Турдиев Улуғбек Қаюмовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): Бюргерс туридаги тенгламалар билан ифодаланувчи жараёнларни математик моделлаштириш, 05.01.07 – Математик моделлаштириш. Сонли усуллар ва дастурлар мажмуи (физика - математика фанлари).
Диссертация мавзуси рўйхатга олинган рақам: Б2019.4.PhD/ФМ451.
Илмий раҳбар: Имомназаров Холматжон Худайназарович физика-математика фанлари доктори, профессор.
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари университети Қарши филиали.
ИК фаолият кўрсатаётган муассаса (муассасалар) номи, ИК рақами: Тошкент давлат транспорт университети ҳузуридаги PhD.15/03.06.2023.ФМ/Т.73.08 рақамли Илмий кенгаш.
Расмий оппонентлар: Жабборов Насриддин Мирзаодилович физика-математика фанлари доктори, профессор, Азамов Сирож Собирович физика-математика фанлари бўйича фалсафа доктори (PhD), доцент.
Етакчи ташкилот: Рақамли технологиялар ва сунъий интеллектни ривожлантириш илмий тадқиқот институти.
II. Тадқиқотнинг мақсади Бюргерс туридаги тенгламалар билан ифодаланувчи жараёнларни математик моделлаштириш ва икки тезликли гидродинамикада юзага келадиган бир ўлчовли Бюргерс типидаги тенгламалар системаси учун Коши масаласини ечишдан иборат.
III. Тадқиқотнинг илмий янгилиги:
ўзгармас босимга эга бўлган қўшсуюқликли муҳит ҳаракатининг математик модели сақланиш қонунлари усули асосида такомиллаштирилган;
такомиллашган қўшсуюқликли муҳит тенгламалар системасининг хусусий ҳоли сифатида Риман типидаги тенгламалар системаси қурилган;
Риман типидаги тенгламалар системасининг ечими ҳаракатдаги тўлқинлар ёрдамида топилган, ҳамда ушбу ечим учун ночизиқли тенгламалар системаси кўринишидаги формула келтириб чиқарилган;
икки тезликли гидродинамикада юзага келадиган Бюргерс типидаги бир ўлчовли тенгламалар системаси учун Коши масаласи кучсиз аппроксимация усули ёрдамида ечилган;
Бюргерс типидаги бир ўлчовли тенгламалар системаси чекли айирмалар усулда ечилган ва ҳосил қилинган алгоритм ёрдамида компютерда ҳисоблаш тажрибаларини ўтказишга мўлжалланган дастурий таъминот яратилган.
IV. Тадқиқот натижаларининг жорий қилиниши. Диссертацияда олинган натижалар қуйидаги йўналишларда амалиётга жорий қилинган:
қўшсуюқликли муҳит тенгламалар системасининг ҳаракатланувчи тўлқин кўринишидаги ечимидан 0315-2019-0005 рақамли “Икки фазали муҳитнинг термодинамик жиҳатдан мос келадиган математик моделини кесишиш эффектли диссипатив яқинлашишда математик моделлаштириш” грант лойиҳасида икки тезликли муҳитлар динамикасининг амалий геофизик масалаларини назарий ва сонли тадқиқ қилишда фойдаланилган (Россия Фанлар Академияси Сибир бўлими Ҳисоблаш математикаси ва математик геофизика институтининг 2022 йил 9 декабрдаги 15301/6-01-29-сонли маълумотномаси). Илмий натижаларнинг қўлланилиши, қўшсуюқликли муҳит учун тўғри динамик масалани ечиш имконини берган.
ўзгармас босимга эга бўлган қўшсуюқликли муҳит ҳаракатининг такомиллашган математик моделидан ОТ-Атех-2018-340 “Икки тезликли муҳитлар динамикасининг амалий геофизик масалаларини назарий ва сонли тадқиқ қилиш” лойиҳасида қўшсуюқликли бир босимли муҳитда ночизиқли тўлқинлар тарқалиш жараёнининг математик моделини қуришда фойдаланилган (Қарши давлат университетининг 2022 йил 14 апрелдаги 04/1706-сонли маълумотномаси). Илмий натижаларнинг қўлланилиши, Бургерс типидаги тенгламалар системаси учун Коши масаласини ечиш имконини берган.
