Инамова Мафтуна Дедамирза қизининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: 05.06.02–Тўқимачилик материаллари технологияси ва хомашёга дастлабки ишлов бериш - “Уруғлик чигит толасини ажратиш жараёнида маҳсулот сифат кўрсаткичларини яхшилаш”.
Диссертация мавзуси рўйхатга олинган рақам: B2023.2.PhD/Т3710
Илмий раҳбар: Саримсаков Олимжон Шарифжанович, техника фанлари доктори, профессор.
Диссертация бажарилган муассаса номи: Наманган тўқимачилик саноати институти
ИК фаолият кўрсатаётган муассаса номи, ИК рақами: Наманган тўқимачилик саноати институти, PhD.03/04.10.2023.Т.174.01
Расмий оппонентлар: Қаюмов Журамирза Абдираматович, техника фанлари доктори, доцент; Ш.А.Хусанова Шоҳида Алибек қизи техника фанлари бўйича фалсафа доктори, PhD.
Етакчи ташкилот: Андижон машинасозлик институти.
Диссертация йўналиши: амалий аҳамиятга молик.
II. Тадқиқотнинг мақсади: уруғлик чигит толасини ажратиш машинаси учун  айланиш тезлигини ростланадиган, янги профилга эга бўлган тишли арра цилиндри конструксиясини ишлаб чиқиш йўли билан тола ажратиш жараёни самарадорлигини  оширишдан иборат.
III.Тадқиқотнинг илмий янгилиги қуйидагилардан иборат:
пахтадан толани ажратиб олишда чигитининг қобиғини механик шикастланишини олдини олиш учун чигит қобиғини зарарламайдиган тиш учи арра ёйи бўйича қалинлаштирилган аррали цилиндрни конструксияси ишлаб чиқилган;
пахта чигитини толасидан ажратиш жараёнида аррали цилиндр арраси тишларининг чигит билан таъсирлашувидаги тезлигига боғлиқлигини инобатга олиб тишларнинг чигит қобиғини зарарламайдиган тезлик параметрлари аниқланган;
арра тишлари уч қисми юзасига пахта толаларини туриб қолиши бартараф этиш учун тишларни ён томондан 0.1 мм гача учлаш ва силлиқлаш йўли билан толаларнинг тиш учида ушланишини бартараф қиладиган техникавий ечим ишлаб чиқилган;
пахта толасидан чигитни ажратиб олишда аррали жин машинасидаги арра тишларининг ёйи бўйича қирраси чигит билан таъсирлашганда толани кесиши ва чигитни шикастлашини олдини олишини унга таъсир этаётган кучларни ҳисоблаш орқали назарий асосланган.
IV. Тадқиқот натижаларининг жорий қилиниши. Арра цилиндр тезлиги ростланадиган аррали жинлашнинг ресурстежамкор технологиясини ишлаб чиқиш бўйича олинган натижалар асосида:
аррали цилиндр тезлиги ростланадиган, янги профилдаги тишларга эга бўлган аррали жин «Наманган Пахта Тех кластер» МЧЖ га қарашли «Косонсой пахта тозалаш» МЧЖ да ишлаб чиқаришга жорий этилган («Ўзбекистон Пахта-тўқимачилик кластерлари» уюшмасининг 2023 йил 16 ноябрдаги 03-22/899-сон маълумотномаси). Натижада, ишлаб чиқарилаётган И-нав пахтани ишлашда пахта толасидаги нуқсонлар ва ифлос аралашмалар массавий улушини 2,3 % га камайтириш, штапел масса узунлигини 0,1 мм ошириш, чигитнинг механик шикастланганлигини 3,9 % га, чигитнинг тукдорлигини 0,2 % га камайтириш, ИВ-нав пахтани ишлашда эса машина унумдорлигини 4,7% га ошириш имконига эришилган.