Юсупов Бекзод Дилмурод ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Кам легирланган пўлат қатлам ҳосил қилиб эритиб қоплаш учун маҳаллий хомашё базаси асосида электродларни ишлаб чиқариш технологиясини ва қоплама таркибини такомиллаштириш”, 05.02.01 – “Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (Қуймачилик ва металларга ишлов бериш йўналиши бўйича)” ихтисослиги.
Диссертация мавзуси рўйхатга олинган рақам: B2022.4.PhD/Т3298.
Диссертация бажарилган муассаса номи: Андижон машинасозлик институти.
ИК фаолият кўрсатаётган муассаса номи, ИК рақами: Тошкент давлат техника университети хузуридаги DSc.03/30.12.2019.Т.03.04. рақамли Илмий Кенгаш.
Илмий раҳбар: Эрматов Зиядулла Досматович, техника фанлари доктори, профессор.
Расмий оппонентлар: Абдуллаев Фатхулла Сагдуллаевич, техника фанлари доктори, профессор; Юсупов Абдулазиз Абдуллажонович, техника фанлари бўйича фалсафа доктори, доцент.
Етакчи ташкилот: Тошкент шаҳридаги Турин политехника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади кам легирланган поʻлат қатлам эритиб қоплаш учун электрод қопламасининг шлакли асосини ва электродларни ишлаб чиқариш технологиясини такомиллаштиришдан иборат.
III. Тадқиқотнинг илмий янгилиги:
калсий оксидининг, кремний оксидининг ва калсий фториднинг фазавий мувозанат диаграммаси асосида ишлаб чиқилган кам легирланган пўлат қатламни эритиб қоплаш учун электрод қопламасининг шлак ҳосил қилувчи компонентларининг  таркиби қоплама материалларини ташкил этувчиларининг материал мустаҳкамлигига таъсир этиш хоссалари асосида ишлаб чиқилган;
мармар ва плавикли шпатдан комплекс фойдаланиш орқали кам легирланган пўлат қатламни эритиб қоплаш учун электрод қопламасининг газ ҳосил қилувчи компонентлари таркиби унинг азот ва водород миқдорига таъсир этиш даражаси асосида ишлаб чиқилган;
кам легирланган пўлат қатламни эритиб қоплаш учун электрод қопламаларини тайёрлаш технологияси юзада ҳосил бўладиган қатламнинг қаттиқлиги асосида ишлаб чиқилган;
маҳаллий руда-минерал материаллардан тайёрланган электрод қопламасининг таркиби қўшиладиган оксидларнинг металл билан шлакни ажралиш қобилиятининг динамикаси асосида ишлаб чиқилган;
кам легирланган пўлат қатлам ҳосил қилиб эритиб қоплаш учун электродларнинг CаО-СиО2-CаФ2 шлак тизимининг физик ва технологик кўрсатгичларига калий оксидини қўшиш миқдорининг таъсир этиш даражаси аниқланган.
IV.Тадқиқот натижаларининг жорий қилиниши. Кам легирланган пўлат қатламни эритиб қоплаш учун маҳаллий хомашёдан электрод қопламаларини ишлаб чиқиш бўйича олинган натижалар асосида:
калсий оксиди, кремний оксиди, калсий фториднинг фазавий мувозанат диаграммаси асосида ишлаб чиқилган кам легирланган пўлат қатламни эритиб қоплаш учун электрод қопламасининг шлак ҳосил қилувчи компонентларининг композицияси “В.Л. Галперин номидаги Тошкент қувур заводи” МЧЖ ҚКга жорий қилинган (“Ўзмахсусмонтажқурилиш” АЖнинг 2023-йил 08-июндаги 01-133/03-11 сонли маълумотномаси). Натижада эритиб қопланган металлнинг якуний мустаҳкамлиги 9-11% га ортган;
мармар ва плавикли шпатдан комплекс фойдаланиш орқали кам легирланган пўлат қатламни эритиб қоплаш учун электрод қопламасининг газ ҳосил қилувчи компонентлари таркиби “В.Л. Галперин номидаги Тошкент қувур заводи” МЧЖ ҚКга жорий қилинган (“Ўзмахсусмонтажқурилиш” АЖнинг 2023-йил 08-июндаги 01-133/03-11 сонли маълумотномаси). Натижада эритиб қопланган металлда азот ва водород миқдори 10-12% га камайган;
кам легирланган пўлат қатламни эритиб қоплаш учун электрод қопламаларини тайёрлаш технологияси “В.Л. Галперин номидаги Тошкент қувур заводи” МЧЖ ҚКга жорий қилинган (“Ўзмахсусмонтажқурилиш” АЖнинг 2023-йил 08-июндаги 01-133/03-11 сонли маълумотномаси). Натижада эритиб қопланган металлнинг ейилишга бардошлилиги 11-13% га ортган.