Назаров Алишер Наримановичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Глобаллашув шароитида сиёсий тараққиёт хавфсизлиги ва барқарорлигини таъминлаш жараёнларининг эволюцияси”, 23.00.02–Сиёсий институтлар, жараёнлар ва технологиялар (сиёсий фанлар).
Диссертация мавзуси рўйхатга олинган рақам: B2017.3.PhD/Siyos51.
Илмий раҳбар: Идиров Улуғбек Юсупович, сиёсий фанлар доктори.
Диссертация бажарилган муассаса номи: Тошкент давлат шарқшунослик институти.
ИК фаолият кўрсатаётган муассаса номи, ИК рақами: Ўзбекистон Миллий университети, DSc29.08.2017.S.01.08.
Расмий оппонентлар: Ғафуров Сарваржон Мирзарасулович, сиёсий фанлар доктори, профессор; Ғойибназаров Шуҳрат Ғойибназаров, сиёсий фанлар доктори, профессор.
Етакчи ташкилот: Ўзбекистон давлат жаҳон тиллари университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: глобаллашув шароитда мамлакатимиз сиёсий тараққиёти хавфсизлиги ва барқарорлигини таъминлаш жараёнларининг эволюцияси тўғрисида илмий хулосалар ва тавсиялар ишлаб чиқишдан иборат.
III. Тадқиқотнинг илмий янгилиги:
глобаллашув таркибида авторитар хусусиятлар миқдорининг ортиб бораётганлиги боис ўзгарган вазиятга монанд равишда сиёсий тараққиётни таъминлашнинг концептуал асосларини такомиллаштириш зарурати очиб берилган;
глобаллашувнинг салбий таъсирлари шароитида миллий давлат суверенитетининг хавфсизлиги ва дахлсизлигини сақлаб қолишнинг муҳим шарти ва асоси сиёсий тараққиёт ҳодисасининг изчиллигини таъминлаш билан узвий боғлиқлиги асосланган;
мамлакатимизда сиёсий тараққиётни таъминлашнинг инновацион асослари яратилишида “делибератив” ва “превентив” демократия имкониятларидан фойдаланишнинг самарали эканлиги асослаб берилган;
сиёсий тараққиётни таъминлаш ва уни янги импульслар билан қувватланишида сиёсий партияларнинг ўрни ва ролини ошириш ҳамда улар ўртасида соғлом рақобатни шакллантириш юзасидан тавсиялар ишлаб чиқилган.
IV. Тадқиқот натижаларининг жорий қилиниши.
Глобаллашув шароитида сиёсий тараққиёт хавфсизлиги ва барқарорлигини таъминлаш жараёнларининг эволюцияси юзасидан олиб борилган тадқиқот натижалари асосида:
сиёсий тараққиётни таъминлашнинг инновацион асослари яратилишида “делибератив” ва “превентив” демократия имкониятларидан фойдаланишнинг самарали эканлиги борасидаги назарий хулосалардан Ўзбекистон Республикаси Президенти ҳузуридаги Стратегик ва минтақалараро тадқиқотлар институти фаолиятида фойдаланилган (Ўзбекистон Республикаси Президенти ҳузуридаги Стратегик ва минтақалараро тадқиқотлар институтининг 28 май 2018 йилдаги 02/1147 ва 2018 йил 5 июндаги 02/1221-сон маълумотномалари). Натижада институтнинг ахборот-таҳлилий ҳужжатларни тайёрлаш ҳамда тегишли тадқиқот ишлари самарадорлигини оширишга хизмат қилган;
глобаллашувнинг замонавий хусусиятлари ва уларда авторитар жиҳатларининг ортиб бораётганлиги, глобаллашувнинг салбий таъсирлари шароитида сиёсий тараққиётни амалга ошириш ва хавфсизлигини таъминлашнинг ўзига хос хусусиятлари, мамлакатимизда сиёсий тараққиёт изчиллигини таъминлашда демократиянинг замонавий асосларидан, хусусан, делибератив, превентив демократиянинг имкониятларидан фойдаланишнинг самарадорлиги тўғрисидаги илмий хулосалардан Миллий гвардия Ҳарбий-техник институтининг “Гуманитар ва ижтимоий фанлар” кафедрасида ўқув ҳамда илмий тадқиқотлар жараёнида фойдаланилган (Ўзбекистон Республикаси Миллий гвардиясининг 2018 йил 26 майдаги 2128-сон маълумотномаси). Илмий натижалардан Ўзбекистон Республикаси Миллий гвардияси Марказий аппарати ахборот-таҳлилий фаолиятида фойдаланиш режалаштирилган;
давлат бошқарув ҳокимияти ва жамият сиёсий тизимини такомиллаштириш, сиёсий тараққиётнинг самарали асосларини шакллантириш ва жамият ҳаётининг барча соҳаларини изчил демократлаштириш ва эркинлаштиришга доир ишлаб чиқилган тавсиялар ва хулосаларидан “Тараққиёт стратегияси” маркази фаолиятида фойдаланилди. Жумладан, Ўзбекистон Республикаси Президентининг 2018 йил 22 январдаги ПФ-5308-сонли Фармони билан тасдиқланган 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол тадбиркорлик, инновацион ғоялар ва технологияларни қўллаб-қувватлаш йили”да амалга оширишга оид 2018 йил Давлат дастурининг I йўналиши, 2-бандида назарда тутилган “Мамлакат сиёсий саҳнасида соғлом рақобатни таъминлаш” деб белгиланган чора-тадбирни амалга ошириш механизмини ишлаб чиқишда ҳамда 18-бандида “Давлат бошқарув органлари тизимини тубдан такомиллаштириш” деб белгиланган чора-тадбирларни амалга ошириш механизмини шакллантиришда, хусусан, давлат органларига хос бўлган махсус вазифалар доирасини аниқлаштириш ва бошқарувнинг инновацион шаклларини жорий этиш каби механизмларни ишлаб чиқиш жараёнида фойдаланилган (“Тараққиёт стратегияси” марказининг 2018 йил 14 майдаги 0640/18-сон маълумотномаси). Тадқиқот натижалари мамлакатимизда амалга оширилаётган Ҳаракатлар стратегияси заминидаги ислоҳотлар жараёнида демократия механизмларидан сиёсий тараққиёт институционал асосларини мустаҳкамловчи ва такомиллаштирувчи назарий ва амалий манба сифатида хизмат қилган;
диссертация илмий хулосаларидан Республика Маънавият ва маърифат марказининг 2017 йил режаси I. “Ташкилий соҳада олиб борилаётган ишлар” бўлимининг 3-“Республика Маънавият ва маърифат марказининг ҳудудий бўлим ҳамда туман (шаҳар) бўлинмалари ходимларининг функционал вазифаларини ишлаб чиқиш ва жорий қилиш”, 8-“Республика Маънавият тарғиботчилари учун “Фидойинг бўлгаймиз сени, Ўзбекистон!” мавзуида услубий қўлланмалар нашр этиш ва ҳудудларга тарқатиш” бандларининг ижро этилишида фойдаланилган (Республика Маънавият ва маърифат марказининг 2018 йил 15 майдаги 02/07-625-18-сон маълумотномаси). Натижада мутахассислар томонидан ижтимоий-сиёсий соҳага оид тарғибот материаллари ҳамда дастурий ҳужжатларни сифатли тайёрлашга эришилган.
