Икромова Ситора Акбаровнанинг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўсмирларда деструктив ахборотларга нисбатан мафкуравий иммунитет шаклланишининг ижтимоий-психологик омиллари”,  19.00.05 – Ижтимоий психология. Этнопсихология (психология фанлари).
Диссертация мавзуси рўйхатга олинган рақам: B2023.2.PhD/P497.
Илмий раҳбар: Баратов Шариф Рамазонович, психология фанлари доктори, профессор.
Диссертация бажарилган муассаса номи: Бухоро психология ва хорижий тиллар институти.
ИК фаолият кўрсатаётган муассаса номи, ИК номи: Бухоро давлат университети, PhD.03/30.12.2019.Psi.72.06.
Расмий оппонентлар: Утепберганов Марат Худойназарович, психология фанлари доктори (DSc), профессор; Жабборов Хазрат Хусенович, психология фанлари доктори (DSc), доцент.
Етакчи  ташкилот: Қарши давлат университети.
Диссертация йўналиши назарий ва амалий аҳамиятга молик.
II. Тадқиқотнинг мақсади ўсмирларда деструктив ахборотларга нисбатан мафкуравий иммунитет шаклланишининг ижтимоий-психологик омилларини аниқлаш ва унга оид тавсиялар ишлаб чиқишдан иборат.
III. Тадқиқотнинг илмий янгилиги:
ўсмирларда виртуал оламга қарамликнинг намоён бўлиш даражасига кўра, «интернет истеъмолчисининг» мулоқотдаги нокомпетентлиги маълумотларни саралаш, қайта ишлаш, узатиш жараёнида вақтни, фазони идрок қилиш кўникмаси сусайтириб, деструктив ахборотларга нисбатан агрессив мойилликни кучайтирганлиги билан боғлиқ дифференциал фарқлар туфайли мафкуравий иммунитетни шаклланишига таъсир этувчи ижтимоий-психологик омилларнинг ҳудудий жиҳатлари аниқлаштирилган;
ўсмирларда деструктив ахборотларга нисбатан мафкуравий иммунитетни шаклланишида маълумотларни «саралаш», «ҳимоялаш» ва «қарши кураш» функсияларини гендер хусусиятларга боғлиқ равишда даражавий ифодаланиши туфайли шахснинг ўзини-ўзи муҳофаза қилиш механизмлари ахборотни адекват идрок қилишга таъсир этиши асосланган;
ўсмирларда деструктив ахборотларга нисбатан мафкуравий иммунитетни шаклланиши ирода кучи локализациясининг интерналлиги психологик ҳимоя механизмининг «инкор этиш» жиҳатини, экстерналлик эса маълумотларга нисбатан нейтрал муносабатни кучайтирганлиги туфайли шахсдаги субектив локус назоратнинг дуал таъсирига боғлиқ эканлиги далилланган;
шахсда деструктив ахборотларга нисбатан мафкуравий иммунитетни шаклланиши учун ўсмирлик давридаги автономияларга боғлиқ равишда виртуал оламга мойилликнинг кучайиб бориши фаолиятга йўналганлик, ахборотларни қайта ишлаш даражасини пасайтирганлиги туфайли «қаршилик кучи», «даҳлсизлик қадрияти» каби хусусиятларга коррексион-адаптив таъсир этиш муҳимлиги исботланган.
IV. Тадқиқот натижаларининг жорий қилиниши. Ўсмирларда деструктив ахборотларга нисбатан мафкуравий иммунитет шакллантиришнинг ижтимоий-психологик омилларини ўрганиш бўйича олинган илмий натижалар асосида:
ўсмирларда виртуал оламга қарамликнинг намоён бўлиш даражасига кўра, «интернет истеъмолчисининг» мулоқотдаги нокомпетентлиги  маълумотларни саралаш, қайта ишлаш, узатиш жараёнида вақтни, фазони идрок қилиш кўникмаси сусайтириб, деструктив ахборотларга нисбатан агрессив мойилликни кучайтирганлиги билан боғлиқ дифференциал фарқлар туфайли мафкуравий иммунитетни шаклланишига таъсир этувчи ижтимоий-психологик омилларнинг ҳудудий жиҳатлари аниқлаштирилганлиги тўғрисидаги таклиф Тошкент давлат педагогика университети ҳузуридаги Психология оʻқув-илмий марказининг 2023-йил 4-декабрдаги ПМ-96-сон буйруғи билан «Ижтимоий психология» модулига киритилган (Тошкент давлат педагогика университети ҳузуридаги Психология оʻқув-илмий марказининг 2023-йил 11-декабрдаги ПМ-96а-сон маълумотномаси). Натижада ўсмирларда деструктив ахборотларга нисбатан мафкуравий иммунитет шаклланишига таъсир этувчи ижтимоий-психологик омиллари (жинс, ҳудуд кесимида) аниқланган; 
ўсмирларда деструктив ахборотларга нисбатан мафкуравий иммунитетни шаклланишида маълумотларни «саралаш», «ҳимоялаш» ва «қарши кураш» функсияларини гендер хусусиятларга боғлиқ равишда даражавий ифодаланиши туфайли шахснинг ўзини-ўзи муҳофаза қилиш механизмлари ахборотни адекват идрок қилишга таъсир этиши асосланганлигига доир тавсиялар Тошкент давлат педагогика университети ҳузуридаги Психология оʻқув-илмий марказининг 2023-йил 4-декабрдаги ПМ-96-сон буйруғи билан «Ижтимоий психология» модулига киритилган (Тошкент давлат педагогика университети ҳузуридаги Психология оʻқув-илмий марказининг 2023-йил 11-декабрдаги ПМ-96а-сон маълумотномаси). Натижада ўсмирларда деструктив ахборотларга нисбатан мафкуравий иммунитет шаклланишига шахс психологик муҳофаза механизмларининг таъсири аниқланган ва таҳлил қилинган;
ўсмирларда деструктив ахборотларга нисбатан мафкуравий иммунитетни шаклланиши ирода кучи локализациясининг интерналлиги психологик ҳимоя механизмининг «инкор этиш» жиҳатини, экстерналлик эса маълумотларга нисбатан нейтрал муносабатни кучайтирганлиги туфайли шахсдаги субектив локус назоратнинг дуал таъсирига боғлиқ эканлиги далилланганлигига оид таклифлар Тошкент давлат педагогика университети ҳузуридаги Психология оʻқув-илмий марказининг 2023-йил 4-декабрдаги ПМ-96-сон буйруғи билан «Онтогенез психологияси. Ривожланиш психологияси» модулига киритилган (Тошкент давлат педагогика университети ҳузуридаги Психология оʻқув-илмий марказининг 2023-йил 11-декабрдаги ПМ-96а-сон маълумотномаси). Натижада ўсмирлардаги субектив локус назоратнинг деструктив ахборотларга нисбатан мафкуравий иммунитетни шаклланишидаги аҳамияти ўрганилган ва таҳлил қилинган;
шахсда деструктив ахборотларга нисбатан мафкуравий иммунитетни шаклланиши учун ўсмирлик давридаги автономияларга боғлиқ равишда виртуал оламга мойилликнинг кучайиб бориши фаолиятга йўналганлик, ахборотларни қайта ишлаш даражасини пасайтирганлиги туфайли «қаршилик кучи», «даҳлсизлик қадрияти» каби хусусиятларга коррексион-адаптив таъсир этиш муҳимлиги исботланганлигига оид таклифлар Тошкент давлат педагогика университети ҳузуридаги Психология оʻқув-илмий марказининг 2023-йил 4-декабрдаги ПМ-96-сон буйруғи билан «Ижтимоий психология» модулига киритилган (Тошкент давлат педагогика университети ҳузуридаги Психология оʻқув-илмий марказининг 2023-йил 11-декабрдаги ПМ-96а-сон маълумотномаси). Натижада ўсмирлар гуруҳида деструктив ахборотларга нисбатан мафкуравий иммунитетни шакллантиришга қаратилган ижтимоий-психологик тренинг дастурини ишлаб чиқиш ва унинг самарадорлиги баҳоланган.