Саттаров Акмалжон Акрамжон ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Турли соҳаларда қўллаш учун мўлжалланган фильтрловчи буюмларни металл кукунларни киритиш усулида олиш технологиясини ишлаб чиқиш», 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: В2023.3.PhD/Т3223.
Илмий раҳбар: Қаршиев Мамарайим, техника фанлари номзоди, доцент.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Ўлмасов Тулқин Усмонович, техника фанлари доктори; Бозоров Аминжон Нуриллоевич, техника фанлари бўйича фалсафа доктори (PhD).
Етакчи ташкилот: Фарғона политехника институти.
Диссертация йўналиши: амалий аҳамиятга молик.
II. Тадқиқотнинг мақсади: турли соҳаларда қўллаш учун мўлжалланган фильтрловчи буюмларни металл кукунларини киритиш усулида олиш технологиясини ишлаб чиқиш.
III. Тадқиқотнинг илмий янгилиги:
катта металл кукунларидан тайёрланган каркаснинг ғовакларига қайнаётган қатлам ёрдамида киритиладиган металл кукунларининг оптимал ўлчамлари (200-315 мкм) аниқланган;
қайнаётган қатлам усулида киритиш жараёнининг оптимал технологик режимлари (ҳаво босими: 120 мм сув устуни, заррача таркибидаги фосфор миқдори 0,22-0,3%) экспериментал равишда асосланган;
маҳаллий ва иккиламчи хомашёлардан фойдаланиб, қайнаётган қатлам ёрдамида киритиш усулида суюқлик ва газларни тозалаш учун самарали ФМ олишнинг соддалаштирилган технологияси ишлаб чиқилган;
ишлаб чиқилган фильтр материалларининг эксплуатацион хусусиятлари анънавий усулда олинган фильтр материалларига нисбатан ўтказувчанлиги 1,5 баравар ва механик мустахкамлиги 2 баробар ортганлиги аниқланган.
IV. Тадқиқот натижаларининг жорий қилиниши:
Турли соҳаларда қўллаш учун мўлжалланган фильтрловчи буюмларни металл кукунларни киритиш усулида олиш технологиясини ишлаб чиқиш бўйича олинган илмий натижалар асосида:
ишлаб чиқилган металл ғовакли фильтр элементлар Фарғона вилоятидаги “Қувамаштех сервис” МТП МЧЖда амалиётга жорий этилган (“ЎЗАГРОСЕРВИС” АЖнинг 2023 йил 8 февралдаги 09-02/102-129-сон маълумотномаси). Натижада, олинган фильтр элементларнинг анъанавий усулда олинган фильтр элементларига нисбатан ўтказувчанлигини 1,5 баравар, механик мустахкамлигини 2 баробарга ошириш имконини берган;
катта ўлчамли металл кукунларидан ясалган хом ашё ғовакларига кичик ўлчамли металл кукунларини қайнаётган қатлам ёрдамида киритиш технологияси Фарғона вилоятидаги “Қувамаштех сервис” МТП МЧЖда амалиётга жорий этилган (“ЎЗАГРОСЕРВИС” АЖнинг 2023 йил 8 февралдаги 09-02/102-129-сон маълумотномаси). Натижада, ишлаб чиқариш ва эксплуатацияга кетадиган сарф-харажатларни 20 % га тежаш имконини берган.