Алиев Суннатулла Салимджановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Мебел саноати чиқиндилари ва бирламчи ва иккиламчи поливинилхлорид (ПВХ) асосида профил-погонаж буюмлари олиш учун композиция ва уларни олиш технологиясини ишлаб чиқиш», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2023.2.PhD/Т2769.
Илмий раҳбар: Эгамбердиев Элмурод Абдукадирович, техника фанлари доктори, доцент.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Адилов Равшан Иркинович, техника фанлари доктори, профессор; Абед Нодира Сойибжоновна, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: республикамиздаги мебел саноати чиқиндилари, терак ёғочи ва  бирламчи, иккиламчи поливинилхлорид асосида физик-механик, эксплуатацион хусусиятлари юқори бўлган профил-погонаж буюмлари ишлаб чиқариш технологиясини яратишдан иборат.
III. Тадқиқотнинг илмий янгилиги:
композиция таркибидаги поливинилхлорид ва тўлдирувчиларнинг кимёвий хоссалари ҳамда уларнинг композит материаллар физик-механик хусусиятларига таъсири исботланган;
систематик равишда поливинилхлорид, терак ёғочи чиқиндиси ҳамда турли органик қўшимчалар асосида рецептура ишлаб чиқилди ва улар асосида олинган профил-погонаж буюмларининг эксплуатацион хоссалари аниқланган;
ёғоч-полимер композицион материалларнинг структураси ва деформацион мустаҳкамлиги, боғловчилар орасидаги боғларнинг табиати ҳамда хусусияти билан боғлиқлиги исботланган;
бир ва кўп қатламли юқори мустахкамликка эга бўлган ёғоч-полимер композицион материаллар таркиб нисбатларининг иссиқликка барқарорлигини ва намликка чидамлилик хоссаларига боғлиқлиги исботланган;
илк бор маҳаллий ёғоч чиқиндилари асосида мебел ишлаб чиқариш ва қурилиш саноати учун юқори эксплуатацион хусусиятларга эга бўлган ёғоч-полимер композицион материаллар олиш технологияси ишлаб чиқилган.
IV. Тадқиқот натижаларининг жорий қилиниши.
Мебел ишлаб чиқариш саноати чиқиндилари ҳамда бирламчи ва иккиламчи поливинилхлорид (ПВХ) асосида профил-погонаж буюмларни қўллаш бўйича олинган илмий натижалар асосида:
ёғоч-полимер композицион материаллари тайёрлаш рецептураси ва технологияси «WООДWИН» М.Ч.Жда амалиётга жорий этилган (Ўзбекистон Республикаси Мебел ва ёғочсозлик саноати (МЕЁС) уюшмасининг 2023 йил 20 апрелдаги 15-сонли маълумотномаси). Натижада, оптимал рецепт асосида лисцимон ёғоч-полимер композицион материаллари ишлаб чиқариш имконини берган;
мебел ишлаб чиқариш саноатида ишлатиладиган ўртача зичликдаги ёғоч толали плиталар (МДФ), маҳаллий терак ёғочи тўлдирувчилари ҳамда бирламчи ва иккиламчи поливинилхлорид (ПВХ) асосидаги тайёрланган рецептура бўйича материаллар технологияси «ХАМКОР-Р» М.Ч.Жда амалиётга жорий этилган (Ўзбекистон Республикаси Мебел ва ёғочсозлик саноати (МЕЁС) уюшмасининг 2023 йил 20 апрелдаги 15-сонли маълумотномаси). Натижада, эксплуатацион ва физик-механик хоссалари юқори бўлган, экологик тоза ёғоч-полимер композицион материаллари олиниб, хориждан импорт қилиб олиб келинаётган ёғоч-полимер композицион материаллари ўрнини боса оладиган материаллар ишлаб чиқариш имконини берган.