Қиёмов Шарифжон Нозимовичнинг
фан доктори (DSc) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Эпоксиуретан полимерларини олиш ва уларни коррозияга чидамли материаллар сифатида қўллаш технологиясини ишлаб чиқиш», 02.00.14 – Органик моддалар ва улар асосидаги материаллар технологияси ихтисослиги (техника фанлари).
Диссертация мавзуси рўйхатга олинган рақам: В2023.1.DSc/Т582.
Илмий маслаҳатчи: Джалилов Абдулахат Турапович, кимё фанлари доктори, профессор, академик.
Диссертация бажарилган муассасалар номи: Тошкент кимё технология илмий-тадқиқот институти.
ИК фаолият кўрсатаётган муассаса номи, ИК рақами: Тошкент кимё технология илмий-тадқиқот институти, DSc.16/30.12.2019.К/Т.87.01.
Расмий оппонентлар: Мухиддинов Баҳодир Фаҳриддинович, кимё фанлари доктори, профессор; Жураев Асрор Бахтиёр ўғли, техника фанлари доктори, доцент; Нормуродов Бахтиёр Абсуллаевич, техника фанлари доктори, доцент.
Етакчи ташкилот: Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: уретан олигомерлари ҳамда эпоксиуретан полимерларини изосианациз усулда олиш технологиясини ишлаб чиқиш ва уларни коррозияга қарши материаллар сифатида қўллашдан иборат.
III. Тадқиқотнинг илмий янгилиги:
изосианациз усулда ўртача молекуляр массаси 3800 гача бўлган, уретан гуруҳларини сақлаган янги олигомерлар синтез қилинган ва синтез жараёнининг мақбул шароитлари ишлаб чиқилган;
вискозиметрик ва криоскопик тадқиқот натижаларини бирлаштириш асосида синтез қилинган уретан олигомерлари молекуляр массаларини уларнинг қовушқоқлик кўрсаткичлари билан боғловчи К ва α константалар қийматлари аниқланган;
синтез қилинган уретан олигомерларида реаксион фаол четки уретан гуруҳларининг мавжудлигини ҳамда уларнинг эпоксид гуруҳлари билан тўлиқ кимёвий та'сирлашиш шароитларини аниқлаш натижасида уретан олигомерлари ва эпоксид смолалари асосида 96 фоизгача кимёвий чокланиш даражасига эга бўлган уретан-эпоксид икки компонентли преполимер тизимлар олиш усуллари ва таркиблари ишлаб чиқилган;
олинган уретан-эпоксид икки компонентли тизмлар асосидаги полимерларнинг дифференциал термик таҳлиллари ва термомеханик анализ натижалари асосида уларнинг термореактивлиги исботланган;
уретан-эпоксид термореартив полимерлар устмолекуляр кимёвий тузилиши, термик ва физик-механик хусусиятларининг таркибдаги уретан олигомерлари миқдорига ва турига боғлиқ эканлиги асосланган;
эпоксиуретан термореактив полимерлари асосида антикоррозион қопламалар олиш технологияси ишлаб чиқилган ҳамда уларнинг агрессив муҳитларга чидамлилик, адгезион, деформацион-мустаҳкамлик, ва триботехник хоссалари аниқланган.
IV. Тадқиқот натижаларининг жорий қилиниши.
Эпоксиуретан полимерларини коррозияга чидамли материаллар сифатида ишлаб чиқариш ва уларни қўллаш технологияларини ишлаб чиқиш бўйича олинган илмий  натижалар асосида:
олинган эпоксиуретан преполимерлари қоплама ҳосил қилувчи модда сифатида “Бмах Буилдинг Материалс” қўшма корхонасида амалиётга жорий қилнган (“Бмах Буилдинг Материалс” МЧЖ ҚКнинг 2023 йил 02 августдаги 32-сон маълумотномаси). Натижада, эпоксиуретан полимерлари асосида сув-эмулсияли лак- бўёқ материаллари ишлаб чиқариш имконини берган;
олинган эпоксиуретан полимерлари футеровка материали сифатида “Навоий кон-металлургия комбинати” акциядорлик жамиятида амалиётга жорий этилган (“Навоий кон-металлургия комбинати” АЖнинг 2023 йил 08  августдаги 23/01-01-07/385-сон маълумотномаси). Натижада, гидрометаллургия ва геотехнология тармоқларидаги кислотали муҳитда ишлайдиган насосларнинг ишлаш муддатини узайтириш имконини берган;
эпоксиуретан смолалари асосидаги композицион материаллар “Петромаруз Узбекистан” хорижий корхонасининг нефт конларида амалиётга жорий қилинган (“Петромаруз Узбекистан” МЧЖ ХК нинг 2023-йил 31-июлдаги ЛС/305-сон маълумотҳомаси). Натижада, қазиб олинган нефтни сақлаш резервуарларининг ишлаш муддатини узайтириш имконини берган;
эпоксиуретан полимерлари асосидаги коррозияга қарши композицион қопламалар “Петромаруз Узбекистан” хорижий корхонасининг нефт қазиб олиш конида нефт қудуқларининг насос-компрессор қувурларини коррозиядан ҳимоя қилишда амалиётга жорий қилинган (“Петромаруз Узбекистан” МЧЖ ХК нинг 2023-йил 31-июлдаги ЛС/305-сонли маълумотҳомаси). Натижада, нефт қазиб олиш қувурларининг хизмат қилиш муддатини узайтириш имконини берган.