Назаров Нурулло Ибодуллоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Поливинилхлорид учун янги олигомер стабилизатор олиш технологиясини ишлаб чиқиш», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2020.3.PhD/Т1784.
Илмий раҳбар: Бекназаров Ҳасан Сойибназарович, техника фанлари доктори, профессор.
Диссертация бажарилган муассаса номи: Бухоро давлат университети.
ИК фаолият кўрсатаётган муассаса номи, ИК рақами: Тошкент кимё-технология илмий тадқиқот институти, DSc.16/30.12.2019.К/Т.87.01.
Расмий оппонентлар: Нурқулов Файзулла Нурмуминович, техника фанлари доктори, профессор; Мирвалиев Зоид Зохидович, техника фанлари доктори.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: поливинилхлориднинг термик барқарорлигини ошириш учун иккиламчи маҳсулотлар ва калций, мис, рух тузлари асосида янги термостабилизаторлар олиш ҳамда уларни олиш технологиясини ишлаб чиқишдан иборат.
III. Тадқиқотнинг илмий янгилиги:
кротон алдегиди, орто-аминобензой кислота ва калций, мис, рух металл тузлари иштирокида юқори самарадорликка эга бўлган янги таркибли термостабилизаторлар синтез қилинган ҳамда уларнинг ингибирлаш хусусиятлари аниқланган;
кротон алдегиди, орто-аминобензой кислота ва калций, мис, рух металл тузлари асосида синтез қилинган термостабилизаторларнинг таркиби, тузилиши, хоссаларини физик-кимёвий усуллар ёрдамида исботланган;
синтез қилинган термостабилизаторларнинг ингибирлаш хусусиятларига уларни олиш жараёнидаги дастлабки моддаларнинг консентрасиялари, ҳарорат ва бошқа омиллар таъсири аниқланган;
таклиф этилаётган олигомер таркибли стабилизаторларнинг поливинилхлорид билан ўзаро киришувчанлиги яхшиланиши ҳисобига, макромолекулада миграция жараёни камайиши аниқланган; 
юқори самарадор термостабилизаторлар синтез қилиш жараёнининг технологик параметрлари аниқланган ва термостабилизаторларни олиш технологияси ишлаб чиқилган.
IV. Тадқиқот натижаларининг жорий қилиниши. 
Кротон алдегиди, орто-аминобензой кислота ва калций, мис, рух металл тузлари асосида юқори самарали термостабилизаторлар олиш технологиясини ишлаб чиқиш бўйича олинган натижалар асосида:
кротон алдегиди, орто-аминобензой кислота ва калций, мис, рух металл тузлари асосида олинган термостабилизаторлар «Шуртан газ кимё мажмуаси» МЧЖнинг “2021-2025 йилларда амалиётга жорий этиш бўйича истиқболли ишланмалар рўйхати”га киритилган («Шуртан газ кимё мажмуаси» МЧЖнинг 2022 йил 24 февралдаги 002/831-сон маълумотномаси). Натижада, поливинилхлорид асосидаги термик барқарор композисияларни олиш имконини беради; 
синтез қилинган термостабилизаторлар асосида олинган полимер композит материаллар «Шуртан газ кимё мажмуаси» МЧЖнинг “2021-2025 йилларда амалиётга жорий этиш бўйича истиқболли ишланмалар рўйхати”га киритилган («Шуртан газ кимё мажмуаси» МЧЖ нинг 2022 йил 24 февралдаги 002/831-сон ма'лумотномаси). Натижада, полимерлар асосида ишлаб чиқарилаётган термопласт композитларнинг эксплуатацион хоссаларини ошириш имконини беради.