Машарипов Икрамжон Батировичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Фуқаролик жамиятининг ижтимоий-сиёсий асосларини ривожлантириш”, 23.00.02-Сиёсий институтлар, жараёнлар ва технологиялар (сиёсий фанлар).
Диссертация мавзуси рўйхатга олинган рақам: В2018.4.DSc/Ss24
Илмий маслаҳатчи: Муқимжон Қирғизбоев,сиёсий фанлар доктори, профессор.
Диссертация бажарилган муассаса номи: Андижон давлат университети.
ИК фаолият кўрсатаётган муассаса (муассасалар) номи, ИК рақами: Тошкент давлат шарқшунослик университети,  DSc.03/29.12.2022.Ss.21.02.
Расмий оппонентлар:
Жўраев Сайфиддин Ахматович, сиёсий фанлар доктори, профессор.
Жўрақулов Фурқат Норйигитович, сиёсий фанлар доктори, профессор.
Мирзаахмедов Камолиддин Мансуржонович,сиёсий фанлар доктори, доцент.    
Етакчи ташкилот: Ўзбекистон Республикаси Президенти ҳузуридаги Давлат бошқаруви академияси.
Диссертация йўналиши: амалий аҳамиятга молик.
II. Тадқиқотнинг мақсади Фуқаролик жамиятининг ижтимоий-сиёсий асосларини ривожлантириш бўйича илмий таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
Фуқаролик жамияти ривожининг замонавий босқичида халқ билан мулоқат тизимининг “қайта алоқа” фуқаро-давлат, маҳалла-давлат, ННТ-давлат, жамият-давлат механизми орқали сифат ва натижадорликка эришиши барқарор жамиятнинг сифат кўрсаткичи эканлиги очиб берилган;
Фуқаролик жамияти институтларининг ижтимоий, иқтисодий, сиёсий соҳаларда ўз-ўзини бошқариш, жамоатчилик назорати, миллий қадриятларга содиқлик, манфаатлар уйғунлигини таъминлаш каби этакчи механизмлар асосидаги фаолиятининг ўсиш нуқтаси сифатида белгилаши жамиятда инсон қадр-қимматини юксалтириш даражасига хизмат қилиши илмий асослаб берилган;
Давлат органлари жамоатчилик кенгашлари таркибининг камида 50 фоизини нодавлат нотижорат ташкилотлари ваколатларига ўтказиш орқали фуқаролик жамияти институтлари ваколатини ошириш таклиф этилган;
Фуқаролик жамияти институтларига оид ҳуқуқий-норматив ҳужжатлар лойиҳаларини тайёрлаш, уларни экспертиза қилишда давлат ва жамоат ташкилотларининг ўзаро ижтимоий интеграсиялашувида биполяр (икки қутбли) тизимга асосланиши исботланган;
Фуқаролик жамиятини ривожлантиришда ижтимоий тараққиётнинг асосини белгиловчи муҳим омили мулкдорлар қатлами (ўрта синф)нинг ҳуқуқлари кафолатларини таъминлашнинг конкрет ва амалий субстанция механизмлари таклиф этилган.
IV. Тадқиқот натижаларининг жорий қилиниши.
Фуқаролик жамиятининг ижтимоий-сиёсий асосларини ривожлантириш бўйича олинган илмий натижалар, назарий ва амалий хулосалар, тавсия ва ишланмалар асосида чиқарилган:
фуқаролик жамияти ривожининг замонавий босқичида халқ билан мулоқат тизимининг “қайта алоқа” фуқаро-давлат, маҳалла-давлат, ННТ-давлат, жамият-давлат механизми орқали сифат ва натижадорликка эришиши барқарор жамиятнинг сифат кўрсаткичи эканлиги очиб берилганлиги билан боғлиқ таклиф-тавсиялари Ўзбекистон “Миллий тикланиш” демократик партиясининг сайловолди кампаниясини ўтказишга оид партия марказий кенгаши иш режасидаги “Ёʻл харита”сини ишлаб чиқишда фойдаланилган Ўзбекистон “Миллий тикланиш” демократик партияси марказий кенгашининг 2024 йил 27 февралдаги (02/05-17-сонли маълумотномаси). Натижада жамиятда сиёсий партияларнинг ролини ошириш учун аралаш турдаги сайлов тизимига ўтишга доир ҳамда бошланғич партия ташкилотлари фаолияти самарадорлигини таъминлаш ва уларни электорат билан ишлаш тизимини шакллантиришга қаратилган фаолиятни кучайтиришга хизмат қилган.
давлат органлари жамоатчилик кенгашлари таркибининг камида 50 фоизини нодавлат нотижорат ташкилотлари ваколатларига ўтказиш орқали фуқаролик жамияти институтлари ваколатини ошириш таклифи Ўзбекистон касаба уюшмалари Федерасияси фаолиятида фойдаланилган. (Ўзбекистон касаба уюшмалари Федерасиясининг 2024 йил 26 февралдаги №БМ-06/291-сонли маълумотномаси). Натижада ишлаб чиқилган илмий натижаларнинг амалиётга жорий этилиши, фуқаролик жамияти институтлари ролини оширишни такомиллаштиришда давлат бошқарув органлари ва нодавлат ташкилотлари ўртасидаги ўзаро ижтимоий-сиёсий мувозанатни шакллантириш асосларини ривожлантиришга хизмат қилган.
фуқаролик жамияти институтларининг ижтимоий, иқтисодий, сиёсий соҳаларда ўз-ўзини бошқариш, жамоатчилик назорати, миллий қадриятларга содиқлик, манфаатлар уйғунлигини таъминлаш каби этакчи механизмлар асосидаги фаолиятининг ўсиш нуқтаси сифатида белгилаши жамиятда инсон қадр-қимматини юксалтириш даражасига хизмат қилиши илмий асослаб берилган таклиф ва тавсиялари Республика Маънавият ва маърифат марказининг 2022-2023 йилларда ўтказилган тарғибот фаолиятида татбиқ этилган. (Республика Маънавият ва маърифат марказининг 2024 йил 27 февралдаги /01/11-222-сонли маълумотномаси). Натижада, Республика Маънавият ва маърифат марказининг 2023 йил учун чора дастурларининг ИИ ёʻналишида белгиланганидек “Ўзбекистон Республикаси Президенти Олий мажлис ва Ўзбекистон халқига Мурожаатномаси мазмун-моҳияти ҳамда мамлакатимизда амалга оширилаётган ислоҳатлар тарғиботи” 9-банди “Янги Ўзбекистон-халқпарвар давлат тамойилини рўёбга чиқаришга қаратилган ислоҳатлар мазмун-моҳиятини тарғиб қилиш борасидаги устувор вазифалар” мавзусида тарғибот ишларини ташкил этишда таклиф, тавсия ва хулосалардан фойдаланишга хизмат қилган.
фуқаролик жамиятини ривожлантиришда ижтимоий тараққиётнинг асосини белгиловчи муҳим омили мулкдорлар ижтимоий қатлами (ўрта синф)нинг ҳуқуқлари кафолатларини таъминлашнинг конкрет ва амалий субстанция механизмларига доир таклифидан Ўзбекистон Миллий телерадиокомпанияси “Ўзбекистон телерадиоканали” Давлат Муассаси “Маданий-маърифий ва бадиий эшиттиришлар” муҳарририяти томонидан амалиётга тадбиқ этилган. (“Ўзбекистон Миллий телерадиокомпанияси”нинг 2024 йил 26 февралдаги 04-36-288-сонли маълумотномаси). Натижада Ўзбекистон Миллий телерадиокомпанияси “Ўзбекистон телерадиоканали” ДМ “Маданий-маърифий ва бадиий эшиттиришлар” муҳарририяти томонидан тайёрланган “Таълим ва тараққиёт”, ”Миллат ва маънавият”, ”Ўзбекистон ёшлари” номли дастурлар ссенарийларини (2023-2024 йиллар) тайёрлашга хизмат қилган.