Kurbanova Madina Jamshedovnaning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Issiqlik-massaalmashinish jarayonlarini boshlang‘ich impul`sli energiya berib jadallashtirish», 02.00.16–Kimyo texnologiyasi va oziq-ovqat ishlab chiqarish jarayonlari va apparatlari (texnika fanlari).
Dissertatsiya mavzusi ro‘yxatga olingan raqam: B2017.2.PhD/T234.
Ilmiy rahbar: Dodaev Qo‘chqor Odilovich, texnika fanlar doktori, professor.
Dissertatsiya bajarilgan muassasa nomi: Toshkent kimyo-texnologiya instituti.
IK faoliyat ko‘rsatayotgan muassasa (muassasalar) nomi, IK raqami: Toshkent kimyo-texnologiya instituti, DSc.27.06.2017.T.04.01 raqamli ilmiy kengash asosidagi bir martalik ilmiy kengash.
Rasmiy opponentlar: Barakaev Nusratilla Rajabovich, texnika fanlari doktori, dotsent; G‘afurov Karim Hakimovich texnika fanlari nomzodi, dotsent.
Yetakchi tashkilot: Toshkent davlat texnika universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: meva-sabzavotni quritishdagi issiqlik-massaalmashinish jarayonlarini elektromagnit maydon impul`slari ta’siri asosida jadallashtirish va yuqori samarali apparatlarni ishlab chiqishdan iborat.
III. Tadqiqotning ilmiy yangiligi:
mahsulotlarga boshlang‘ich elektromagnit maydoni impul`si bilan ishlov berib quritish jarayonlari tavsiflari shakllantirilgan, gigrotermik jarayon hisoblangan meva-sabzavotlarni quritish jarayoniga boshlang‘ich impul`s ta’sirining samarali qo‘llanish ta’siri aniqlangan;
boshlang‘ich impul`sning quritish jarayonidan farqli yuqori jadal jarayon ekanligi va qisqa ta’sir vaqtida materialga maksimal mumkin bo‘lgan haroratni, namligi va bosimining o‘sishi jihatidan strukturaviy-mexanik xususiyatining o‘zgarishi isbotlangan;
ichki isitish manbali jarayon ta’sirini nisbatan to‘liq tavsiflovchi (O‘YuCh, IQ va b.) yuqori jadal jarayon va qurilmada konvektiv quritish matematik modeli hamda boshlang‘ich va tugal quritish jarayoni davri meva-sabzavotlarni strukturaviy-mexanik xususiyati o‘zgarishi matematik modeli yaratilgan;
birinchi va ikkinchi quritish davrida quritish ob’ektining strukturaviy-mexanik xossalari, meva-sabzavotlarning kuchlanish ta’siridagi turli holatlari uchun birlashgan differensial tenglamalari ishlab chiqilgan;
meva va sabzavotlarni quritish texnologik jarayoni va qurilmasi takomillashtirilgan.
IV. Tadqiqot natijalarining joriy qilinishi.
Mevalardan olma va olxo‘ri, sabzavotlardan kartoshka va sabzini boshlang‘ich impul`s bilan dastlabki ishlov berib quritish bo‘yicha olingan natijalar asosida:
«O‘zstandart» agentligi tomonidan tasdiqlangan «Meva va sabzavotlarni quritish» texnik shartlariga (Ts22313254-02:2014.,) qo‘shimcha yo‘riqnoma kiritilgan (TI64-23425648-01:2015). Natijada meva va sabzavotlarni quritishda issiqlik-massaalmashinish jarayonlari boshlang‘ich impul`sli energiya berib jadallashtirish imkonini bergan;
mahsulotga dastavval boshlang‘ich impul`s berib, so‘ngra quritish uchun universal kamerali turbulizatsiyali quritgich konstruksiyasi «SAM-AGRO-STAR» MChJda amaliyotga joriy qilingan («O‘zbekoziqovqatxolding» XKning 2017 yil 24 noyabrdagi AS/05-2-3570-son ma’lumotnomasi). Natijada quritish jarayonining tezligi oshish, mahsulot ustki qatlamining deformatsiyalanishini kamayishi, energiyani tejalish imkonini bergan;
meva va sabzavotlarni quritish texnologiyasi va qurilmasi «AGROMIR-KONCERVA» MChJ QK, «SAM-AGRO-STAR» MChJ va «SIYOB SAXOVATI» MChJ QKda amaliyotga joriy etilgan («O‘zbekoziqovqatxolding» XKning 2017 yil 24 noyabrdagi AS/05-2-3570-son ma’lumotnomasi). Natijada quritilgan mahsulot ishlab chiqarish samaradorligi an’anaviy usulga nisbatan 12–16% ga oshish imkonini bergan.
