипак ишлаб чиқариш учун илк бор пиллаларни чувишга  тайёрловчи универсал вакуум - буғлаш ва хом ипакни намлаш қурилмасининг янги конструкцияси ишлаб чиқилган;
ночизиқли жараёнлар таъсирида сувнинг ҳарорати ва буғлаш вақтининг хом ипакнинг сифат кўрсаткичларига таъсири асосида универсал вакуум-буғлаш қурилмасининг оптимал технологик параметрлари аниқланган;
пилла ипининг умумий, узлюксиз чувилиш узунликлари ва хом ипакнинг чиқишини ошириш учун Ротатабелли марказий композицион тажриба орқали сувнинг ҳарорати ҳамда буғлаш вақтининг мақбул қийматлари аниқланган.
IV. Тадқиқот натижаларининг жорий қилиниши. Пиллаларни чувишга тайёрлаш технологиясини такомиллаштириш бўйича олинган илмий натижалар асосида:
Яратилган универсал вакуум-буғлаш қурилмаларини “Ўзбекипаксаноат” уюшмаси таркибидаги Андижон вилояти, Жалақудуқ туманида жойлашган “Ҳарир тола” масъулияти чекланган жамиятида жорий этилди (Ўзбекистон Республикаси Қишлоқ хўжалиги Вазирлиги ҳузуридаги Ипакчилик ва жун саноатини ривожлантириш Қўмитасининг 2023 йил 8 августдаги 1-3/548/1-сон маълумотномаси). Натижада иқтисодий самарадорлик 22 331 минг сўмни ташкил этган;
яратилган универсал вакуум-буғлаш қурилмаларини Андижон шахри, Боғишамол даҳасида жойлашган “Сапфир саноат” масъулияти чекланган жамиятида жорий этилди (Ўзбекистон Республикаси Қишлоқ хўжалиги Вазирлиги ҳузуридаги Ипакчилик ва жун саноатини ривожлантириш Қўмитасининг 2023 йил 8 августдаги 1-3/548/1-сон маълумотномаси). Натижада иқтисодий самарадорлик 393 750 сўмни ташкил этган;
яратилган пилла ташиш мосламаси ҳамда универсал вакуум-буғлаш қурилмаларини Балиқчи туманида жойлашган “Балиқчи ишонч пиллачилик” масъулияти чекланган жамиятида жорий этилди (Ўзбекистон Республикаси Қишлоқ хўжалиги Вазирлиги ҳузуридаги Ипакчилик ва жун саноатини ривожлантириш Қўмитасининг 2023 йил 8 августдаги 1-3/548/1-сон маълумотномаси). Натижада иқтисодий самарадорлик 19968 минг сўмни ташкил этган.