Ширинова Маъмура Хикматуллаевна
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Тана таянч юзасида патологик ўзгаришларга эга беморлар учун буюмлар ассортиментини лойиҳалашнинг комплекс усулини ишлаб чиқиш” 05.06.04 – “Тикувчилик буюмлари технологияси ва костюм дизайни” (техника фанлари) 
Диссертация мавзуси рўйхатга олинган рақам: B2023.1.PhD/Т3499
Илмий раҳбар: Нигматова Фатима, техника фанлари доктори, профессор. 
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.Т.08.01.
Расмий оппонентлар: Абдукаримонва Машкура Абдурайимовна техника фанлари доктори, доцент; Пулатова Сабоҳат Усмоновна техника фанлари доктори, профессор.
Етакчи ташкилот: Наманган тўқимачилик саноати институти
Диссертация йўналиши: амалий аҳамиятга молик.
II. Тадқиқотнинг мақсади: тана таянч юзасида патологик ўзгаришлар бўлган беморлар учун яхшиланган гигиеник ва эксплуатацион кўрсаткичларга эга бўлган адаптацион буюмлар ассортиментини лойиҳалашнинг комплекс усулини ишлаб чиқиш ва асослашдан иборат.
III. Тадқиқотнинг илмий янгилиги:
    тиббий муассасаларда беморни даволаш-профилактика муолажалари самарадорлигини оширувчи, мослашувчанлик, эргономик қулайлик ва ўзаро мувофиқлик тамойилларига асосланган буюмларни: кийим, тўшак чойшаблари ва техник воситалар лойиҳалаш ва тайёрлаш илмий концепцияси ишлаб чиқилган;
кийим ости бўшлиғида ҳаво алмашинуви жараёнини яхшилаш ва беморнинг юмшоқ тўқималарига босимни камайтириш имконини берувчи зонал тузилишга эга янги тўшак матосининг лойиҳа ечимлари ва тузилиш параметрларининг аналитик қийматлари аниқланган;
    тўқимачилик матоси юзасини акрил эмулсияси билан кимёвий модификациялаш усули таклиф этилиб, унинг асосида мембрана тузилишга эга полимер-тўқима матоси ҳамда кўп маротаба ювишга чидамли сув ўтказмайдиган адаптацион буюмлар, уларнинг абсорбцион хусусиятларини ошириш технологияси ишлаб чиқилган;
    тананинг таянч юзасида патологик ўзгаришлари бўлган беморни даволаш ва унга қараш сифатини оширишга ёрдам берувчи янги адаптацион буюмларнинг конструктив-технологик ечимлари ва рационал параметрлари ишлаб чиқилган.
IV. Тадқиқот натижаларининг жорий қилиниши:
Ётоқ яра хавфи мавжуд беморлар тана таянч юзасида босимни олдини олишда янги профилактик матрасбоп чойшаб, гигиеник кичик чойшаб, парвариш жараёнидаги ноқулайликларни бартараф этувчи функсионал кийимлар ассортиментини самарали конструксиясини ишлаб чиқиш бўйича олингин натижалар асосида:
ҳаракатланиш имконияти чекланган беморлар учун махсус пантолонга Ўзбекистон Республикаси Интеллектуал мулк агентлигининг саноат намунасига патент олинган (САР 02309, 2021 й.). Натижада беморлар кийимидаги ортиқча ён ва орт бўлак думғаза қисмидаги чоклар юқотилиб, таглик памперс кийдирилганда орт бўлакда қўшимчалар ҳисобига танада кийим ёпишмаслиги, шу билан бирга, олд бўлакда ечиб кийиш қулайлиги махсус пистонлар орқали таъминлаш имкони яратилган;
ётоқ яра хавфи мавжуд беморлар учун комплекс лойиҳаланган буюмлар ассортименти учун конструкторлик-лойиҳалаштириш ва технологик ҳужжатлари «Нур-Тех» МЧЖ, «Нурафшон-Нур» МЧЖ корхоналарида ишлаб чиқаришга жорий этилган («Ўзтўқимашиликсаноат» уюшмасининг 2022 йил 8 ноябрдаги №03/25-3072-сонли маълумотномаси). Жорий этилган натижалар ётоқ яра хавфи мавжуд беморлар қулайлигини таъминловчи тиббий муолажалар топографиясини ҳисобга олган ҳолда ва танани зарур ҳимоя даражасини таъминлашга имкон берувчи беморлар кийимлари ишлаб чиқиш имконини берган;
ётоқ яра хавфи мавжуд беморлар учун ишлаб чиқилган профилактик буюмлар ассортименти  «Ногиронлиги бўлган шахсларни реабилитация қилиш ва протезлаш миллий маркази» да рўйхатда турган беморларда қўлланилган («Ногиронлиги бўлган шахсларни реабилитация қилиш ва протезлаш миллий маркази» нинг 2023 йил 13 июндаги далолатномаси) натижада кичик чойшаб сувни абсорбициялаш хусусияти 31,3 фоизга, буғ ўтказувчанлиги 80,2 фоизга ошириш, кийимлар комплектида иқтисодий самарадорлик 1,1% га  камайтириш имконини берган.