Рахмонова Нафиса Бахромовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Каулди конида разведка қилиш ва захираларни ҳисоблаш услубияти ҳамда ишончлилигини белгиловчи олтин маъданлашувининг жойлашув хусусиятлари», 04.00.02 – Қаттиқ фойдали қазилма конларининг геологияси, уларни қидириш ва разведка қилиш. Металлогения ва геокимё (геология-минералогия фанлари).
Диссертация мавзуси рўйхатга олинган рақам: B2024.1.PhD/GM181.
Илмий раҳбар: Цой Владимир Деньевич, геология-минералогия фанлари доктори, профессор.
Диссертация бажарилган муассаса номи: «Минерал ресурслар институти» ДМ.
ИК фаолият кўрсатаётган муассаса номи, ИК рақами: “Минерал ресурслар институти” ДМ, DSc.24/30.12.2019.GM.40.01.
Расмий оппонентлар: Карабаев Маматхон Садирович, геология-минералогия фанлари доктори, профессор; Урунов Бахром Насруллаевич, геология-минералогия фанлари бўйича фалсафа доктори (PhD).
Етакчи ташкилот: «Ўзбек геология қидирув» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Каулди конида разведка қилиш ва захираларни ҳисоблаш услубияти ҳамда ишончлилигини белгиловчи олтин маъданлашувининг жойлашув хусусиятларини аниқлашдан иборат.
III. Тадқиқотнинг илмий янгилиги:
Каулди конида олтин маъданлашувини жойлашишини асосий структуравий ва литологик-стратиграфик позициялари асослаб берилган;
разведка ва захираларни ҳисоблашнинг ишончлилигини белгиловчи асосий омиллар аниқланди;
маъданлашув хусусиятларининг ўзгарувчанлик коэффициентлари қийматларини аниқлаш асосида ўрганилаётган объектларнинг геологик тузилишининг мураккаблик гуруҳлари аниқланди;
қия ётувчи маъдан таналари (уюмлари) захираларини анъанавий усулда ҳисоблаш натижалари халқаро стандартларга мувофиқ илк бор қўлланилган блокли моделлаштириш усули натижаларига мос келиши исботланди.
IV. Тадқиқот натижаларининг жорий қилиниши.
Каулди конида разведка қилиш ва захираларни ҳисоблаш услубияти ҳамда ишончлилигини белгиловчи олтин маъданлашувининг жойлашув хусусиятлари бўйича олинган натижалар асосида:
Каулди олтин конининг геологик ва структуравий хусусиятлари, олтин маъданлашувининг тарқалиш қонуниятлари, структуравий ва стратиграфик ўрни, маъдан таналари ва уюми морфологияси, олтиннинг ўртача миқдори, ўзгарувчанлик коэффициенти ва бошқа қидирув параметрлари таҳлили бўйича хулосалар “Олмалиқ КМК” АЖ амалиётига жорий қилинган (Тоғ-кон саноати ва геология вазирлигининг 2023 йил 6 ноябрдаги 08-3405-сон маълумотномаси). Олинган натижалар олтин маъданлашувини жойлашиши учун энг қулай шароитларни аниқлаш имконини берган;
қидириш ва захираларни қидириш ва ҳисоблашнинг ишончлилигини белгиловчи асосий геологик ва услубий омиллар бўйича маълумотлар “Олмалиқ КМК” АЖ амалиётига жорий қилинган (Тоғ-кон саноати ва геология вазирлигининг 2023 йил 6 ноябрдаги 08-3405-сон маълумотномаси). Олинган натижалар захираларни ҳисоблашнинг ишончлилигини баҳолаш имконини берган;
Каулди конининг захираларини халқаро стандартларга мувофиқ “Мicromine” дастури орқали қайта ҳисоблаш натижасида олтиннинг энг оптимал чегаравий миқдори 1,0 г/т белгиланганлиги тўғрисидаги хулосалар “Олмалиқ КМК” АЖ амалиётига жорий қилинган (Тоғ-кон саноати ва геология вазирлигининг 2023 йил 6 ноябрдаги 08-3405-сон маълумотномаси). Натижада, маъдан миқдори 103,5% га ҳамда олтиннинг захирасини 22,9% га ошириш имконини берган;
статистик таҳлиллар асосида Каулди конининг Жануб II участкаси геологик тузилишининг мураккаблиги бўйича IV гурухга тааллуқли эканлиги тўғрисидаги хулосалар Олмалиқ КМК” АЖ амалиётига жорий қилинди (Тоғ-кон саноати ва геология вазирлигининг 2023 йил 6 ноябрдаги 08-3405-сон маълумотномаси). Олинган натижалар қидириш ишларида маъдан таналарини очиш ва эксплуатацион разведка ишлари билан бирга олиб бориш имконини берган.