Javliev Sarvar Kurbonmiratovichning
falsafa doktori (PhD) Dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Hisoblanuvchi ajratiluvchi ekvivalentliklar ustida algebraik tizimlar”, 01.01.06 – Algebra (fizika-matematika fanlari).
Dissertatsiya mavzusi ro‘yxatga olingan raqam: B2023.1.PhD/FM842
Dissertatsiya bajarilgan muassasa nomi: Mirzo Ulug‘bek nomidagi O‘zbekiston Milliy universiteti
IK faoliyat ko‘rsatayotgan muassasa nomi, IK raqami: V. I. Romanovskiy nomidagi Matematika instituti huzuridagi DSc.02/30.12.2019.FM.86.01 raqamli Ilmiy kengash.
Ilmiy rahbar: Kasimov Nadumulla Xabibullaevich, fizika-matematika fanlari doktori, professor.
Rasmiy opponentlar: Morozov Andrey Sergeevich, fizika-matematika fanlari doktori, professor (S.L.Sobolev nomidagi Matematika instituti, Rossiya Federatsiyasi); Xudoyberdiev Abror Xakimovich, fizika-matematika fanlari doktori, professor.
Yetakchi tashkilot: Qozon federal universiteti (Rossiya Federatsiyasi).
Dissertatsiya yo‘nalishi: nazariy ahamiyatga molik.
II. Tadqiqotning maqsadi hisoblanuvchi endomorfizmli chiziqli tartiblarni strukturaviy xossalari va ularning tasvirlanish darajalari nazariyasi doirasida negativ tasvirlanishlarini aniqlash, shuningdek chekli universal algebralar va ularning hisoblanuvchi ajratiluvchi tasvirlanishlari orasidagi bog‘liqlikni o‘rnatishdan iborat.
III. Tadqiqotning ilmiy yangiligi quyidagilardan iborat:
hisoblanuvchi avtomorfizmlar yarim gruppasi gruppa bo‘lmaydigan, negativ unar algebraga oid misol keltirilgan;
endomorfizmli chiziqli tartiblarni taqqoslanmaydigan, minimal va maksimal negativ tasvirlanish darajalari topilgan hamda ularni cheksiz antizanjir tashkil qilishi isbotlangan;
Yu.L.Ershov ma’nosida nomerlashlarning keltirilishi va chiziqli tartiblarning negativ tasvirlanish darajalari o‘rtasida anti-izomorfizm qurilgan;
tekis hisoblanuvchi ajratiluvchi ekvivalentlik uchun uning xarakteristik transversalining immunligi ushbu ekvivalentlik ustida tasvirlanuvchi barcha algebralarning chekli approksimatsiyalanuvchiligi isbotlangan;
tekis m-ekvivalentlik tushunchasi kiritilgan va har qanday gruppani algoritmik tasvirlashining yadrosi tekis m-ekvivalent ekanligi isbotlangan hamda gruppaning ixtiyoriy nomerlashi qisman to‘liq bo‘lmasligi ko‘rsatilgan.
IV. Tadqiqot natijalarining joriy qilinishi. Hisoblanuvchi ajratiluvchi ekvivalentliklar ustida algebraik tizimlar bo‘yicha olingangan natijalar asosida:
    chiziqli tartiblarni tasvirlanish darajalaridan BV-M-F4-004  raqamli “Funksional jadvallar algebrasi asosi murakkab tizimlar boshqarishini algoritmlash prinsiplarini ishlab chiqish” mavzudagi fundamental loyihada murakkab tizimlarning monoton bul funksiyalari tizimini echishda foydalanildi (O‘zbekiston Milliy universitetining 2023 yil 17 noyabrdagi 04/11-7976-sonli ma’lumotnomasi). Ilmiy natijaning qo‘llanilishi umumiy xossalarga ega bo‘lgan kiruvchi parametrlarni sinflarga ajratish imkonini bergan;
klassik tizimlar nomerlashlarining algoritmik xossalari, endomorfizmli chiziqli tartiblarning negativ tasvirlanish darajalari strukturasi va ularning ekvivalentliklar ustida tasvirlanishidan 22-21-20024 raqamli “Echilmaslikning darajalarining axborot ekspressivligi” mavzusidagi xorijiy grant loyihasida endomorfizmli chiziqli tartiblarning negativ tasvirlanish darajalarini aniqlashda  foydalanilgan (Volga federal okrugi matematik ilmiy-ta’lim markazining 2023 yil 14 noyabrdagi NP-01/11-sonli ma’lumotnomasi, Rossiya federatsiyasi). Ilmiy natijalarning qo‘llanilishi negativ tasvirlanadigan endomorfizmli chiziqli tartiblarni taqqoslanmaydigan darajalarini topishni imkonini bergan.