Усманов Юсуф Аликуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Деградацияга учраган суғориладиган ерларни тиклаш ва фойдаланишга киритиш механизмларини такомиллаштириш» 06.01.10-Ер тузиш, кадастр ва ер мониторинги (иқтисодиёт фанлари).
Диссертация мавзуси рўйхатга олинган рақам: B2021.3.PhD/Iqt796
Илмий раҳбарининг Ф.И.Ш., илмий даражаси ва унвони: Алтиев Абдурашид Султанович, иқтисодиёт фанлари доктори (DSc), профессор
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети
ИК фаолият кўрсатаётган муассаса номи, ИК рақами: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети DSc.03/30.01.2020.I.10.03.
Расмий оппонентлар: Гулямов Саидасрор Саидахмедович, иқтисодиёт фанлари доктори, академик; Мухторов Ўзбекхон Бурхонович, иқтисодиёт фанлари фалсафа доктори (PhD), доцент.  
Етакчи ташкилот номи: Қарши муҳандислик-иқтисодиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади деградацияга учраган суғориладиган ерларни тиклаш ва фойдаланишга киритиш механизмларини такомиллаштириш бўйича илмий асосланган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
деградацияга учраган ерлар ҳисоби тўғрисидаги маълумотларни тўплаш, таҳлил қилиш ва қайта ишлашнинг ягона мониторинг тизими шу турдаги суғориладиган ерларнинг тармоқлараро (идоралараро) алоҳида ҳисобини юритиш асосида такомиллаштирилган;
суғориладиган ерларни тиклаш ва фойдаланишга киритишни тезкор бошқариш, мониторинг қилиш тизими ахборотларни алоҳида навбатчи электрон хариталарга киритишга асосланган “Деградация харитасини яратиш технология” си ишлаб чиқилган;
деградацияга учраган суғориладиган ерларни тиклаш ва фойдаланишга киритишни иқтисодий рағбатлантириш, уларни манзилли йўналтиришга қаратилган давлат томонидан қўллаб-қувватлаш йўналишлари ишлаб чиқилган ҳамда амалга ошириш механизмлари асосланган;
деградацияга учраган суғориладиган ер майдонларини рекультивация қилиш жамғармасини ташкил этиш асосланган, унинг молиявий маблағларини шакллантириш механизми ҳамда ушбу маблағлар квотасини аниқлаш услуби ишлаб чиқилган.
IV. Тадқиқот натижаларининг жорий қилиниши: Деградацияга учраган суғориладиган ерларни тиклаш ва фойдаланишга киритиш механизмларини такомиллаштириш бўйича олинган илмий-амалий натижалар асосида:
деградацияга учраган суғориладиган ерларнинг тармоқлараро (идоралараро) алоҳида ҳисобини юритишни такомиллаштириш, ушбу ерларни ҳисобга олишнинг марказлашган тизимини шакллантириш юзасидан таклифлари Ўзбекистон Республикаси Қишлоқ хўжалиги вазирлиги тизим ташкилотлари томонидан амалиётга жорий қилинган (Ўзбекистон Республикаси Қишлоқ хўжалиги вазирлигининг 2023 йил 20 сентябрдаги 0429-061065-сон маълумотномаси). Натижада, турли хўжалик юритиш шакли фаолиятлари оқибатида деградацияга учраган суғориладиган ерларнинг ҳолати, характери, миқдори ва сифат кўрсаткичларини аниқлаш, шунингдек деградацияга учраган суғориладиган ерларни тиклаш тадбирларини амалга ошириш учун техник-иқтисодий асосларни ишлаб чиқиш имконияти яратилган;
суғориладиган ерларни тиклаш ва фойдаланишга киритишни тезкор бошқариш, мониторинг қилиш тизимини такомиллаштириш бўйича тавсиялари Ўзбекистон Республикаси Қишлоқ хўжалиги вазирлиги тизим ташкилотлари томонидан амалиётга жорий қилинган (Ўзбекистон Республикаси Қишлоқ хўжалиги вазирлигининг 2023 йил 20 сентябрдаги 0429-061065-сон маълумотномаси). Натижада, деградацияга учраган суғориладиган ерларни тиклаш ва фойдаланишга киритиш жараёнларини бошқаришнинг оперативлиги, навбатлиги ҳамда комплекслигига, шунингдек инвестиция ресурсларини самарали тақсимлашга эришилган;   
деградацияга учраган суғориладиган ерларни тиклаш ва фойдаланишга киритиш фаолиятини давлат томонидан қўллаб-қувватлашни такомиллаштириш юзасидан таклифлари Ўзбекистон Республикаси Қишлоқ хўжалиги вазирлиги тизим ташкилотлари томонидан амалиётга жорий қилинган (Ўзбекистон Республикаси Қишлоқ хўжалиги вазирлигининг 2023 йил 20 сентябрдаги 0429-061065-сон маълумотномаси). Натижада, деградацияга учраган суғориладиган ерларни тиклаш ва фойдаланишга киритишда ердан фойдаланувчи субъектларни рағбатлантириш ҳамда уларнинг фаолиятини суғурталаш, инвестициялаш, субсидиялаш асосида қишлоқ хўжалиги ерларини фойдаланишга қайтариш имконияти яратилган;
деградацияга учраган суғориладиган ерларни тиклаш ва фойдаланишга киритиш жамғармасини ташкил этиш таклиф қилинган, жамғарманинг молиявий маблағлари шаклланиш механизми, ушбу маблағлар квотасини аниқлаш услуби Ўзбекистон Республикаси Қишлоқ хўжалиги вазирлиги тизим ташкилотлари томонидан амалиётга жорий қилинган (Ўзбекистон Республикаси Қишлоқ хўжалиги вазирлигининг 2023 йил 20 сентябрдаги 0429-061065-сон маълумотномаси). Натижада, ҳудудлар кесимида жамғармага келиб тушган молиявий маблағларнинг тақсимланадиган (Жамғарма дирекциясини сақлаб туриш харажатларидан ташқари) қисмини аниқлаш ҳамда тупроқ унумдорлиги (бонитет балл)га нисбатан рағбатлантиришнинг индивидуал коеффициентини аниқлаш имконияти яратилган.