Холов Илхом Абдуқаюмовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Кальцийли суюқ саноат чиқиндиларини комплекс қайта ишлаш технологиясини ишлаб чиқиш», 02.00.13 – Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2023.3.PhD/Т2756.
Илмий раҳбар: Искендеров Ахмед Максетбаевич, техника фанлари доктори, доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Қорақалпоқ давлат университети, PhD.03/30.12.2019.T.20.03.
Расмий оппонентлар: Кўчаров Бахром Хайриевич, техника фанлари доктори, доцент; Каипбергенов Атабек Тулепбергенович, техника фанлари доктори, профессор.
Етакчи ташкилот: Наманган мухандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кальцийли суюқ саноат чиқиндиларини комплекс қайта ишлаб кальций пероксид, қаттиқ ва суюқ азотли ўғитлар олиш технологиясини ишлаб чиқишдан иборат.
III. Тадқиқотнинг илмий янгилиги:
илк бор «Қўнғирот сода заводи» МЧЖ ҚК ишлаб чиқариш чиқиндиси- дистиллерли суюқлигидан водород пероксид ва аммиак таъсирида кальций пероксид олиш жараёнига ҳар хил технологик омилларнинг таъсир қилиш қонуниятлари аниқланган;
кальций пероксидли қуйқасидан  суюқ фазани ажратиш, фильтратни қаттиқ ва суюқ азотли ўғитларга қайта ишлаш жараёнларининг кетма-кетлигини ва мақбул технологик омилларни ўзаро боғлиқлиги СаCl2-NH4Cl-H2O диаграммада асосланган;
юқори карбонатли фосфоритларни нитрат кислотали бойитишда ҳосил бўлган паст концентрацияли кальций нитрат эритмасини аммиак иштирокида водород пероксид билан конверсиялаб кальций пероксид олиш жараёнига технологик омилларнинг таъсир қилиш қонуниятлари аниқланган;
конверсия жараёни механизми Ca2+, 2NH4+//NO3--H2O система диаграммаси орқали асосланган ва биринчи бор жараёнда NH4NO3-5Ca(NO3)2• 10H2O янги бирикма ҳосил бўлиши замонавий физик кимёвий тахлиллар орқали исботланган;
технологик жараёнларда ҳосил бўладиган оралиқ ҳамда охирги реакцион қуйқа ва эритмаларни физик-кимёвий хоссалари аниқланган, уларнинг технологик омилларга боғлиқлик номограммалари ишлаб чиқилган;
кальцийли суюқ саноат чиқиндиларидан кальций пероксид олишда ҳосил бўладиган фильтратлардан қаттиқ ва суюқ азотли ўғитлар олиш имкониятлари илмий асосланган;
турли кальцийли саноат чиқиндилардан  кальций пероксид, қаттиқ ва суюқ азотли ўғитлар олишнинг мослашувчан технологияси ишлаб чиқилган.
IV. Тадқиқот натижаларининг жорий қилиниши:
«Қўнғирот сода заводи» МЧЖ ҚКда ҳосил бўладиган дистиллерли суюқлиги яъни кальцийли суюқ саноат чиқиндиларидан кальций пероксид олиш технологиясини ишлаб чиқиш бўйичa oлингaн илмий нaтижaлaр aсoсида:
кальций пероксид олиш технологияси “Elektrokimyozavod” QK AJнинг мараказий лабораториясида амалиётга жорий қилинган (“Elektrokimyozavod” QK AJнинг 2022 йил 11 майдаги 112-сон маълумотномаси). Натижада, ушбу ишланманинг жорий этилиши республикада юқори самарали, экспортга мўлжалланган кислороднинг қаттиқ манбаси ишлаб чиқариш имконини берган;
юқори карбонатли Марказий Қизилқум фосфоритларини бойитишда ҳосил бўладиган паст концентрацияли кальций нитрат эритмасидан кальций пероксид кукуни билан бир вақтда қаттиқ ва суюқ азотли ўғитлар олиш технологияси “Elektrokimyozavod” QK AJнинг “Elektrokimyozavod” QK AJнинг “инновацион ривожланиш дастури”га киритилган (“Elektrokimyozavod” QK AJнинг 2022 йил 11 майдаги 112-сон маълумотномаси). Натижада, қишлоқ хўжалигида ўсимликларни ҳосилдорлигини оширувчи арзон суюқ ва қаттиқ азотли ўғитлар олиш имконини беради.